(Winchester f. 229v-305; Caxton X.1-X.73; Vinaver, Vol. 2, pp. 559.6-745.35; Shepherd pp. 337.8-440.19)


f.229v (X.1)


ANd yf hit be so ye can dyscryve what ye beare

ye ar worthy to beare Armys As for Þat seyde sir

Trystram I woll answere you  · As for this shylde

was yevyn me not desyred of quene Morgan le fay And

as for I can nat dyscryve this armys for hit is no poynte

of my charge and yet I truste to god to beare hit with worship

Truly seyde kynge Arthure ye ought nat to beare none

armys but yf ye wyste what ye bare But I pray you

telle me youre name // To what entente seyde sir Trystram

for I wolde wete seyde kynge Arthure Sir ye shall nat

wete for me at this tyme Than shall ye & I do batayle

to gydir // Why seyde sir Trystram woll ye do batayle with

me but yf I telle you my name for sothe Þat lytyll nedyth

you & ye were a man of worshyp ye wolde nat haue a

do with me for ye haue sene me this day haue had grete

travayle And there fore ye ar no valyaunte knyght to

aske batayle of me consyderynge my grete travayle how

be hit I woll nat fayle you And haue ye no doute Þat I feare

nat you though ye thynke ye haue me at a grete a vaun//

tage yet shall I ryght well endue you And there with all

kynge Arthure dressid hys shylde & his speare And Sir

Trystram a yenst hym and they come egirly to gydyrs

And Þer kynge Arthure brake his speare al to pecis on

sir Trystrams shylde But sir Trystram smote kynge Arthur

a gayne so sore Þat horse and man felle to Þe erthe · And Þer was

kynge Arthure woundid on Þe lyfte syde a grete wounde

& a perelous Whan sir vwayne saw his lorde kynge Arthur

ly on Þe erthe sore woundid he was passynge hevy · And Þan

he dressid his shylde & his speare & cryed a lowde vnto sir

Trystram And seyde knyght defende the So they come to

gydir as faste as Þer horse myght ren And sir vwayne brused

f. 230 (X.1)


his speare all to pecis vppon sir Trystrams shylde And

sir Trystram smote hym harder & sorer with such a myght

Þat he bare hym clene oute of his sadyll to the erthe // with

that sir Trystram turned hys horse a boute & sayde to them

fayre knyghtes I had now no nede to Juste with you for I haue

had I nowȝe to do this day · Than a rose vp kynge Arthure

and went to sir vwayne and than he seyde to sir Trystrams

we haue now as we haue deseruyd for thorowe oure owne

ogulyte we demanded batayle of you and yet youre name

we know nat Neuer the lesse by seynte Crosse seyde sir vwayne

he is a stronge knyght at myne advyse as ony is lyvynge

Than sir Trystram departed and in euery place he asked aftir

sir Launcelot but in no place he cowde hyre of hym wheÞer he

were dede oÞer on lyve where fore sir Trystram made grete

dole & sorowe So sir Trystam rode by a foreyste & than

was he ware of a fayre toure by a marys on the tone syde

& on that oÞer syde was a fayre medow & there he saw ·x·

knyghtes fyghtynge to gydyrs And euer Þe nere he cam he saw

how Þer was but one knyght ded batayle a yenst a ·ix· knyȝtes

and that one knyght ded so meruaylousely Þat sir Trystram had

grete wondir that euer one knyght myght do so grete dedis

of armys · And than with in a lytyll whyle he had slayne halff

theire horsys & vnhorsid them & Þer horsys ran in to Þe feldys

& forestes Than sir Trystram had so grete pite of Þat one knyȝt

that endured so grete payne & euer hym hought hit sholde

be sir Palomydes by his shylde So he rode vnto the knyghtys

and cryed vnto them & bade them sease of Þat batayle for they

ded them self grete shame so many knyghtes to feyght wyth

one · Than answerde Þe maystir of the knyghtes hys name

was called sir Brunys saunȝe pyte that was at Þat tyme

the moste myschevuste knyght lyvynge & seyde thus Sir

f. 230v (X.1-2)


knyght what haue ye a do with vs to medyll And there

fore & ye be wyse departe on youre way as ye cam for

this knyght shall nat scape vs That were grete ptye

seyde sir Trystram that so good a knyght as he is sholde be

slayne so cowardly And there fore I make you ware I

woll succour hym with all my puyssaunce // So sir Trystram

a lyght of hys horse by cause they were on foote that they

sholde nat sle his horse And than sir Trystram dressyd

his shylde with hys swerde in his honde and he smote on

the ryght honde and on Þe lyffte honde passynge sore

that well nye euery stroke he strake downe a knyghte

And whan they a spyed his strokys they fledde bothe sir

Brunys saunȝe pyte and hys felyshyp vnto Þe towre

& sir Trystram folowed faste aftir wyth hys swerde In

his honde but they ascaped in to the towre & shut Sir

Trystram with oute Þe gate and whan sir Trystram

saw Þat he returned a backe vnto sir Palomydes & founde

hym syttynge vndir a tre sore woundid · A fayre knyȝt

seyde sir Trystram well be ye founde Gramercy seyde sir

Palomydes of youre grete goodnesse for ye haue res//

cowed me of my lyff & savyd me of my dethe // what is

your name seyde sir Trystram sir my name ys sir Palomy//

des A Jhu seyde sir Trystram Þou haste a fayre grace

of me this day that I sholde rescowe Þe · And Þou art Þe man         

in Þe worlde that I moste hate but now make Þe redy for        

I shall do batayle with the what is your name seyde sir Palo//             

mydes my name is sir Trystram your mortall enemy //       

hit may be so seyde sir Palomydes But ye haue done                 

ouer muche for me this day Þat I sholde fyght with you for                  

in as muche as ye haue saved my lyff hit woll be no

worshyp for you to haue a do with me for ye ar freyshe

f. 231 (X.2)


and I am sore wounded and Þer fore and ye woll nedys

haue a do with me assygne me a day & than shall I mete

with you with oute fayle // ye say well seyde sir Trystramys

Now I assygne you to mete me in the medowe by the

ryver of Camelot where Merlyon sette Þer Perowne //

So they were agreed Than sir Trystram asked sir Pa//

lomydes why Þe ·ix· knyghtes ded batayle with hym for

this cause seyde sir Palomydes as I rode vppon myne

adventures in a foreyste here be syde I aspyed where

lay a dede knyght & a lady wepynge be sydys hym And

whan I sawe her makynge suche doole I asked her who

slew her lorde Sir she seyde Þe falsyste knyght of Þe worl//

de and moste he is of vylany And his name is sir Brw//

nes saunȝe pite Than for pite I made Þe damesell to lepe

on her palferey & I promysed her to be her waraunte & to

helpe to entyre hir lorde And suddeynly as I cam rydyng

by this towre Þer come oute sir Brewnys saunce pite and

suddeynly he stake me fro my horse & or euer I myghte

recovir my horse this sir Brewnys slew Þe damesell · And

so I toke my horse a gayne & I was sore a shamyd and so

be gan this medle be twyxte vs and this is the cause

where fore we ded this batayle // well seyde sir Trystram

now I vndirstonde the maner of your batayle but in ony

wyse Þat ye haue remembraunce of your promyse Þat ye haue

made with me to do batayle this day fourtenyght // I shall

nat fayle you sayde sir Palomydes well seyde sir Trys//

tram as at this tyme I woll nat fayle you tylle that

ye be oute of Þe damage of your enemyes So they amowntid

vppon Þer horsys & rode to gydyrs vnto Þe foreyste and Þer

they founde a fayre welle with clere watir burbelynge

Fayre sir seyde sir Trystramys to drynke of that water            

f. 231v (X.2)


I haue grete currage And than they a lyght of Þer horsys

And than were they ware be syde them where stoode

a grete horse tyed tylle a tre & euer he nayed Then they

aspyed farÞermore & than were they ware of a fayre

knyght armed vndir a tre lackynge no pece of harnes

save hys helme lay vndir his hede //By the good lorde

seyde sir Trystram yondir lyeth a well farynge knyȝt

what is beste to do seyde sir Trystram a wake hym seyde

sir Palomydes So sir Trystram a wakyd hym wyth Þe

vutte of hys speare And so the knyght arose vp hastely &

put hys shys helm vppon his hede & mowntyd vppon his

horse & gate a grete speare in his honde & with with oute

ony mo wordis he hurled vnto sir Trystram and smote

hym clene from his sadyll to the erthe & hurte hym on

the lyffte syde Than sir Trystram lay stylle in grete perell

Than he waloppyd furÞer and sette his course & come hur//

lynge vppon sir Palomydes and Þer he strake hym a parte

thorow the body that he felle frome hys horse to Þe erthe

And than this strange knyght lefte them there & toke

his way thorow the foreyste // So wyth this sir Trystram

and sir Palomydes were on foote & gate Þer horsys a gayne

and aythir asked counceyle of oÞer what was beste to done

Be my hede seyde sir Trystram I woll folow this stronge

knyght that thus hath shamed vs // well seyde sir Palomy//

des we and I woll repose me here with a frende of myne        

Be ware seyde sir Trystram to sir Palomydes loke Þat

ye fayle nat Þat day that ye haue sette with me for as I

deme ye woll nat holde your day for I am muche bygger

than ye ar As for that seyde sir Palomydes be as be may

for I feare you nat for & I be nat syke noÞer presoner I woll

nat fayle you but I haue more doute of you Þat ye woll         

f. 232 (IX.2-3)


nat mete with me for ye woll ryde aftir yondir stronge knyȝt

and yf ye mete with hym hit is in adventure & euer ye scape

his hondys So sir Trystram And sir Palomydes departyd and

ayÞer toke Þer wayes dyverse And so sir Trystram rode longe

aftir this stronge knyght And at Þe laste he sye where lay a

lady ouertwarte a dede knyght fayre lady seyde sir Trystramys

who hath slayne your lorde Sir she seyde here came a knyght ry//

dynge as my lorde & I restyd vs here and askyd hym of whens

he was And my lorde seyde of kynge Arthurs courte · There

fore seyde Þe stronge knyght I woll Juste with the for I hate

all tho that be of Arthurs courte And my lorde Þat lyeth here

dede a mownted vppon hys horse & Þe stonge knyght and my

lorde recountyrd to gydir & there he smote my lorde thorow

oute with his speare and thus he hath brought ^me in grete woo

and damage That me repentys seyde sir Trystram of youre

grete hevynesse But please hit you to tell me your husbondys

name Sir his name was sir Galardonne that wolde haue

prevyd a good knyght So departed Sir Trystram frome Þat

dolorous lady and had muche evyll lodgynge Than on the

thirde day sir Trystram mette with sir Gawayne and sir Bleo//

berys in a foreyste at a lodge and ayÞer were sore wounded

Than sir Trystram askyd sir Gawayne and sir Bleoberys yf

they mette with suche a knyght with suche a conyssaunce wyth a

couerde shylde Fayre knyght seyde these wounded knyghtes such

a knyght mette with vs to oure damage And fyrste he smote

downe my felowe sir Bleoberys and sore woundid hym by

cause he bade me I sholde nat haue a do with hym for why

he was ouer stronge for me Þat stronge knyght toke his wordis

at scorne and seyde he seyde hit for mockery And than they

rode to gedyrs and so he hurte my felowe And whan he had

done so I myght nat for shame but I muste Juste wyth hym

f. 232v (X.3)


And at Þe fyrste course he smote me downe and my horse to

the erthe and Þer he had all moste slayne me And frome vs

he toke his horse and departed and in an evyll tyme we mette

with hym // Fayre knyghtes seyde sir Trystrams he mette wyth

me & with anoÞer knyght sir Palomydes and he smote vs bothe

downe with one speare & hurte vs ryght sore Be my faythe

sayde sir Gawayne be my counceyle ye shall lette hym passe

and seke hym no farther for at Þe nexte feste of the rounde

table vppon payne of myne hede ye shall fynde hym there

Be my faythe seyde sir Trystram I shall neuer reste tyll Þat

I fynde hym And than Syr Gawayne askyd hys name

and so aythir departed And so sir Trystram rode his way &

by fortune in a medowe he mette with sir Kay the senescyall

and with sir Dynadan what tydynges seyde sir Trystram with

you knyghtes Nat good seyde these knyghtes · why so seyde

sir Trystram I p^ray you tell me for I ryde to seke a knyght

what conyssaunce beryth he seyde sir kay he beryth seyde sir

Trystram a shylde couyrde close be my hede seyde sir kay Þat

is the same knyght Þat mette with vs for this nyght we were

lodged here by in a wydows house & Þer was Þat knyght lod//

ged And whan he wyste we were of kynge Arthurs

courte he spake grete vylony by Þe kynge and specially

by the quene Gwenyuer and than on the morne was wa//

ged batayle with hym for Þat cause And at Þe fyrste recountir

he smote me downe seyde sir Kay fro myne horse & hurte

me passyngly sore And whan my felowe sir Dynadan saw

me smytten downe and hurte sore yet he wolde nat reven//

ge me but fledde fro me and thus is he departed from vs

And than sir Trystram asked what was Þer namys & so ayÞer

tolde oÞer Þer namys And so sir Trystram from sir kay

and frome sir Dynadan and so he paste thorow a grete

f. 233 (X.3-4)


foreyste in to a playne tylle he was ware of a pryory

& Þer he reposyd hym with a good man vj· dayes And than

he sente his squyer Gouernayle & commaunded hym to go to

a cite Þer by to fecce hym newe harneyse for hit was

longe tyme a fore Þat sir Trystram had bene refreysshed for

his harneyse was brused and brokyn sore And whan Gouernayle

was com with his apparayle he toke his leve at Þe wydow and

mownted vppon his horse & rode his way erly on Þe morne

And by suddayne adventure he mette with sir Sagraomour le desyrus

and wyth sir Dodynas le saveayge And this ·ij·knyghtes mette

with sir Trystram and questyonde with hym & askyd hym yf he wolde

Juste wyth hem Fayre knyght sayde sir Trystram wth good

wyll I wolde Juste with you but I haue promysed a day I sette nere

honde to do batayle wyth a stronge knyght & Þer fore am I

loth to haue a do with you for & it myssfortuned me to be

hurte here I sholde nat be able to do my batayle whyche

I promysed As for Þat sayde sir Sagramour magre your hede ye shal

Juste with vs or ye passe frome vs // well seyde sir Trystram

yf ye force me Þer to I muste do what I may & than they dres//

sed Þer shyldis & cam rennynge o gydir with grete Ire But

therow sir Trystrams grete force he strake sir Sagramoure

frome his horse Than he hurled his horse further & seyde

to sir Dodynas knyght make Þe redy And so thorow fyne

forse Sir Trystram strake downe sir Dodynas frome

hys horse And whan he sawe hem ly on Þe erthe he toke

his brydyll & rode furth on his way & his man Gouernayle

with hym And a none as sir Trystram was paste sir Sagramour

and sir Dodynas gate Þer horsys & mownted vp lyghtly and

folowed aftir sir Trystram And whan sir Trystram sawe

hem com so faste aftir hym he returned his horse to them

& asked them wat they wolde me thynkyth hit is nat longe

f. 233v (X.4-5)


a go sytthen I smote you downe to the erthe at your owre

a go sytthyn I smote you downe desyre and I wolde haue

ryddyn by you & ye wolde haue suffyrd me but now me

semyth ye wolde do more batayle with me That is trowthe

seyde sir Sagramour and sir Dodynas for we woll be re//

vengyd of Þe dyspyte Þat ye haue done to vs · Fayre knyghtes

seyde sir Trystram that shall lytyll nede you for all that

I ded to you ye caused hit where fore I requyre you of your

knyghthode leve me as at this tyme for I am sure and

I do batayle with you I shall nat ascape with oute grete hurtes

And as I suppose ye shall nat ascape all lotles and this

is Þe cause why that I am so loth to haue a do wyth you

for I muste fyght with in this ·iij· dayes with a good knyght

and a valyaunte as ony now is lyvynge and yf I be

hurte I shall nat be able to do batayle with hym · what

knyght is Þat seyde sir Sagramoure that ye shall fyght

wyth all Sir hit is a good knyght callyd sir Palomydes

Be my hede seyde sir Sagramour and sir Dodynas ye

haue a cause to drede hym for ye shall fynde hym a

passynge good knyght and a valyaunte And by cause

ye shall haue a do wyth hym we woll for beare you

as at this tyme and ellys ye sholde nat ascape vs

lyghtly But fayre knyght sayde sir Sagramoure

telle vs your name Syrrys my name is sir Trystram

A sayde sir Sagramoure and sir Dodynas well be

ye founde for muche worshyp haue we harde of

you And than aythir toke leve of oÞer & departed on there

way And sir Trystram rode streyte to Camelot to Þe

perowne that Merlyon had made to fore where

sir Launceor Þat was Þe kynges son of Irelonde that was

slayne by the hondys of sir Balyn And in Þe same 

f. 234 (X.5)


place was Þe fayre lady Columbe slayne Þat was love

vnto sir Launceor for aftir he was dede she toke hys

swerde & threste hit thorow her body And so by Þe crafte

of Merlyon he made to entyre this knyght Launceor

and his lady Columbe vndir one sone And at Þat tyme

Merlyon prosecied that in Þat same place sholde fyght ij

the beste knyghtes that euer were in kynge Arthurs

dayes and ·ij· of Þe beste lovers So whan sir Trystram

come to the towmbe of stone he loked a boute hym aftyr sir

Palomydes Than was he ware where come a semely

knyght rydynge a yenst hym all in whyght and Þe couerde

shylde · whan he cam nyȝe sir Trystram he seyde on hyght

ye be well com sir knyght and well & trewly haue ye holdyn

your promyse And than they dressid Þer shyldis & spearys & cam

to gydyrs with all her myghtes of Þer horsys & they mette so fer//

sely that bothe Þe horsys & knyghtes felle to the erthe and as

faste as they myght avoyde there horsys and put Þer shyldis

a fore them & they strake to gedyrs wyth bryght swerdys

as men Þat were of myght & aythir woundid othir wondirly

sore Þat the bloode ran oute vppon Þe grasse & thus they fought

the space of ·iiij· owres Þat neuer one wolde speke to oÞer and of

Þer harneys they had hewyn of many pecis A lorde Jhu seyde

Gouernayle I mervayle gretely of the grete strokis my

maystir hath yevyn to youre maystir Be my hede seyde

sir Launcelottis servaunte youre maystir hath not yevyn

hym so many but your maystir hath resseyvede so many or

more A Jhu seyde Gouernayle hit is to muche for sir Palo//

mydes to suffir oÞer sir Launcelot And yet pyte hit were

that aythir of these good men knyghtes sholde dystroy oÞis

bloode So they stoode and wepte bothe and mande grete dole

whan they sawe Þer swerdys ouer couerde with bloode of there

f.234v (X.5-6)


bodyes Than at the laste sir Launcelot spake and seyde

knyght Þou fyghtyst wondir well as euer I sawe knyghte

there fore and hit please you tell me your name sir seyde

sir Trystram that is me loth to telle ony man my na//

me Truly seyde sir Launcelot and I were requyred

I was neuer loth to tell my name ye say well seyde sir

Trystram than I requyre you to tell me your name

Fayre knyght my name is sir Launcelot du lake Alas

seyde sir Trystram what haue I done for ye ar the

man in the worlde thatI love beste Now fayre knyȝt

seyde sir Launcelot telle me your name Truly sir I hyght

sir Trystram de lyones A Jhu seyde sir Launcelot what

aventure is be fall me & there wyth sir Launcelott

kneled a downe and yeldid hym vp his swerde · And

Þer with all sir Trystram kneled a downe & yeldid hym vp

his swerde and so aythir gaff oÞer Þe gre And than they

bothe forth with all they went to the stone and set hem

downe vppon hit and toke of Þer helmys to keele them

and aythir kyste oÞer an C· tymes And than a none aftir

they toke Þer horsis and rode to Camelot & there they

mette with sir Gawayne and with sir Gaherys that had

made promyse to kynge Arthure neuer to com a gayne

to the courte tyll they had brought sir Trystram with

hem // Returne nat a gayne sayde sir Launcelot for  

youre queste is done for I haue mette with sir Trys/

tram lo here is his owne person Than was sir Gawayne

glad & seyde to sir Trystram ye ar well com for now

haue ye easid me gretly of my grete laboure // For

what cause seyde sir Gawayne com ye in to this con//

trey // Fayre sir sayde sir Trystram I com in to Þis

contrey be cause of sir Palomydes for he & I assigned

f. 235 (X.6)


at this day to haue done batayle to gydyrs at Þe perowne

and I mervayle I hyre nat of hym and thus by adventure

my lorde syr Launcelot and I mette to gydirs So wyth

this come kynge Arthure and when he wyste sir Trys//

tram was there he yode vnto hym & toke hym by the

honde & seyde sir Trystram ye ar as well com as ony

knyght that euer com vnto this courte And whan the

kynge herde how sir Launcelot and he had foughtyn &

aythir had wounded oÞer wondirly sore Then Þe kynge

made grete dole Than sir Trystram tolde the kynge

how he com thydir to haue a do with sir Palomydes and

than he tolde the kynge how he had rescowed hym from

the ·ix· knyghtes And sir Breunes saunȝe pite And how

he founde a knyght lyynge by a welle & that knyghte

smote downe bothe sir Palomydes and me and hys

shylde was couerde with a clothe So sir Palomydes leffte

me and I folowed aftyir Þat knyght & in many placis I founde

where he had slayne knyghtes & for Justyd many Be my

hede seyde sir Gawayne that same knyght smote me dow//

ne and sir Bleoberys and hurte vs sore bothe he wyth

the couerde shylde A sayde sir Kay that same knyght smote

me downe and hurte me passynge sore // Jhu mercy

seyde kynge Arthure what knyght was that wyth Þe

couerde shylde we knew hym not seyde sir Trystram and

so seyde they all // No seyde kynge Arthure than wote I

for hit is sir Launcelot Than they all lokyd vppon sir

Launcelot and seyde sir ye haue be gyled vs all wyth

youre couerde shylde hit is not Þe fyrste tyme seyde

kynge Athure he hath done so // My lorde seyde Sir

Launcelot truly wete you well I was Þe same knyght

that bare Þe couerde shylde And by cause I wolde nat be

f. 235v (X.6)


knowyn that I was of youre courte I seyde no worshyp

be youre house That is trouthe seyde sir Gawayne Syr

Kay and sir Bleoberys Than kynge Arthure toke

Sir Trystram by the honde & wente to the table rounde

Than com quene Gwenyuer and many ladyes with her &

all tho ladyes seyde at one voyce well com sir Trystram

wel com seyde damesels well com seyde kynge Arthur

for one of Þe beste knyghtes and Þe Jentyllyst of Þe wolde

and Þe man of moste worship For all maner of huntynge

Þou beryste Þe pryce and of all mesures of blowynge Þou

arte Þe be gynnynge of all the termys of huntynge and

hawkynge and ye ar the be gynner of all Instirmentes

of musyk ye ar the beste There fore Jantyll knyghte

seyde kynge Arthure ye ar well com to this courte

And also I pray you seyde kynge Arthure graunte me a

done Sir hit shall be at youre commaundemente seyde sir

Trystram well seyde kynge Arthure I wyll desyre that

ye shall a byde in my courte Sir seyde sir Trystram there

to me is lothe for I haue to do in many contreys Not so

seyde kynge Arthure ye haue promysed me ye may not

say nay Sir seyde sir Trystram I woll as ye woll Than

wente kynge Arthure vnto the seges a boute Þe rounde

table & loked on euery syege whych were voyde Þat lacked

knyghtes And than the kynge sye in the syege of sir Marhalt

lettyrs Þat seyde this is the syege of Þe noble knyght sir Trys

Trystamys And than kynge Arture made sir Trystram

a knyght of the rounde table wyth grete nobeley and a

feste as myght be thought for sir Marhalte was slayne a

fore by the hondis of sir Trystram in an Ilonde and that

was well knowyn at that tyme in Þe courte of kynge Ar//

thure for this sir Marhalte was a worthy knyght & for

f. 236 (X.6-7)


evyll dedis that he ded to the contreye of Cornwayle sir

Trystram and he fought so longe yll they felle bledynge

to the erthe for they were so sore wouded that they myght

nat stonde for bledynge And sir Trystram by fortune recouer//

de and sir Marhalte dyed thorow the stroke he had in the hede

So leve we sir Trystram and turne we vnto kynge Marke


han kynge Marke had grete dispyte at sir Trystram

And whan he chaced hym oute of Cornwayle yette

was he nevew vnto kynge Marke but he had grete suspecci//

on vnto sir Trystram by cause of his quene labeal· Isode for

hym semed that Þer was muche love be twne them twayne //

So whan sir Trystram was departed oute of Cornwayle in to

Ingelonde kynge Marke harde of the grete preves Þat sir Trystram

ded Þer wyth Þe whyche he greved So he sente on his party

men to aspye what dedis he ded & the quene sente pryvaly

on hir party spyes to know what dedis he had done for full grete

love was there be twene them So whan Þe messyngers we//

re com home they tolde Þe trouthe as they herde And how he

passed all oÞer knyghtes but yf hit were sir Launcelot Þan kynge

Marke was ryght hevy of tho tydynges And as glad was la//

beale Isode Than grete dispyte kynge Marke had at hym

And so he toke wyth hym ·ij· knyghtes and ·ij· squyers and

disgysed hym self and toke his way in to Ingelonde to Þe

entete to sle sir Trystram And one of tho knyghtes hyght

sir Bersules And Þeer knyght was callyd Amaunte So

as they rode kyngeMarke asked a knyght that he mette

where he myght fynde kynge Arthure & he seyde at

Camelot Also he asked that knyght aftir sir Trystrams

wheÞer herde of hym in the courte of kynge Arthure wete

you well seyde that knyght ye shall fynde sir Trystram

f.236v (X.7)


there for a man of worshyp moste Þat is now lyvynge

for thorow his proves he wan the turnement at the

castell of maydyns Þat stondyth by the roche dure And

sytthen he hath wonne wyth his hondys ·xxxti· knyghtes

that were men of grete honoure And Þe laste batayle that

euer he ded he fought with sir Launcelot And Þat was a mervay//

lus batayle // And by love and not by force sir Launcelotte

brought sir Trystram to the courte And of hym kynge

Arthure made passynge grete Joy & so made hym knyght

of the table rounde and his seate is in the same place

where sir Marhalte the good knyghtes seate was Than

was kynge Marke passynge sory whan he harde of the

honour of sir Trystram And so they departed Than seyde kynge

Marke vnto his ·ij· knyghtes now I woll tell you my counsel·

for ye ar the men that I moste truste on lyve And I woll

that ye wete my commynge hydir is to this entente for to

destroy sir Trystram by som wylys oÞer by treson And hit shal·

be harde & euer he ascape oure hondis // Alas seyde sir Bersu//

les my lorde what meane you for and ye be sette in such

a way ye ar disposed shamfully for sir Trystram is Þe knyȝt

of worshyp moste that we know lyvynge & Þer fore I war//

ne you playnly I woll ^not consente to the deth of hym and Þer

fore I woll yelde hym my seruyse and for sake you · whan

kynge Marke harde hym say so suddeynly he drewe hys

swerde and seyde a traytoure and smote sir Bersules on

the hede Þat the swerde wente to his teithe ·/ whan sir Amant

his felow sawe hym do Þat vylaunce dede & his squyers alse

seyde to the kynge hit was foule done & myschevously where

fore we woll do you no more seruyse And wete you well we

woll appele you of treson a fore kynge Arthure Than

was kynge Marke wondirly wrothe and wolde haue





f. 237 (X.7-8)


Amaunte but he and the ij· squyers hylde them to gydirs and

sette nought by his malyce So whan kynge Marke sawe he

myght nat be revenged on them he seyde thus vnto Þe knyȝt

Amante wyte Þou well & Þou appeyche me of treson I shall Þer of

defende me a fore kynge Arthure but I requyre the Þat Pou

telle nat my name that I am kynge Marke what som evir

com of me As for that seyde sir Amante I woll nat discouer your

name & so they departed And sir Amante and his felowys toke the

body of sir Bersules & buryed hit Than kynge Marke rode tyll

he com to ^a fountayne and there he rested hym by Þat fountayne

and stoode in a dwere wheÞer he myght ryde to kynge Arthurs

courte oÞer none or to return a gayne to his contrey And as he

thus restyd hym by Þat fountayne Þer cam by hym a knyght well

armed on horsebacke & he a lyght & tyed his horse & sette hym

downe by the brynke of the fountayne & Þer he meade grete lan//

goure & dole And so he made Þe dolefullyst complaynte of love

that euer man herde And all this was whyle was he nat ware

of kynge Marke And this was a grete complayte he cryed

and wepte and seyde O Þou fayre quene of Orkeney kynge

Lottys wyff & modir vnto sir Gawayne and to sir Gaherys and

modir to many oÞer for thy love I am in grete paynys Than

kynge Marke a rose and wente nere hym & seyde fayre

knyght ye haue made a pitevous complayte Truly seyde the

knyght hit is an ·C· parte more rufullyer than myne herte

can vttir I requyre you seyde kynge Marke telle me youre

name Sir as for my name I wyll not hyde hit from no knyȝt

that beryth a shylde Sir my name is sir Lameroke de galys

But whan sir Lameroke herde kynge Marke speke Þan wyste

he well by his speche Þat he was a Cornysh knyght Sir knyȝt

seyde sir Lameroke I vnirstonde by your tunge that ye be of Cor//

newayle where in Þer dwellyth the shamfullist knyght of a

f. 237v (X.8)


kynge that is now lyvynge for he is a grete enemy to all

good knyghtes & prevyth well for he hath chased oute of

that contrey sir Trystram that is the worshypfullyst knyȝt

that now is lyvynge & all knyghtes spekyth of hym worship

and for the Jeleousues of his quene he hath chaced hym

oute of his contrey hit is pite seyde sir Lameroke that ony

suche false kynge cowarde as kynge Marke is shulde be

macched with suche a fayre lady & a good as labeal· Isode

is for all Þe wolde of hym spekyth shame and of her

grete worshyp as ony quene may haue · I haue nat a do

in this mater seyde kynge Marke But sir can you tell me

ony tydyngis // I can nat telle you seyde Sir Lameroke Þer

shall be a grete turnemente in haste by syde Camelot at

the castell Of Jagent and Þe kynge wyth Þe C· knyghtys

And the kynge of Irelonde as I suppose makyth that tur//

nemente Than cam Þer a knyght that was callyd sir Dynadan

and salewed them bothe And whan he wyste Þat kynge Marke

was a knyght of Cornwayle he repreved hym for Þe love

of kynge Marke a ·Ml· folde more than ded sir Lameroke And

so he profirde to Juste with kynge Marke and he was full lothe

there to But sir Dynadan egged hym so Þat he Justed wyth

sir Lameroke and Sir Lameroke smote kynge Marke so

sore Þat he bare hym on his speare ende ouer his horse tayle

And than kynge Marke arose & gate his horse a gayne

and folowed aftir sir Lameroke But Sir Dynadan wolde

nat Juste with sir Lameroke But he tolde kynk kynge Marke

that sir Lameroke was sir kay the senescyall That is nat se

seyde kynge Marke for he is muche bygger than sir kay

and so he folowed & ouer toke hym and bade hym a byde what

woll ye do seyde sir Lameroke sir he seyde I woll fyght wyth

a swerde for ye haue shamed me with a speare And there

f. 238 (X.8-9)


wyth they daysshed to gydyrs wyth swerdis And sir Lamerok

suffyrde hym & for bare hym & kynge Marke was passyng

besy & smote thycke strokys Than sir Lameroke saw he wolde

nat stynte he wolde waxed som what wrothe and doubled

his strokys for he was of the nobelyste of Þe worlde & he

beete hym so on Þe helme Þat his hede nyȝe on Þe sadyll

bowe // whan sir Lameroke saw hym fare so he sayde knyȝt

what chere me semyth ye haue nyȝe youre fylle ^of fyȝtynge

hit were pyte to do you ony more harme for ye ar but a

meane knyght Þer fore I gyff you leve to go where ye lyst

Gramercy seyde kynge Marke for ye & I be no macchis

Than sir Dynadan mocked kynge Marke and seyde ye

ar nat able to macche a good knyght As for Þat seyde kynge

Marke at Þe fyrste tyme Þat Justed with this knyght ye refused

hym Thynke ye Þat a shame seyde sir Dynadan Nay sir hit

is euer worshyp to a knyght to refuse Þat thynge Þat he may

nat attayne There fore your worshyp has bene muche

more to haue refused hym as I ded for I warne you playnly

he is able to beate suche ·v· as ye ar and I be for ye knyghtis

of Cornwayle ar no men of worshyp as oÞer knyghtes ar and

by cause ye ar nat of worshyp ye hate all men of worship

for neuer in your contrey was bredde suche a knyght as Sir

Trystram Than they rode furth all to gydyrs kynge Marke

Sir Lameroke and sir Dynadan tylle that they com to a

Brygge and at the ende there of stood a fayre toure Than

saw they a knyght on horsebacke well armed braundisshynge

a speare cryynge & profyrde hym self to Juste Now seyde sir

Dynadan vnto kynge Marke yondir ar too breÞerne that one

hyght Alyne and that oÞer hyght Tryan that woll Juste with

ony Þat passyth this passayge Now profyr youre self seyde sir

Dynadan vnto kynge Marke for euer ye be leyde to Þe erthe

f. 238v (X.9-10)


Than kynge Marke was a shamed Þer with he feautyrde hys

speare & hurteled to sir Tryan and aythir b^rake Þer spearys all

to pecis & passed thorow a none Than sir Tryan smote kyng

Marke an oÞer speare to Juste more but in no wyse he wolde

nat Juste no more Than they com to the castell all thre

knyghtes & prayde Þe lorde of that castell of herborow ye

ar ryght well com seyde Þe knyghtes of Þe castell for Þe love

of Þe lorde of this towre Þe whyche hyght sir Torre le fyȝe//

Aryes And than they com in to a fayre courte well repay//

red & so they had passynge good chere tyll Þe lyeff tenaunte

of Þat castell Þat hyght Berluse aspyed kynge Marke of

Cornwayle Than seyde sir Berluse Sir knyght I know

you well better than ye wene for ye ar kynge Marke Þat

slew my fadir a fore myne owne yȝen & me had ye slayn

had I not ascapyd in to a woode Butwyte you well for

Þe love of my lorde sir Torre whyche is lorde of this castel·

I woll nat at this tyme noÞer hurte nor nharme you nothir

none of your felyship But wyte you well whan ye ar paste

this loggynge I shall hurte you and I may for ye slew my

traytourly & cowardly But fyrste for my lorde sir Torre

& for the love love of sir Lameroke the honorable knyght that

here is lodgid ye sholde haue evyll lodgynge for hit pyte

Þat euer ye sholde be in the company of good knyghtes for ye

ar Þe moste vylaunce knyght of a kynge Þat is now lyvynge

for ye ar a dystroyer of good knyghtes & all Þat ye do is but by

treson Than was kynge Marke sore a shamyd & seyde but

lytyll a gayne but whan sir Lameroke and sir Dynadan

wyste Þat he was kynge Marke they were sory of youre

felyshyp So aftir supper they went to lodgynge So on the

morne they arose And kynge Marke and sir Dynadan rode

to gydyrs & ·iij· myle of Þer mette with hem ·iij· knyghtes and sir

f.239 (X.10)


Berluse rode to gydyrs was one & oÞer ·ij· of hys cosyns //

whan sir Berluse saw kynge Marke he cryed on hyghte

traytoure kepe Þe frome me for wete Þou well that I am sir

Berluse sir knyght seyde sir Dynadan I counceyle you as at

this tyme medyll nat wyth hym for he is rydynge to

kynge Arthure and by cause I promysed to conduyte hym to

my lorde kynge Arthure nedis muste I take a parte wyth

hym how be hit I love nat his condision & fayne I wolde be

from hym // well sir Berluse Dynadan seyde sir Berluse

me repentys Þat ye woll take party with hym but now do youre

beste Than he hurteled to kynge Marke and smote hym

sore vppon the shylde Þat he bare hym clene oute of his sadil·

to the erthe That saw sir Dynadan And he feautyrd hys

speare & ran to one of his felowys & smote hym of hys

sadyll Than sir Dynadan turned his horse & smote the

thirde knyght in the same wyse Þat he went to the erthe

for this sir Dynadan was a good knyght on horse backe //

And so Þer be gan a grete batayle for sir Berluse and hys

felowys hylde them to gydyrs strongely on foote And so tho//

row the grete force of sir Dynadan kynge Marke had sir

Berluse at Þe erthe & his ·ij· felowys fled & had nat sir Dyna//

dan bene kynge Marke wolde haue slayne hym And so sir

Dynadan rescowed hym of his lyff for this kynge Marke

was but a murtherer And than they toke Þer horsys & departed

& lefte sir Berluse Þer sore woundid Than kynge Marke &

sir Dyndadan rode forth a ·iiij· leagis englyshe tyll Þat they com

to a brydge where hoved a knyght on horse backe armyd

redy to Juste // lo seyde sir Dynadan vnto kynge Marke yonder

hovyth a knyght that woll Juste for Þer shall none passe this

brydge but he muste Juste with Þat knyght // ye say well seyde

kynge Marke for this Justys fallyth for you // But Sir

f.239v (X.10-11)


Dynadan knew Þe knyght for a noble knyght & fayne he

wolde haue Justyd but he had levir Þat kynge Marke had Jus//

ted with hym but by no meane kynge Marke wolde nat Juste

Than sir Dynadan myght nat refuse hym in no maner and

so ayÞer dressed Þer spearys & Þer shyldys & smote to gydyrs that

thorow fyne force sir Dynadan was smyttyn to Þe erthe &

lyghtly he arose vp & gate his horse & requyred Þat knyght

to do batayle with swerdys And he answerde & seyde fayre

knyght as at this tyme I may nat haue a do with you no

more for Þe custom of this passage is suche Than was sir

Dynadan passynge wrothe Þat he myght nat be revenged

of Þat knyght & so he departed And in no wyse wolde Þat knyght

telle hys name But euer sir Dynadan thought he sholde be

know hym by his shylde that he sholde be sir Torre


O as they rode by the way kynge Marke than be

gan to mocke sir Dynadan and seyde I wente you

knyghtes of the rounde table myght in no wyse fynde youre

macchis // ye sey well seyde sir Dynadan as for you on my

lyff calle you none of Þe good knyghtes but syth ye haue such

dispyte at me I requere you to Juste with me to preve my

strengthe // Nat so seyde kynge Marke for I woll nat haue

a do with you in no maner but I requyre you of one thynge

Þat whan ye com to kynge Arthures courte discouer nat my

name for I am sore Þer be hatyd // hit is shame to you seyde

sir Dynadan that ye gouerne you so shamfully for I se by your

ye ar full of Cowardyse & ye ar also a murtherar And Þat

is Þe grettyst shame Þat ony knyght may haue for nevir

had knyght murthered worshyp noÞer neuer shall haue for

I sawe but late thorow my forse ye wolde haue slayne

sir Bersules a better knyght than euer ye were or euer shall be

f. 240 (X.11)


and more of proves Thus they rode forth talkynge

tyll they com to a fayre place where stoode a knyghte

& prayde them to take Þer lodgynge with hym so at Þe requeste

of Þat knyght they reposyd them Þer & made them well at ease

& had grete chere for all araunte knyghtes to hym were

welcom And specially all tho of kynge Arthurs courte //

Than sir Dynadan demanded his oste what was Þe knyghtes

name Þat kepte Þe brydge // For what cause aske you seyde his

oste For hit is nat longe a go seyde sir Dynadan sytthen he

gaff me a falle // A fayre knyght seyde his oste Þer of haue ye

no mervayle for he is a passynge good knyght & his name

is sir Torre the sonne of Aryes le vaysshere A seyde sir

Dynadan was that sir Trorre truly so euer me thought // So

ryght as they stood thus talkynge to gydyrs they saw com

rydynge by them ouer a playne vj· knyghtes of Þe courte of

kynge Arthure well armyd at all poyntys & by Þer shyldys

sir Dynadan knew them well The fyrste was the good knyȝt

sir vwayne the sonne of kynge vryen The secunde was the

noble knyght sir Brandyles The thirde was Oȝauna le cure

hardy The ·iiij· was sir vwayne les adventurys The v· was

Sir Agravayne The vj· sir Mordred to brethirne to Sir

Gawayne whan sir Dynadan had a spyed ·thes ·vj·knyghtes

he thought to hym self he wolde brynge kynge Marke by

som wyle to Juste with one of them And than a none they toke

Þer horsys & ran aftir these ·vj· knyghtes well nye a ·iij· myle

englyshe Than was kynge Marke ware where they sate

all ·vj· a boute a welle & ete & dranke  suche metys as they

had & Þer horsis walkynge & som tyed & Þer shyldis hynge in

dyuerse placis a boute them // lo seyde sir Dynadan yondir ar

knyghtes arraunte Þat woll Juste with vs God for bede seyde

kynge Marke for they be ·vj· and we but ·ij· As for that

f. 240v (X.11-12)


seyde sir Dynadan lat vs nat spare for I woll assay Þe formyst

And Þer with he made hym redy // whan kynge Marke saw hym

do so as faste as sir Dynadan rode towardis them kynge

Marke rode frowarde them with them all his mayneall

mayne So whan sir Dynadan saw Þat kynge Marke was

gone he sette Þe speare oute of Þe reaste & threwe hys

shyde vppon his backe & cam rydynge to Þe felyshyp of the

rounde table And anone sir vwayne knew sir Dynadan and

welcomed hym & so ded all his felyshyp And than they as//

ked hym of a ventures & wheÞer Þat he sawe of sir Trystram

othir sir Launcelot So god me helpe seyde sir Dynadan

as for me I sawe none of them sytthyn we departed fro

Camelot // what knyght is Þat seyde sir Braundyles that

so sodeynly departed frome you & rode ouer yondir fylde //

Sir hit is a knyght of Cornwayle & Þe moste orryble

cowarde Þat euer be strode horse // what is his name seyde

all thos knyghtes I wote nat seyde sir Dynadan So whan

they had reposed them & spokyn to gydyrs they toke there

horsys & rode to a castell where dwellyd an olde knyght

that made all knyghtes arraunte good chere So in the

meane whyle that they were talkynge com in to the

castell sir Gryfflet le fyȝ de deu and there was he well

com and they all askyd hym whethir he sye sir Launce//

lot oÞer sir Trystram he answerde & seyde I sawe hem nat

sytthyn they departed frome Camelot So as sir Dynadan

walked and be hylde the castell there by in a chambir

he aspyed kynge Marke and than he rebuked hym &

asked why he departed so Sir for I durst nat a byde for

they were so many But how ascaped ye seyde kynge

Marke Sir they ^be better frendis than I went they had ben

who is captayne of this felyshyp seyde kynge Marke

f.241 (X.12)


for to feare hym sir Dynadan seyde hit was sir Launcelot A Jhu

seyde kynge Marke myght ye knowe sir Launcelot by his shylde

ye seyde sir Dynadan for he beryth a shylde of syluer & blacke

bendis all this he seyde to feare kynge Marke for sir Launcelot

was nat in the felyshyp · Now I pray you seyde kynge Marke

Þat ye woll ryde in my felyshyp & so they mownted vppon there

horsys & rode on Þer wayes & talked of Þe cornyshe knyght for sir

Dynadan tolde them Þat he was in Þe castell where they were

lodged · hit is well seyde seyde sir Gryfflet for here haue I

brought sir Dagonet kynge Arthurs foole Þat is Þe beste felow

& Þe meryeste in Þe worlde // woll ye than do well seyde sir Dyna//

dan I haue tolde Þe cornyshe knyght Þat here is sir Launcelot and Þe

Cornyshe knyght asked me what shylde he bare And I tolde

hym that he bare Þe same shylde Þat sir Mordred beryth woll ye

do well seyde sir Mordred I am hurte & may nat well beare my

shylde noÞer harneys And Þer fore put my harneys & my shylde

vppon sir Dagonet and let hym sette vpon the cornyshe knyght

That shall be done seyde sir Dagonet be my fayth · And so a none

sir Dagonet was armed in sir Mordredis harneys and hys

shylde & he was sette on a grete horse & a speare in his honde

Now seyde sir Dagonet sette me to Þat knyght & I trowe I shall

beare hym downe So all thes knyghtes rode to a woodis syde

& a bode tyll kynge Marke cam by the way Than they put

forth sir Dagonet and he cam on all Þe whyle his horse myght

renne vppon kynge Marke And whan he cam nye to kynge

Marke he cryed as he were woode & sayde kepe Þe knyght of

Cornwayle for I woll sle Þe And anone as kynge Marke be

hylde his shylde he seyde to hym sefl self yondyr is sir Launce//

lot alas now am I destroyed & Þer with all he made his horse to ren

& fledde as faste as he myght thorow thycke & thorow thynne

And euer sir Dagonet folowed aftir kynge Marke cryynge and

f. 241v (X.12-13)


ratyge hym as a woode man thorow a grete foreste // whan

sir vwaynge and sir Brandules saw sir Dagonet so chace kynge

Marke they lawȝed all as they were wylde and then they toke

Þer horsys & rode aftir to se how sir Dagonet spedde for theym

be hoved for no good Þat sir Dagonet were shente for kynge

Arthure loved hym passynge well & made hym knyght hys

owne hondys And at euery turnemente he be ga to make kynge

Arthure to lawȝe Than Þe knyghtes rode here & Þer cryynge and

chasynge aftir kynge Marke that all Þe foreyste range of the

noyse So kynge Marke by fortune rode by a welle in Þe way

where stood a knyght arraunte on horse backe armed at all

poyntys with a grete spere in his honde And whan he saw kyng

Marke com fleynge he sayde to the knyght returne a gayne

for shame & stonde with me & I shall be thy waraunte A fayre

knyght seyde kynge Marke lette me passe for yondir commyth

aftir me Þe beste knyght of Þe worlde wyth Þe blacke beanded

shylde Fy for shame seyde Þe knyght for he is none of Þe wor//

thy knyghtes But & yf he were sir Launcelot othir sir Trystram

I shall nat doute to mete Þe bettyr of them bothe · whan kyng

Marke harde hym sey Þat worde he returned his horse And

a bode by hym And than Þat stronge knyght bare a speare to

sir Dagonet and smote hym so sore that he bare hym ouer his

horse tayle Þat nyȝe he had brokyn his necke And anone aftir

hym cam sir Braundules And whan he saw sir Dagonette

haue that falle he was passynge wrothe & seyde kepe Þe knyȝt

And so they hurled to gydyrs wondir sore But the knyghte

smote sir Braundules so sore Þat he went to the erthe horse and

man Sir vwayne com aftir & sy all this Jhu he seyde yondyr

is a stronge knyght And than they feautred Þer spearys & this

knyght com so egirly Þat he smote downe sir vwayne Than cam

sir Oȝauna a wyth Þe hardy harte & he was syttyn smyttyn downe

f. 242 (X.13)


Now seyde sir Gryfflet be my counceyle lat vs sende to yondir

arraunte knyght & wete wheÞer he be of kynge Arthurs

courte for as I deme hit is sir Lameroke de galys So they

sente vnto hym & prayde that stronge knyght to telle vs his

name & whethir he were of kynge Arthurs courte oÞer nat

As for my name telle tho knyghtes I am a knyght Arraunte as

they ar but my name they shall nat wete at this tyme And lat

them wete Þat I am no knyght of kynge Arthurs And so Þe squyer

rode a yen & tolde as he seyde Be my hede seyde sir Aggravay//

ne he is one of Þe strongyst knyghtes that euer I saw for he hathe

ouer throwyn iij· noble knyghtes & nedis we muste encountyr

with hym for shame so sir Aggravayne feautred his speare and

Þat othir was redy & smote hym downe ouer his horse tayle to

Þe erthe And in the same wyse he smote sir vwayne les avon//

tres And also sir Gryfflet than had he serued them all but Sir

Dynadan for he was be hynde & sir Dynadan Mordrede

whyche sir Dagonet had his harneys So whan this was done

this stronge knyght rode on his way a soffte pace And kynge

Marke rode aftir hym praysynge hym mykyll but he wolde

answere no wordys but syghed wondirly sore & hongynge

downe his hede takynge no hyde to his wordys Thus they

rode well nye a ·iij· myle englysh And than this knyght

callyd to hym a varlet & bade hym ryde vntyll yondir fayre

maner And commaunde me to Þe lady of Þat castell & place and

pray hir to sende me som refresshynge of good metys and

drynkys And yf she aske Þe what I am Telle her Þat I am the

knyght Þat folowyth Þe Glatysaunte beste Þat is in Englysh to

sey Þe questynge beste for the beste where som euer he yode

he quested in Þe bealy with suche a noyse as hit had bene a xxxti·

couple of howndis Than Þe varlet wente his way & cam to

Þe maner & salewed Þe lady & tolde her from whens he come

f. 242v (X.13-14)


And whan he vndirstode Þat he cam fro the knyght Þat folowed Þe

Þe questynge beste // A swete lorde Jhu she seyde whan shall I

se Þat Jantyll knyght my dere sonne sir Palomydes Alas woll

he nat a byde with me & Þer wth she sowned & wepte and made

passynge grete dole But all so sone as she myght she gaff

Þe varlet mete all Þat  he axed And than the varlet returned

vnto sir Palomydes for he was a varlet of kynge Markis

And as sone as he cam he tolde the knyghtes name was sir

Palomydes I am well pleased seyde kynge Marke but

holde Þe stylle and sey no thynge Than they a lyght & sette

them downe & reposed them a whyle And anone wyth all

kynge Marke fylle on slepe So whan sir Palomydes sawe

hym sounde on slepe he toke his horse & rode his way and

seyde to them I woll nat be in Þe company of a slepynge knyȝt

and so he rode a grete pace Now turne we vnto sir Dyna//

dan that founde thes vij· knyghtes passynge hevy & whan

he wyste how Þat they had sped Sir vwayne seyde sir Dyna//

dan I dare ley Þer on my hede hit is sir Lameroke de galys

I promyse you all I shall fynde hym & he may be founde in

this contrey And so sir Dynadan rode aftir this knyght &

so ded kynge Marke that sought hym thorow Þe foreyste

And so as kynge Marke rode aftir sir Palomydes he harde

a noyse of a man Þat made grete dole Than kynge Marke

rode as nye Þat noyse as he myght & as he durste Than

was he ware of a knyght Þat was dissended of his horse and

he had putte of his heleme & there he made a petevous

complayte & a dolerous of love Now leve we off and

talke we of sir Dynadan that rode to seke sir Palomydes

And as he cam wyth in a foreyste he mette with a knyght

a chacer of deore Sir seyde sir Dynadan mette ye wyth

ony knyght wyth a shylde of syluer and lyons hedys // ye

f. 243 (X.14)


fayre knyght seyde the oÞer with suche a knyght mette I wyth

but a whyle a gone and streyte yondir way he yeode

Gromercy seyde sir Dynadan for myght I fynde the tracke

of his horse I sholde nat fayle to fynde that knyght Ryȝt

so as sir Dynadan rode into the evenynge late he harde a

dolefull noyse as hit were of a man Than sir Dynadan

rode towarde Þat noyse And whan he cam nyȝe that noyse

he alyght of his horse & wente nere hym on foote Than

was he ware of a knyght Þat stoodevndir a tre & hishorse

tyed by hym & his helme off And euer Þat knyght made a

dolefull complaynte as evir made knyght & all wayes

he complayned of la beale Isode the quene of Cornwayle

and sayde a fayre lady why love I the fore Þou arte fay//

ryst of all othir And as yet shewdyst Þou neuer love to me

noÞer bounte parde & yet alas muste I love Þe And I may 

nat blame the fayre lady for myne eyen caused me

& yet to love the I am but a foole for the beste knyght

of the worlde lovyth the & ye hym a gayne that is sir

Trystram de lyones & the falsyst knyght and kynge

of the worlde is your husbande & Þe moste cowarde and

full of treson is youre lorde kynge Marke And alas

so beawtevous a lady & pereles of all othir sholde be

matched with Þe moste vylaunce knyght of Þe worlde

And all this langage harde kynge Marke What Sir

Palomydes seyde by hym where fore he was a drad

whan he sawe sir Dynadan leste that he had aspyed hym

and Þat he wolde tell sir Palomydes that he was kynge

Marke where fore he wyth drewe hym and toke his

horse and rode to his men where he commaunded hem

to a byde and so he rode as faste as he myght vnto Came//

lot And Þe same day he founde Þer sir Amant the knyght redy

f. 243v (X.14-15)


that a fore kynge Arthure had appelyd hym of treson and so

lyghtly the kynge commaunded them to do batayle and by

mysaduenture kynge Marke smote sirAmante thorow the

body And yet was sir Amaunte in the ryghtvous quarell

And ryght so he toke his horse & departed frome Þe courte

for drede of sir Dynadan that he wolde telle sir Trystram

And sir Palomydes what he was Than was Þer damesels

that labeale Isode had sente to sir Trystram that knew sir

Amante well Than by the lycence of kynge Arthure

they wente to hym and spake with hym for whyle Þe truncheon

of the speare stake in his body he spake A fayre damesels

seyde sir Amant recommaunde me vnto labeale Isode and

telle her that I am slayne for the love of her and of Syr

Trystram And Þer he tolde the damessels how cowardly kyng

Marke had slayne hym & sir Bersules his felow and for Þat

dede I appeled hym of treson and here am I slayne in a ryȝt//

vous quarell and all was by cause sir Bersules and I wolde

nat consente by treson to sle the noble knyght sir Trystram

Than the ij· maydyns cryed a lowde Þat all the courte myght

hyre And seyde a swete Jhu that knowyste all hydde thynges

why sufferyst Þou so false a traytoure to venqueyshe and sle

a trewe knyght that faught in a ryghtevous quarell Than

a none hit was spronge to the kynge and the quene and to

All the lordis that hit was kynge Marke that had slayne sir

Amante and sir Bersules a fore honde where fore they did

there Þat batayle Than was kynge Arthure wrothe oute of

mesure and so was all oÞer knyghtes // But whan sir Trystram

wyste all he wepte for sorow for the losse of sir Bersules and

of sir Amante whan sir Launcelot aspyed sir Trystram wepe he

wente hastely to kynge Arthure And sayde sir I pray you gyff

f. 244 (X.15)


me leve to returne a yen yondir false kynge and knyght I pray

you seyde kynge Arthure fetche hym a gayne but I wolde

nat ye slew hym for my worshyp Than sir Launcelot armed

hym in all haste and mownted vppon a grete horse and toke

a spere in his honde and rode aftir kynge Marke And frome

thens a ·iij· myle englysh sir Launcelot ouer toke hym and bade

hym turne hym recreaunte kynge and knyght for whethir

Þou wylte othir nylt Þou shalt go with me to kynge Arthurs courte

Than kynge Marke returned & loked vppon sir Launcelot and

sayde fayre sir what is your name wyte you well my name is

sir Launcelot and there fore defende the And whan kynge

Marke knew Þat hit was sir Launcelot and cam so faste vppon

hym with a speare he cryed than a lowde & seyde I yelde me to

the sir Launcelot honorable knyght But sir Launcelot wolde

nat hyre hym but cam faste vppon hym // kynge Marke saw

Þat and made no deffence but tumbeled a downe oute of his sa//

dyll to the erthe as a sak And Þer he lay stylle and cryed sir Laun//

celot haue mercy vppon me A ryse recreaunte kynge and

knyght // Sir I woll nat fyght seyde kynge Marke but whoÞer

that ye woll I woll go wyth you // Alas seyde sir Launcelotte

that I myght nat gyff the one buffette for the love of Sir

Trystram and of la beale Isode and for tho ·ij· knyghtes that

Þou haste slayne trayturly and so he mownte vppon his horse

and brought hym to kynge Arthure And Þer kynge Marke a

lyght in that same place and threwe his helme frome hym

vppon the erthe and his swerde and felle flatte to the erthe

at kynge Arthurs feete and put hym in his grace & mercy

So god me helpe seyde kynge Arthure ye ar well com in

a maner and in a maner ye ar nat well com In this maner ye ar

well com Þat com hydir magre your hede as I suppose That is

trouthe seyde kynge Marke and ellys I had nat bene here

f. 244v (X.15-16)


now for my lorde sir Launcelot brought me hydir by fyne

force and to hym am I yoldyn to as recreaunte // well

seyde kynge Arthure ye ought to do me seruyse omayge and

feaute and neuer wolde ye do me none but euer ye haue bene

a yenste me and a dystroyer of my knyghtes now how woll

ye acquyte you // Sir seyde kynge Marke ryght as youre

lordshyp woll requyre me vnto my power I woll make a

large amendys // For he was a fayre speker and false Þer

vndir Than for the grete plesure of sir Trystram to ma//

ke them ·ij· accordid the kynge with hylde kynge Marke as

at that tyme & made a brokyn love day be twene them


Ow turne we a gayne vnto sir Palomydes how

sir Dynadan comfortyd hym in all Þat he myght

frome his grete sorow what knyght ar ye seyde sir Palo//

mydes sir I am a knyght arraunte as ye be that haue souȝt

you longe by your shylde here is my shylde seyde sir Palomy//

des wete you well and ye wolde ought Þer with I woll deffende

hit Nay seyde sir Dynadan I woll nat haue a do with you but

in good maner // And yf ye wyll ye shall fynde me sone redy //

Sir seyde sir Dynadan whoÞer warde ryde ye this way // Be

my hede seyde Sir Palomydes I wote nat whoÞer but as

fortune ledyth me But harde ye oÞer sawe ye ought of sir

Trystram So god me helpe of sir Trystram I bothe herde

and sawe and nat for than we love nat inwardly well to

gydyrs yet at my myscheffe sir Trystram rescowed me

fro my deth And yet or he and I departed by bothe oure assen//

tys we assygned a day Þat we sholde haue mette at the stony

grave that Merlyon sette be syde Camelot and Þer to haue

done batayle to gydyrs how be hit I was letted seyde sir Palo//

mydes that I myght nat holde my day whyche · grevyth




                                    Me sore

f. 245 (X.16)


me sore but I haue a layrge excuse for I was presonere with a

lorde and many oÞer mo and that shall sir Trystram well vndir//

stonde that I brake hit of no feare of cowardyse And than sir

Palomydes tolde sir Dynadan the same day that they sholde

haue mette So god me helpe seyde sir Dynadan that same day

mette sir Launcelot and sir Trystram at the same grave of stone

And Þer was Þe moste myghtyeste batayle Þat euer was sene in this

londe be twyxte ·ij· knyghtes for they fought more then v· ow//

res and Þer they bothe bled so muche blood that all men mervay//

led Þat euer they myght endure hit And so by bothe Þer assentys they

were made frendys and sworne brethirne for euer & no man

cowde Juge Þe bettir knyght And now is sir Trystram made a

knyght of Þe rounde table and he syttyth in the syege of the

noble knyght sir Marhalte Be my hede seyde sir Palomydes

sir Trystram ys farre bygger than is sir Launcelot and Þe hardyer

knyght sir haue ye assayde them bothe seyde sir Dynadan I haue

sayde sir Trystramys myght seyde sir Palomydes but neuer sir

Launcelot to my wyttynge but at the fountayne where lay sir

Launcelot on slepe and Þer with one speare he smote downe sir Trys//

tram and me sir Palomydes But at that tyme they knewe

nat but aftyrwarde // Now fayre knyght seyde sir Dynadan as

for sir Launcelot and sir Palomydes lette them be for the warre

of them woll nat be lyghtly macchid of no knyghtes Þat I knowe

lyvynge // No seyde sir Palomydes god deffende but and I hadde

a quarell to the bettir of them bothe I wolde with as good a wyll

fyght with hem as with you Sir I requere you seyde sir Dynadan

telle me your name And in good faythe I shall holde you company

tyll that we com to Camelot and Þer shall ye haue grete wor//

shyp now at this grete turnemente for there shall be quene

Gwenyuer and labeale Isode of Cornwayle // wyte you well

sir knyght for the love of labeale Isode I woll be there & ellis

f. 245v (X.16-17)


nat but I woll nat haue a do in kynge Arthurs courte Sir

seyde sir Dynadan I shall ryde with you and do you seruyse so

ye woll telle me youre name Syr ye shall vndirstonde

my name is Palomydes brothir vnto sir Saphyre the

good knyght And sir Segwarydes And were Sareȝyns

borne Sir I thanke you seyde sir Dynadan for I am glad

that I knowe your name And by me ye shall nat be hurte but

rathir a vaunced and I may on my lyff for ye shall wynne

worshyp in the courte of kynge Arthure and be ryghte

well com And so they dressed on Þer helmys and put on there

shyldis and mownted vppon Þer horsys and toke Þe bo brode

way towarde Camelot And than were they ware of a cas//

tell Þat was fayre and ryche and also passynge stronge as

ony was with in this realme So sir Palomydes seyde to sir

Dynadan here is a castell Þat I knowe well & Þer In dwellyth

quene Morgan le fay kynge Arthurs systyr And kynge

Arthure gaff hir this castell by the whyche he hath re//

pented hym sytthyn a Ml· tymes for sytthen kynge Arthur

And she hath bene at debate & stryff but this castell coude

he neuer gete noÞer wynne of hir by no maner of engyne & euer

as she myght she made warre on kynge Arthure And all

daungerous knyghtes she wytholdyth with her for to dystroy

all thos knyghtesthat kynge Arthure lovythAnd Þer shall

no knyght passe this way but he muste Juste with one knyght

er wyth ·ij· oÞer with ·iij· And yf hit hap Þat kynge Arthurs

knyghtes be beatyn he shall lose his horse & harnes & all Þat

he hath & harde yf that he ascape but Þat he shall be presonere

So god me helpe seyde sir Palomydes this is a shamefull

and a vylaunce vsage for a quene to vse and namely to ma//

ke suche warre vppon her owne lorde that is called Þe floure

of chevalry that is crystyn othir hethyn & with all my harte I

f. 246 (X.17)


woll destroy that shamefull custom And I woll Þat all Þe worlde

wyte she shall haue no seruyse of me And yf she sende oute

ony knyghtes as I suppose she woll to Juste they shall haue

bothe there hondys full And I shall nat fayle you seyde sir

Dynadan vnto my puyssaunce vppon my lyff So as they

stoode on horse backe a fore Þe castell Þer cam a knyght wyth

a rede shylde and ·ij· squyers aftir hym and he cam strayte

vnto sir Palomydes And sayde fayre knyghte arraunte I

requyre the for the love Þou owyste vnto knyghtholde that Þou

wylt not haue a do here with this men of this castell thus sir

Lamerok seyde for I cam hydir to seke this dede and hit is my

rekeyste and Þer fore I be seche you knyght lette me deale and

yf I be beatyn revenge me In the name of god seyde Sir

Palomydes lat se how ye woll spede and we shall be holde

you Than a none come furth a knyght of Þe castell & profyrde

to Juste with the knyght wyth Þe rede shylde And anone they

encountyrd to gydyrs And he with Þe rede shylde smote hym

so harde that he bare hym ouer to the erthe And Þer with a none

cam an oÞer knyght of the castell & he was smyttyn so sore

that he a voyded hys sadyll And furth with all cam the thirde

knyght And the knyght with Þe red shylde smote hym to the

erthe Than cam sir Palomydes and be sought hym that

he myght helpe hym to Juste // Now sir knyght he seyde suffir

me as at this tyme to haue my wyll For and they were

xxti· knyghtes I shall nat doute them And euer Þer were vppon

the wallys of the castell many lordys Þat cryed and seyde

well haue ye Justed knyght with Þe rede shylde But as sone

as the knyght had smyttyn hem downe his squyers toke Þer

horsys & avoyded there sadyls & brydyls of the horsis and

turnede theym in to the foreyste and made the knyghtes to

be kepte to the ende of the Justys // Ryght so cam forth of

f. 246v (X.17-18)


the castell Þe fourthe knyght and freyshly profyrde to Juste wyth

Þe knyght with Þe rede shylde and he was redy & he smote hym

so harde Þat horse & man felle to the erthe & Þe knyghtes backe

brake with Þe falle & his necke also // A Jhu seyde sir Palomydes

that yondir is a passynge good knyght and Þe beste Juster Þat

euer I sawe // Be my hede seyde sir Dynadan he is as good

as euer was sir Launcelot othir sir Trystram what so knyght

so euer he be Than furth with all cam a knyght oute of the

castell with a shylde bended with blak & with whyght And anone

the knyght wyth Þe rede shylde & he encountyrd so harde

that he smote the knyght of the castell thorow oute the

bended shylde & thorow the body & brake Þe horse backe //

Fayre knyght sayde sir Palomydes ye haue ouer muche on

hande Þer fore I pray you lette me Juste for ye had nede

to be reposed // why sir seyde Þe knyght seme ye Þat I am wey//

ke & fyeble // A sir me thynkyth ye proffir me grete wronge

and shame whan I do well I nowe for I telle you now as

I tolde you arste and they were ·xxti· knyghtes I shall beate

theym and yf I be beatyn oÞer slayne than may ye revenge

me And yf ye thynke that I be wery and ye haue an appetyde

to Juste with me I shall fynde hym Justynge I nowȝe // Syr

seyde he I sayde hit nat be cause that I wolde Juste with you

but me semyth ye haue ouer muche on hande And there fore

and ye were Jantyll seyde Þe knyght with Þe rede shylde ye

wolde nat profyr me no shame Þer fore I requyre you to Juste

with me & ye shall fynde Þat I am nat wery // Syth ye requyre

me seyde sir Palomydes take kepe to youre selff Than they

ij knyghtes com to gydyrs as faste as Þer horsys myght ren

And Þe knyght smote sir Palomydes so sore on the shylde Þat

the speare wente in to hys syde and hurte hym a grete

wounde & perelous And Þer with sir Palomydes avoyded his

f. 247 (X.18)


sadyll · And that knyght turned vnto sir Dynadan And whan

he sawe hym commynge he cryed a lowde and sayde sir I woll

nat haue a do with you but for that he spared nat but com

strayte vppon So sir Dynadan for shame put forth hys

speare and all to shyvirde hit vppon Þe knyght but he smote

sir Dynadan a gayne so harde that he bare hym frome his

horse but he wolde nat suffyr his squyer to meddyll wyth

there horsys and by cause they were knyghtes arraunte //

Than he dressid hym a gayne to the castell and Justed with

vij· knyghtes mo and Þer was none of hem that myght withstonde

hym but he bare them to the erthe And of those a ·xij· knyghtes

he slewe in playne Justys ·iiij· And the ·viij· knyghtes he made

them to swere on Þe crosse of a swerde that they sholde neuer

vse the evyll customs of the castell And whan he made

them to swere that othe he lete them passe And stoode Þe lor//

dis and the ladyes on the castell wallys cryynge & seynge

knyght with Þe rede ye haue mervaylously well done as euer

we sawe knyght do · And Þer with come a knyght oute of Þe castell

vnarmed and seyde knyght with Þe rede shylde ouer muche dama//

ge haue ye done this same day And Þer fore returne whoÞer

ye woll for here ar no mo that woll haue a do with the for we

repente sore Þat euer ye cam here for by the is for done all the

olde customes of this castell And with that worde he turned

a gayne in to the castell and shett the yatys Than Þe knyȝt

wyth Þe rede shylde turned and called his squyers and so

paste forth on his way and rode a grete pace And whan

he was paste sir Palomydes wente to sir Dynadan & seyde

to hym I had neuer suche a shame of one knyght that euer I

mette And Þer fore I caste me to ryde aftir hym and to be

revenged vppon hym with my swerde for on horse backe I

deme I shall gete no worshyp of hym and for this cause

f. 247v (X.18-19)


that ye haue sene hym this day haue had euer muche to done &

ouer muche travayled // Be all myghty Jhu seyde sir Palomy//

des I shall neuer be at ease tyll that I haue had a do with hym

Sir seyde sir Dynadan I shall gyff you my be holdynge · well

seyde sir Palomydes Than shall ye se how we shall redresse

oure myghtes So they toke there horsys of Þer varlettis and

rode aftir the knyght with Þe rede shylde and downe in a valay

be syde a fountayne they were ware where he was a lyght

to repose hym and had done of his helme for to drynke at Þe

welle // Than sir Palomydes rode faste tyll he cam nyȝe

hym and than he seyde knyght remembir ye me and of the

same dede Þat ye ded to me late at the castell There fore re//

dresse Þe for I woll haue a do with the // Fayre knyght seyde sir

Lamerok of me ye wynne no worshyp for ye haue sene this

that I haue be travayled sore // As for that seyde sir Palomy//

des I woll nat lette for wyte you well I woll be revenged

well seyde Þe knyght I may happyn to endure you and there

with all he mownted vppon his horse and toke a grete speare

in his honde redy to Juste // Nay seyde sir Palomydes I

woll nat Juste for I am sure at Justynge I gete no pryce

Now fayre knyght sayde he hit wolde be seme a knyght

to Juste & to fyght on horse backe // ye shall se what I woll

do seyde sir Palomydes And Þer with he alyght downe vppon foote

and dressed his shylde a fore hym and pulled oute his

swerde Than the knyght with the rede shylde descended dow//

ne frome his horse and dressed his shylde a fore hym and

so he drewe oute his swerde and than they come to gydyrs

a soffte pace and wondirly they layshed to gydyrs passynge

thycke the mowntenaunce of an owre or euer they breethid

Than they trased and trauerced and wexed wondirly wro//

the and aythir be hyght oÞer deth they hewe so faste wyth

f. 248 (X.19)


there swerdis that they kutte downe halff Þer shyldis and

they hewe to gydyrs on helmys & mayles that the bare

fleysshe in som places stoode a bovyn there harneys And

whan sir Palomydes be hylde his felowys swerde ouer heled

with his blood hit greved hym sore And som whyle they foy//

ned and som whyle they strake downe as wylde men //

But at the laste sir Palomydes waxed wondir faynte by

cause of his fyrste wounde that he had at Þe castell wyth a

speare for that wounde greved hym wondirly sore // Now

fayre knyght sayde sir Palomydes me semyth we haue

assayed ayÞerer passyngly well and yf hit may please you

of your knyghthode to tell me your name // Sir he sayde that

is me ryght loth for ye haue done me grete wronge &

no knyghthode to proffir me batayle consyderynge my grete

travayle But and ye woll telle me youre name I woll

telle you myne Sir wyte you well my name is sir Pa//

lomydes Than sir ye shall vndirstonde my name is Sir

Lameroke de Galys sonne and ayre vnto the good knyght

and kynge kynge Pellynore and sir Torre The good knyȝt

is my halff brothir whan sir Palomydes had herde hym

sey so he kneled a downe and asked mercy for outrageously

haue I done to you this day consyderynge the grete dedis

of Armys I haue sene you done & shamefully and vnknyȝtly

I haue requyred you to do batayle with me // A sir Palomydes

seyde sir Lamerok ouer muche haue ye done and seyde to me

and there wyth he pulled hym vp wyth his bothe hon//

dis And seyde sir Palomydes the worthy knyght in all

this londe is no bettir than ye be nor more of proves

and me repentys sore that we sholde fyght to gydirs

So hit doth nat me seyde sir Palomydes and yett I am

sorer wounded than ye be but as for that I shall sone

f.248v (X.19-20)


be hole But sertaynly I wolde nat for the fayryst castell

in this londe but yf ye and I had mette for I shall love

you dayes of my lyff a fore all oÞer knyghtes excepte my

broÞer sir Saphir I say the same seyde sir Lameroke excepte

my broÞer sir Torre Than cam sir Dynadan and he ma//

de grete Joy of sir Lamerok Than Þer squyers dressed

bothe Þer shyldis and Þer harnes and stopped hir woundis And

Þer by at a pryory they rested them all nyght // Now turne

we a gayne Þat whan sir Vwayne and sir Braundyles with

his felowys cam to the courte of kynge Arthure And they

tolde the kynge sir Launcelot and sir Trystram how sir Da//

gonet the foole chaced kynge Marke thorow oute Þe fores//

te And how Þe stronge knyght smote them downe all ·vij

with one speare Than Þer was grete lawghynge & Japynge

at kynge Marke and at sir Dagonet But all thos knyghtes

coude nat telle what knyght hit was Þat rescowed kynge

Marke Than they asked of kynge Marke yf Þat he knewe

hym And he answerde & sayd he named hym self Þe knyȝt

that folowed the questynge beste And in that name he sent

oute one of my varlettes to a place where was his modir

And whan she harde from whens he cam she made passyng

grete dole and so discouerde to my varlette his name And

seyde a my dere son sir Palomydes why wolt Þou nat se

me And there fore sir seyde kynge Marke hit is to vndir//

stonde his name is sir Palomydes a noble knyght Than

Than were all Þe vij· knyghtys passynge glad that they

knewe his name // Now turne we a gayne for for on

the morne they toke Þer horsys bothe sir Lameroke sir Palomy//

des and sir Dynadan wyth Þer squyers and varlettis tylle

they sawe a fayre castell that stoode on a mountayne

well closyd and thydir they rode And Þer they found a knyȝt

f. 249 (X.20)


that hyght sir Galahalte that was lorde of that castell & Þer

they had grete chere and were well eased so sir Dynadan

seyde to sir Lameroke what woll ye do / Sir I woll to morne

to the courte of kynge Arthure Be my hede seyde sir Palo//

mydes I woll nat ryde this ·iij· dayes for I am sore hurte

and muche haue I bledde & Þer fore I woll repose me here

Truly seyde sir Lameroke and I woll a byde here wyth you

And whan ye ryde than woll I ryde onles that ye tary ouer

longe Than woll I take myne horse There fore I pray

you sir Dynadan a byde ye and ryde with vs // Faythfully

seyde sir Dynadan I woll nat a byde for I haue suche a ta//

lente to se Sir Trystram that I may nat a byde longe

from hym // A sir Dynadan seyde sir Palomydes now do I

vndirstonde that ye love my mortall enemy and Þer fore

how sholde I truste you // wyte you well seyde sir Dynadan

I love my lorde sir Trystram a bovyn all othir knyghtes and

hym woll I serueand do honoure // So shall I seyde sir Lame//

roke in all that I may with my power So on the morne sir

Dynadan rode vnto the courte of kynge Arthur And

by the way as he rode he sawe where stoode an arraunte

knyght and made hym redy for to Juste // Nat so seyde sir

Dynadan for I haue no wyll to Juste // wyth me shall

ye Juste seyde the knyght or that ye passe this way // sir

wheÞer aske you Justys of love othir of hate The knyghte

answerde and seyde wyte you well I aske hit for loove

and nat of hate hit may well be seyde sir Dynadan but

ye proffyr me harde love whan ye wolde Juste with me

wyth an harde speare But fayre knyght seyde sir Dy//

nadan Sytthyn ye woll Juste with me we mete wyth me

in the courte of kynge Arthure and Þer I shall Juste wyth

you well seyde the knyght sytthyn ye woll not Juste wyth

f. 249v (X.20)


me I pray you tell me your name sir knyght my name ys

sir Dynadan A sir seyde that knyght full well knowe I you

for a good knyght and a Jantyll And wyte you well sir I

love you hertyly Than shall here be no Justys seyde Syr

Dynadan be twyxte vs So they departed and the same day

he com to Camelot where lay kynge Arthure And there he

salwed Þe kynge & Þe quene sir Launcelot and sir Trystram

and all Þe courte was glad of sir Dynadans commynge ho//

me for he was Jantyll wyse & a good knyght And in a

speciall sir Trystram loved sir Dynadan passyngly well

Than the kynge askyd sir Dynadan what adventures

he had sene Sir seyde sir Dynadan I haue seyne many ad//

ventures And of som kynge Marke knowyth but nat all

Than Þe kynge herkened to sir Dynadan how he tolde Þat sir

Palomydes and he were by fore Þe castell of Morgan le//

fay and how sir Lameroke toke Þe Justys a fore them & how

he for Justed xij· knyghtes and of them ·iiij· he slew And how

aftir that he smote downe sir Palomydes and me bothe I

may nat be lyve Þat seyde the kynge for sir Palomydes is

a passynge good knyght That is verry trouthe seyde sir

Dynadan but yett I sawe hym bettyr preved hande for

hande and than he tolde Þe kynge of all that batayle And

how sir Palomydes was the more wayker and sorer was

hurte and more he loste of his blood than Sir Lameroke

And with oute doute seyde sir Dynadan had the batayle lasted

ony lenger sir Palomydes had be slayne A Jhu seyde kynge

Arthure this is to me a grete mervayle // Sir seyde sir

Trystram mervayle ye no thynge Þer of for at myne

advyce there is nat a valyaunter knyght in Þe worlde ly//

vynge for I know his myght And now woll I say you I

was neuer so wery of knyght but yf hit were my lorde sir

f. 250 (X.20-1)


Launcelot And Þer is no knyght in the worlde excepte sir Laun//

celot that I wolde ded so well as sir Lamerok So god me

helpe seyde Þe kynge I wolde fayne Þat knyght sir Lamerok

wolde com to this courte // Sir seyde sir Dynadan he woll

be here in shorte space And sir Palomydes bothe but I fea//

re me that sir Palomydes may yett travayle // So

wyth in ·iij· dayes after the kynge lete make a Justenynge

At a pryory frome the Justys and Þer made them redy many

knyghtes of Þe rounde table And sir Gawayne and his bre//

Þerne they made them redy to Juste but sir Launcelot Syr

Trystram noÞer sir Dynadan wolde nat Juste but suffyrd

Sir Gawayne for the love of kynge Arthure wyth his

breÞerne to wynne the degre yf they myght So on Þe morn

they apparayled hem to Juste sir Gawayne and his ·iiij· breÞer//

ne they ded grete dedis of Armys And sir Ector de Marys

ded meruaylously well But sir Gawayne passed all that

felyship where fore kynge Arthure and all Þe knyghtes

gave sir Gawayne the honoure and Þe begynnynge Ryght

so was kynge Arthure ware of a knyght and ·ij· squyers

that com oute of a foreystis syde wyth a covyrd shylde

of lethir Than he cam in styffly and hurled here and

there And anone with one speare he had smyttyn downe

ij· knyghtes of the rounde table And so wyth his hurte//

lynge he loste the coverynge of his shylde Than was

the kynge and all ware that he bare a rede shylde

A Jhu seyde kynge Arthure se where rydyth a strong

knyght he wyth Þe rede shylde And Þer was a noyse and

a grete cry be ware Þe knyght with the rede shylde So

wyth in a lytyll whyle he had ouer throwyn ·iij· breÞerne

of sir Gawaynes So god me helpe seyde kynge Arthur

me semyth yondir is the beste Juster that euer I sawe So

f. 250v (X.21)


he loked a boute and saw hym encountir with sir Gawayne ^& he

smote hym downe with so grete force that he made his horse

to a voyde his sadyll // how now seyde Þe kynge to sir Gawa//

ne me thynkyth ye haue a falle well were me & I knew

what knyght he were with the rede shylde I know hym well

I nowȝe seyde sir Dynadan but as at this tyme ye shall nat

know his name Be my hede seyde sir Trystram he Justyth

better than sir Palomydes and yf ye lyste to know his name

is sir Lameroke de galys and as they stood thus they saw sir

Gawayne and he encountyrd to gedir a gayne & there he

smote sir Gawayne from his horse and brused hym sore &

in the syght of kynge Arthure he smote downe xxti· knyghtes

be syde sir Gawayne and so clyerly was Þe pryce yevyn hym

as a knyght piereles Than slyly and mervaylously Sir

Lameroke wyth drewe hym from all the felyshyp in to

the foreystys syde All this aspyed kynge Arthure for his

yȝe went neuer frome hym Than the kynge sir Launcelot

and sir Trystram and sir Dynadan toke there hakeneyes

and rode streyte aftir Þe good knyght sir Lameroke de galis

and there founde hym And thus seyde kynge A fayre knyȝt

well be ye founde // whan he sawe the kynge he put of

his helme and salewed hym And whan he sawe sir Trys/

tram he a lyght a downe of his horse and ran to take hym

by the styroppe // But sir Trystram wolde nat suffir hym

but he a lyght or that he cam and ayÞer toke othir in armys

and made grete Joy of oÞer Than the kynge was gladde &

so was all the felyshyp of the rounde table excepte sir

Gawayne and his breÞerne And whan they wyste that hit

was sir Lameroke they had grete despyte of hym & were

wondirly wrothe wyth hym that he had put hym to such

a dishonoure that day // Than he called to hym prevaly

f. 251 (X.21-2)


in counceyle all his breÞerne and to them seyde thus · Fayre

breÞerne here may ye se whom Þat we hate kynge Arthure

lovyth And whom that we love he hatyth And wyte you

well my fayre breÞerne that this sir Lamerok woll nevyr

love vs be cause we slew his fadir kynge Pellynor for

we demed that he slew oure fadir kynge Lotte of Orkenay

and for the deth of kynge Pellynor sir Lameroke ded vs a

shame to oure modir there fore I woll be revenged Sir

seyde sir Gawaynes breÞerne lat se devyse how ye woll be re//

venged & ye shall fynde vs redy // well seyde sir Gawayne

holde ye styll and we shall aspye oure tyme // Now passe

we on oure mater and leve we sir Gawayne and speke we

of kynge Arthure that on a day seyde vnto kynge Marke sir

I pray you gyff me a gyffte that I shall aske you // Sir sey//

de kynge Marke I woll gyff you what gyffte I may gyff

you // Sir gramercy seyde kynge Arthure this woll I aske

you that ye be good lorde vnto sir Trystram for he is a

man of grete honoure and that ye woll take hym with

you in to Cornwayle and lat hym se hys fryndis & there

cherysh hym for my sake // Sir seyde kynge Marke I pro//

myse you be my fayth and by the fayth that I owe vnto

god and to you I shall worship hym for youre sake all

that I can or may // Sir seyde kynge Arthure and I woll

for gyff you all the evyll wyll that euer I ought you and

ye swere Þat vppon a booke a fore me // wyth a good wyll

seyde kynge Marke and so he Þer sware vppon a booke afore

hym and all his knyghtes And Þer with kynge Marke and sir

Trystram toke ayÞer othir by the hondis harde knytte to gy//

dyrs But for all this kynge Marke thought falsely as

hit preved aftir for he put sir Trystram In preson and

cowardly wolde haue slayne hym // Than sone aftyr

f. 251v (X.22)


kynge Marke toke his leve to ryde in to Cornwayle And

sir Trystram made hym redy to ryde with hym where of the

moste party of the rounde table were wrothe and hevy &

in especiall sir Launcelot And sir Lameroke and sir Dynadan

were wrothe oute of mesure For well they wyste that

kynge Marke wolde sle or destroy sir Trystram Alas seyde

sir Dynadan that my lorde sir Trystram shall departe And sir

Trystram toke suche a sorow that he was a mased // Alas

seyde sir Launcelot vnto kynge Arthure what haue ye

done for ye shall lose Þe man of moste worshyp that

euer cam in to youre courte // Sir hit was his owne

desyre seyde kynge Arthure and there fore I myght

nat do wyth all For I haue done all that I can and

made them at accorde // Acorde seyde sir Launcelotte

now fye on that accorde for ye shall here Þat he shall

destroy sir Trystram oÞer put hym in to preson for he

is the moste cowarde & Þe vylaunste kynge and knyght

Þat is now lyvynge And there with sir Launcelot departed and

cam to kynge Marke and sayde to hym thus Sir kynge

wyte you well the good knyght Sir Trystram shall

go with the be ware I rede the of treson for and Þou mys//

chyff that knyght by ony maner of falsehode or treson by

Þe fayth I awȝe to god and to the order of knyghthode

I shall sle the myne owne hondis Sir Launcelot ouer much

haue ye sayde vnto me and I haue sworne and seyde ouer

largely a fore kynge Arthure In hyrynge of all hys

knyghtes and ouer much shame hit were to me to breke

my promyse// ye sey well seyde sir Launcelot but ȝe ar cal//

led so false and so full of felony that no man may be leve

you // Parde hit is knowyn well for what cause ye cam

in to this contrey and for none oÞer cause but to sle syr

f. 252

[page missing]

f. 252v

[page missing]

f. 253 (X.24)


was ware sir Gaherys and rode a fore Þe same nyght and

wayted vppon sir Lamerok And than he sy where he cam ry//

dynge all armed And where he alyght and tyed his horse

to a prevay postren and so he wente in to a parler & vnarmed

hym And than he wente vnto the quenys bed and she made

of hym passynge grete Joy and he of her a gayne for ayÞer

lovid oÞer passynge sore So whan sir Gaherys sawe his tyme

he cam to there beddis syde all armed wyth his swerde na//

ked and suddaynly he gate his modir by the heyre & strake

of her hede // whan sir Lameroke sawe the blood daysshe vppon

hym all hote whyche was the bloode that he loved ppassyng

well wyte you welle he was sore a baysshed and dismayed

of Þat dolerous syght And Þer with all sir Lamerok lepte oute of Þe

bed in his shurte as a knyght dismayed saynge thus A Sir

Gaherys knyght of the table rounde fowle and evyll haue

ye done and to you grete shame Alas why haue ye slayne

youre modir that bare you for with more ryght ye shulde

haue slayne me // The offence haste Þou done seyde sir Gaherys

nat with stondynge a man is borne to offir his seruyse but yett

sholdyst Þou be ware with whom Þou medelyst for Þou haste

put my breÞerne and me to a shame and thy fadir slew oure

fadir And Þou to ly by oure modir is to muche shame for vs

to suffir And as for thy fadir kynge Pellynor my brethirne

sir Gawayne and I slew hym // ye ded the more wronge seyde

sir Lamerok for my fadir slew nat your fadir hit was Balyn

le saveage and as yett my fadyrs deth is nat revenged // leve

tho wordy seyde sir Gaherys for and Þou speke vylaunsly I

woll sle the but by cause Þou arte naked I am a shemed to sle

the But wyte Þou well in what place I may gete the I

woll sle the And now is my modir quytte of the for she shal

neuer shame her chyldryn And there fore hyȝe the and wyth

f. 253v (X.24-5)


drawe the and take thyne armour that Þou were gone // So Sir

Lameroke saw Þer was none oÞer boote but faste armed hym

and toke his horse and roode his way makynge grete sorow

But for shame and sorowe he wolde nat ryde to kynge

Arthurs courte but rode an oÞer way But whan hit was

knowyn that sir Gaherys had slayne his modir the kynge

was wrothe and commaunded hym to go oute of his courte

wyte you well sir Gawayne was wrothe that sir Gaherys

had slayne his modir and lete sir Lamerok ascape and for

this matere was Þe kynge passynge wrothe and many oÞer

knyghtes // Sir seyde sir Launcelot here is a grete myscheff

fallyn by fellony and by fore caste Þat your syster is thus sham//

fully I slayne And I dare say hit was wrought by treson

And I dare say also that ye shall lose that good knyght sir

Lamerok And I wote well & sir Trystram wyste hit he wolde

neuer com with in your courte God deffende seyde kynge Arthur

that I sholde lese sir Lamerok yes seyde sir Launcelot for sir

Gawayne and his breÞerne woll sle hym by one meane

er by a noÞer That shall I lette seyde kynge Arthur // Now

leve we of sir Lamerok and speke we of sir Gawayne & his

breÞerne sir Aggravayne and sir Mordred as they rode on Þer

adventures they mette wyth a knyght flyynge sore

wounded and they asked hym what tydynges seyde he

Fayre knyghtes sayde he here commyth a knyght aftir me

that woll sle me So wyth that come sir Dynadan fast

rydynge to them by adventure but he wolde promyse them

none help But sir Aggravayne and sir Mordred promysed

to rescowe hym And there with all come Þat knyght streyte

vnto them And a none he profyrde to Juste That sawe sir

Mordred and rode to hym and strake hym but he smote

Sir Mordred ouer his horse tayle That sawe sir Aggravayne

f. 254 (X.25)


and ryght so as he serued sir Mordred so he serued sir Aggravay//

ne And wyte you well syrrys bothe that I am sir Brew//

nys saunȝe pite that hath done thus to you and yet he

rode ouer sir Aggravaynge v· or ·vj· tymes // whan sir Dyna//

dan saw this he muste nedis Juste with hym for shame

And so sir Dynadan and he encountyrd to gydyrs But

wyth pure strengthe sir Dynadan smote hym ouer hys

horse tayle Than he toke his horse and fledde for he

was on foote one of the valyaunte knyghtes in Arthurs

dayes And a grete dystroyer of all good knyghtes / Than

rode sir Dynadan vnto sir Morderd and vnto sir Aggrauayne

Sir knyght well haue ye done & well haue ye reven//

ged vs where fore we pray you tell vs your name // Fayre

syrs ye ought to knowe my re name whyche is called

sir Dynadan whan they vndirstode that hit was sir Dyna//

dan they were more wrothe than they were be fore for

they hated hym oute of mesure by cause of sir Lameroke

For sir Dynadan had suche a custom that he loved all

good knyghtes that were valyaunte And he hated all

tho that wer destroyers of good knyghtes · And Þer was

none that hated sir Dynadan but tho that euer were cal//

led murtherers Than spake the hurte knyght that

Brewnes saunȝe pite had chaced his name was Dalan

and sayde yf Þou be sir Dynadan Þou slewe my fadir hit

myght well be so seyde sir Dynadan but than hit was

in my deffence and at his requeste Be my hede seyde

Dalyn Þou shalt dye there fore And Þer with he dressed

his speare and his shylde & to make shorte tale sir Dyna//

dan smote hym downe of his horse that his necke was

nye brokyn and in the same wyse he smote sir Mordred

and sir Aggravayne And aftir in the queste of Þe sankgreal·

f. 254v (X.25-6)


cowardly and felonsly they slew sir Dynadan whyche was a

grete bourder & a passynge good knyght And so sir Dyna//

dan rode to a castall that hyght Beal· valet and there

he founde sir Palamydes that was nat hole of the

wounde that sir Lamerok gaff hym And there sir Dyna//

dan tolde sir Palomydes all the tydynges Þat he harde &

sawe of sir Trystram and how he was gone with kynge

Marke and wyth hym he hath all his wyll & desyre

There with sir Palomydes wexed wrothe for he loved

la beale Isode And than he wyste well that sir Trystram

enioyed her // Now leve we sir Palomydes and sir Dyna//

dan in the castell of Beale valet and turne we a gay//

ne vnto kynge Arthure There cam a knyght oute of

Cornwayle his name was sir Fergus a felow of the

rounde table & Þer he tolde the kynge and sir Launcelot

good tydyngis of sir Trystram and Þer was brought

goodly letters & how he leffte hym in Þe castell of Tyn//

tagyll Than cam a damesell that brought goodly

lettyrs vnto kynge Arthure and vnto sir Launcelot &

there she had passynge good chere of the kynge & of

Þe quene and of sir Launcelot And so they wrote goodly

lettyrs a gayne But sir Launcelot bade euer sir Trystram

be ware of kynge Marke for euer he called hym in hys

lettirs kynge Foxe as who saythe he faryth all wey

with wylys and treson // where of sir Trystram In his

herte thanked sir Launcelot Than the damesell wente

vnto la beale Isode and bare hir lettirs frome Þe kyng

and from sir Launcelot where of she was in grete Joy

Fayre damesell seyde Isode how faryth my lorde Ar//

thure and quene Gwenyuer and Þe noble knyght sir

Launcelot she answerd & to make shorte tale muche

f. 255 (X.26)


the bettir that ye and sir Trystram bene in Joy God re//

warde them seyde Isode for sir Trystram hath suffirde

grete payne for me and I for hym // So Þe damesell

departed and brought Þe lettirs to kynge Marke whan

he had rad them and vndirstonde them he was wroth

wyth sir Trystram for he demed Þat he had sente Þe dame//

sell to kynge Arthure for kynge Arthure and sir Launce//

lot In a maner thretned kynge Marke in his letters And

as kynge Marke red this lettyrs he demede treson

by sir Trystram damesell seyde kynge Marke woll ye

ryde a gayne and beare lettyrs frome me vnto kynge

Arthure Sir she seyde I woll be at youre commaundement

to ryde whan ye wyll // ye sey well seyde the kynge Com

ye a gayne to morne and fecche youre lettyrs Than

she departed & cam to la beall Isode and to sir Trystram &

tolde hem how she sholde ryde a gayne with lettyrs to

kynge Arthure Than we pray you seyde they that

whan ye haue resceyved youre lettyrs that ye wolde

com by vs that we may se the prevyte of youre lettirs

All that I may do madame ye wote well I muste do

for sir Trystram for I haue be longe his owne may//

dyn // So on the morne the damesell wente vnto

kynge Marke to haue resceyved his lettyrs and to

departe // Damesell I am nat avysed seyde kynge

Marke as at this tyme to sende my lettyrs But so

pryvayly and secretely he sente lettirs vnto kynge

Arthure and vnto quene Gwenyuer and vnto sir Laun/

celot So the varlet departed & founde Þe kynge and the

quene In walys at Carlyon And as Þe kynge and Þe

quene was at masse Þe varlet cam wyth the lettyrs

And whan masse was done the kynge & the quene

f. 255v (X.26-7)


opened the lettirs prevayly And to be gyn the kyngis

lettirs spake wondirly sha shorte vnto kynge Arthur

and bade hym entermete with hym self and wyth hys

wyff and of his knyghtes fore he was able to rule

his wyff and his knyghtes // whan kynge Arthure

vndirstode the lettir he mwsed of many thynges and

thought of his systyrs wordys quene Morgan le fay

that she had seyde be twyxte quene Gwenyuer and sir

Launcelot and in this thought he studyed a grete

whyle // Than he be thought hym a gayne how his

owne sistir was his enemy And that she hated the

quene and sir Launcelot to the deth and so he put Þat

all oute of his thought Than kynge Arthur rad

the letter a gayne and the lattir clause seyde Þat kynge

Marke toke sir Trystram for his mortall enemy

where fore he put kynge Arthure oute of doute

he wolde be revenged of sir Trystram Than was

kynge Arthure wrothe wyth kynge Marke & whan

quene Gwenyuer rad hir lettir and vndirstode hyt

she was wrothe oute of mesure for Þe letter spake

shame by her and by sir Launcelot And so prevayly she

sente Þe lettir vnto sir Launcelot And whan he wyste

the entente of Þe letter he was so wrothe Þat he layde

hym downe on his bed to slepe where of sir Dynadan

was ware for hit was his maner to be prevy with

all good knyghtes And as sir Launcelot slepte he stale

the lettir oute of his honde and rad hit worde by

worde and than he made grete sorow for angir

And sir Launcelot so wakened and wente to a wyn//

dowe and rede the letter a gayne whyche made

hym angry Syr seyde sir Dynadan where fore be

f. 256 (X.27-8)


ye angry I pray you discouer your harte to me For parde ye

know well that I wolde you but well for I am a poore

knyght and a seruyture vnto you and to all good knyȝtes

For though I be nat of worship my self I love all

tho that bene of worship hit is trouthe seyde sir Laun//

celot ye ar a trusty knyght and for grete truste I wol·

shewe you my counceyle And whan sir Dynadan vn//

dirstonde hit well he seyde sir thus is my counceyle

sette you ryght naught by thes thretenynges For

kynge Marke is so vylaunce a knyght that by fayre

speche shall neuer man gete ought of hym But ye

sh shall se what I shall do · I woll make a lay for

hym and whan hit is made make an harpere to syng

hit I shall a fore hym And so anone he wente & made

hit & taught hit to an harpere that hyght Elyot and

whan he cowde hit he taught hit to many harpers

And so by the wyll of kynge Arthure and of Sir

Launcelot the harpers wente in to walys and In

to Cornwayle to synge the lay that sir Dynadan ma//

de by kynge Marke whyche was the worste lay Þat

euer harper songe with harpe or with ony oÞer Instrument


Ow turne we a gayne vnto sir Trystram and

to kynge Marke Now as sir Trystram was

at a Justys and at a turnemente hit fortuned he

was sore hurte bothe with a speare and with a swerde

But yet all wayes he wan the gre And for to re//

pose hym he wente to a good knyght that dwelled

in Cornwayle in a castell whos name was Sir

Dynas the senesciall So by mysse fortune there

come oute of Syssoyne a grete numbre of men of

f. 256v (X.28)


armys and an hedeous oste and they entyrd nye the castell

of Tyntagyll and hir captens name was sir Elyas a good

man of Armys // whan kynge Marke vndirstood his enemy//

es were entyrd in to his londe he made grete dole & sorow

for in no wyse by his good wylle kynge Marke wolde nat

sende for sir Trystram for he hated hym dedly So whan his

counceyle was com they devysed and caste many perellys of Þe

grete strengthe of hir enemyes And than they concluded all

at onys and seyde thus vnto kynge Marke Sir wyte you

well ye muste sende for sir Trystram the good knyght oÞer

ellys they woll neuer be ouer com for by sir Trystram they muste

be foughtyn with all oÞer ellys we rowe a yenste Þe streme // well

seyde kynge Marke I woll do by youre counceyle but yette

he was full lothe Þer to but nede constrayned hym to sende for

hym And so he was sente fore in all haste that myght be

that he sholde com to kynge Marke And whan he vndirstoode

that he had sente for hym he be strode a soffte ambular & rode

to kynge Marke And whan he was com the kynge seyde thus

Fayre nevew sir Trystram this is all here be com oure enemy//

es off Sessoyne that ar here ny honde and with oute taryynge

they muste be mette wyth shortly oÞer ellys they woll destroy

this contrey // Sir seyde sir Trystram wyte you well all my

power is at your commaundement // But sir this ·viij· dayes I may

beare none A^rmys for my woundis be nat hole and by Þat day

I shall do what I may // ye say well seyde kynge Marke Than

go ye a gayne and repose you and make you freysh and I

shall go mete Þe Sessoynes with all my power So the kynge

departed vnto Tyntagyll and sir Trystram wente to repose hym

And the kynge made a grete oste and departed them in ·iij· The

fyrste parte ledde sir Dynas the senescyall And sir Andret led

the secunde parte And sir Arguys led the thirde parte and he was

f. 257 (X.28)


of the bloode of kynge Marke And the Sessoynes had ·iij gre//

te batayles and many good men of Armys And so kynge

Marke by the advyce of his knyghtes yssued oute of Þe cas//

tell of Tyntagyll vppon his enemyes And sir Dynas the

good knyght rode oute a fore and slewe ij· good knyghtes

his owne hondis And than be gan the batayles And there

was mervaylous brekynge of spearys and smytynge of

swerdys and bylled downe many good knyghtes And euer was

sir Dynas the senesciall beste of kynge Markys party & thus

the batayle endured longe with grete moralyte But at the

laste kynge Marke and sir Dynas were they neuer so loth they

were dryvyn to the castall of Tyntagyll with grete slaughter

of people And the Syssoynes folowed on faste that x· of

them were getyn wyth in the yatys and ·iiij· slayne wyth

the portecolyes Than kynge Marke sente for sir Trystram

by a varlet a gayne that tolde hym of all the moralyte

Than he sente the varlet a gayne and bade hym telle

kynge Marke that I woll com as sone as I am hole for

arste I may do hym no goode Than kynge Marke hadde

hys answere And there with cam Elyas and bade Þe kynge

yelde vp the castell for ye may not holde hit no whyle

Sir Elyas seyde kyng Marke and yf I be nat Þe sonner

rescowed I muste yelde vp this castell // And a none the

kynge sente a yen for rescow to sir Trystram And by that

tyme sir Trystram was nyȝe hole And he had getyn hym

x· good knyghtes of kynge Arthurs And wyth hem he rode

vnto Tyntagyll And whan he sawe the grete oste of Ses//

soynes he mervayled wondir gretly And than sir Trystram

rode by the woodys and by the dychis as secretely as he

myght tyll he cam ny the gatis And anone there dressed

a knyght to hym // whan he sawe that sir Trystram wolde


f. 257v (X.28-9)


haue entird Than sir Trystram ran to hym and smote hym

downe dede And so he serued ·iij· mo And eueryche of these ·x

knyghtes slewe a man of Armys So sir Trystram entyrde

in to the yatys of Tyntagyll And whan kynge Marke wyste

that sir Trystram was com he was glad of his commynge And

so was all Þe felyship and of hym they made grete soy And

on the morne Elyas the captayne cam and bade kynge

Marke com oute And do batay for now the good knyght

Sir Trystram is entyrd and hit woll be shame seyde Elyas

for to kepe thy wallys // whan kynge Marke vndirstoode

this he was wrothe and seyde no worde but wente to

sir Trystram and axed hym his counceyle Sir seyde Sir

Trystram woll ye that I gyff hym his answere // I woll

well seyde  kynge Marke Than sir Trystram seyde thus to

the messengere beare thy lorde worde frome Þe kynge

and me and sey how Þat we woll do batayle to more wyth

hym in the playne fylde // Sir what is your name seyde Þe

messyngere Sir wyte you well my name is sir Trystram

de lyones So there with all Þe messyngere departed & tolde

his lorde Elyas // Sir seyde sir Trystram I pray oyou gyff

me leve to haue the rule of youre oste to morowe Sir

I pray you take the rule seyde kynge Marke Than Sir

Trystram lete devyse the batayle in what maner Þat they

sholde be So he lete his oste be departed in ·vij· batayles

And ordayned sir Dynas the senesciall to haue Þe voward

and oÞer good knyghtes to rule the remenaunte And the

same nyght sir Trystram gart bren all the Sessoynes

shyppis vnto the colde water And a none as Elyas wyst

Þat he seyde hit was of sir Trystrams doynge for he cas//

tyth that we shall neuer ascape modyrs sonne of vs

There fore fayre felowys fyght frely to morow and

f. 258 (X.29)


myscomfort you nought for one knyght for though he be

the beste knyght of the worlde he may nat haue a do with

vs all Than they ordayned Þer batayles ·iiij· partyes won//

dirly well appararayled apparayled and garnysshed men

of armys Thus they wyth in issued oute And they wyth

oute sette frely vppon them And there sir Dynas ded grete

dedis of armys nat for than sir Dynas and his felyshyp

were put to the wors So with that cam sir Trystram

and slew ·ij knyghtes with one speare Than he slew on Þe

ryght honde & on the lyffte honde that men mervayled

that euer he myght do suche dedis of armys And than

he myght se som tyme the batayle was dryvyn a bow

draught frome the castell and som tyme hit was

at the yatys of the castell Than cam Elyas Þe cap//

tayne russhynge here and there and smote kynge

Marke so sore vppon the helme that he made hym to

a voyde his sadyll And than sir Dynas gate kynge

Marke a gayne to horse backe And Þer wyth cam syr

Trystram lyke a lyon And there he mette wyth sir

Elyas and he smote hym so sore on the helme that

he avayded his sadyll and thus they fought tylle hit

was nyght And for grete slaughtir of peple and for

wounded people euery party with drew ^to theire resseyte // And

whan kynge Marke was com wyth in the castell of

Tyntagyll he lacked of his knyghtes an ·C· And they

with oute lacked ·ij·C· Than they serched the wounded

men on bothe partyes And than they wente to counceyle

And wyte you well eythir party were loth to fyght mo//

re so that aythir myght ascape with Þer worshyp // whan

Elyas the captayne vndirstoode the deth of his men

he made grete dole Also whan he knew that they were

f. 258v (X.29-30)


loth to go to batayle a gayne he was wrothe oute of

mesure · Than elyas sente vnto kynge Marke In

grete dispyte vppon hede wheÞer he wolde fynde a

knyght that wolde fyght with hym body for body And

yf that he myght sle kynge Markis knyght he to

haue Þe trewayge of Cornwayle yerely And yf that

his knyght sle myne I fully releace my clayne for

euer Than the messynge departed vnto kynge Marke

and tolde hym how that his lorde Elyas had sent

hym worde to fynde a knyght to do batayle wyth

hym body for body // whan kynge Marke vndirstood

the messynge he bade hym a byde and he sholde haue

his answere Than callyd he all the batayle to gydir

to wyte what was beste counceyle And they seyde all

at onys to fyght in a fylde we haue no luste For

had nat bene the proves of sir Trystram hit hadde

bene lykly that we neuer sholde haue scaped And there

fore sir as we deme hit were well done to fynde

a knyght that wolde do batayle wyth hym for

he knyghtly proferyth // Nat for than whan all

this was seyde they coude fynde no knyght that

wolde do batayle with hym // Sir kynge seyde they

all here is no knyght that dare fyght with Elyas

Alas seyde kynge Marke than am I shamed and

vttirly distroyed onles that my nevew sir Trys//

tram wolde take the batayle vppon hym Sir wyte

you well they seyde all he had yesterday ouer muche

on hande and he is wery and travayled and sore

wounded // where is he seyde kynge Marke Than

one Answeryd and sayde sir he lyeth in his bedde for

to repose hym Alas seyde kynge Marke but I

f. 259 (X.30)


haue the succour of my nevew sir Trystram I am vtterly

destroyed for euer And Þer with all one wente to sir Trys//

tram there he lay and tolde hym what kynge Mar//

ke seyde & there with sir Trystram arose lyghtly and

put on hym a longe gowne and cam a fore Þe kynge

and the lordis And whan he saw them so disna dismay//

ed he axed them what tydynges // Neuer worse seyde

the kynge And there wyth he tolde hym all as ȝe haue

herde a fore honde And as for you seyde the kynge we

may aske no more of you for shame for thorow youre

hardynesse yestirday ye saved all oure lyvys // Sir seyde

sir Trytstram now I vndirstonde ye wolde haue my succour

and reson wolde that I sholde do all Þat lyyth in me to do

savynge my worshyp & my lyff how be that I am sore bru//

sed & hurte & sytthyn sir Elyas proferyth so largely I shall

fyght with hym oÞer ellys I woll be slayne in the fylde othir

ellys delyuer Cornwayle of the olde trewage And there fore

lyghtly calle his messyngere & he shall be answerde for

as yett my woundis bene grene & they woll be sorer

here aftir vij· nyght than they be now And Þer fore he shal

haue his answere that I woll do batayle to morne Than

was Þe messyngere brought be fore kynge Marke Now

herkyn my felow seyde sir Trystram go faste vnto thy

lorde & bid hym make trewe assuraunce on his party for Þe

trwayge as the kynge here shall on his party And than

tell thy lorde Þat sir Trystram kynge Arthurs knyght

and knyght of the table rounde wyll as to morne mete

with thy lorde on horse bak to do batayle as longe as I may

endure And aftir that to do batayle with hym on foote to the

vttraunce The messyngere be hylde sir Trystram frome

Þe top to Þe too & Þer wyth all he departed and so he cam to his

f. 259v (X.30)


lorde & tolde hym how he was answere of sir Trystram

And Þer with all was made ostage on bothe partyes And made

hit as sure as hit myght be that whethir som euer party had

the victory so for to ende And than were bothe ostys assembe//

led on bothe partyes the fylde wyth oute the castell of Tyn//

tagyll And there was none that bare armys But sir

Trystram and sir Elyas So whan all Þe poyntemente

was made they departed in sundir and cam to gydirs wyth

all Þe myght that there horsys myght ren that ayÞer knyȝt

smote othir so harde that bothe horsis & knyghtes wente

to the erthe // Nat for than they bothe a rose lyghtly and

dressed Þer shyldis on Þer sholdyrs with naked swerdys in Þer

hondis and they daysshed to gydirs so that hit semed a fla//

mynge fyre a boute them Thus they traced and trauersced

and hewe on helmys and hawberkes & cut a way many can//

tellys of Þer shyldis and aythir wounded othir passynge

sore that the hoote blood ran freyshly vppon the erthe

And by than they had foughtyn the mowtenaunce of

an owre // Sir Trystram waxed faynte & wery and

bled sore and gaff sore a bak // That sawe sir Elyas and

folowed fyersly vppon hym & wounded hym in many

placis And euer sir Trystram traced and trauerced & wente

froward hym here and there & couerde hym with hys shylde

as he myght all waykely Þat all men sayde he was ouer

com for sir Elyas had gyvyn hym ·xxti· strokes a yenste

one Than was Þer lawghynge a monge the Sessoynes

party & grete dole on kynge Markis party Alas seyde the

kynge we ar all shamed & destroyed for euer for as the

booke seyth sir Trystram was neuer so macched but yf

hit were of sir Launcelot Thus as they stode & be hylde

bothe partyes that one party laughynge and the othir party

f. 260 (X.30-1)


wepynge Sir Trystram remembird hym of his lady

la beale Isode that loked vppon hym & how he was neuer

lykly to com in hir presence Than he pulled vp his shyl//

de that be fore hynge full lowe And than he dressed hym

vnto sir Elyas and gaff hym many sad strokys ·xxti· a yenst

one and all to brake his shylde and his hawberke that

Þe hote bloode ran downe as hit had bene rayne Than

be gan kynge Marke and all Cornyshe men to lawȝe

and Þeer party to wepe And euer sir Trystram seyde to sir

Elyas yelde the And whan sir Trystram saw hym so

stakir on the grounde he seyde sir Elyas I am ryȝt sory

for the for Þou arte a passynge good knyght as euer I mette

with all excepte sir Launcelot And Þer with all sir Elyas fell to

the erthe and there dyed // Now what shall I do seyde sir

Trystram vnto kynge Marke for this batayle ys at

an ende Than they departed and kynge Marke toke of

hem many presoners to redresse the harmys & Þe scathis

and the remenaunte he sente in to her contrey to bo//

row oute Þer felowys Than was sir Trystram serched

and well healed // yet for all this kynge Marke wolde

haue slayne sir Trystram But for all that euer sir Trys//

tram saw oÞer herde by kynge Marke he wolde neuer be

ware of his treson but evir he wolde be Þer as la beale

Isode was // Now woll we passe ouer this mater and

speke we of the harpers Þat sir Launcelot and sir Dyna//

dan had sente in to Cornwayle And at Þe grete feste Þat

kynge Marke made for the Joy that the Sessoynes were

put oute of his contrey Than cam Elyas the harper

with the lay that sir Dynadan had made and secretly

brought hit vnto sir Trystram and tolde hym the lay

that sir Dynadan had made by kynge Marke And whan

f. 260v (X.31-2)


sir Trystram harde hit he sayde O lord Jhu Þat sir Dynadan

can make wondirly well and yll Þer he sholde make evyll sir

seyde Elyas dare I synge this songe a fore kynge Marke

yee on my perell seyde sir Trystram for I shall be thy wa//

raunte // So at the mete In cam Elyas the harper a

monge oÞer mynstrels and be gan to harpe And be cause

he was a coryous harper men harde hym synge Þe same

lay Þat sir Dynadan made whyche spake the moste vylayn

by kynge Marke and of his treson Þat euer man herde //

And whan the harper had sunge his songe to the ende

kynge Marke was wondirly wrothe And sayde harper

how durste Þou be so bolde on thy hede to synge this songe a

fore me Sir seyde Elyas wyte ^Þou well I am a mynstrell &

I muste do as I am commaunded of thos lordis that I beare

the armys of And sir wyte you well that sir Dynadan a knyȝt

of the table rounde made this songe and made me to synge

hit a fore you Thou seyste well seyde kynge Marke and

by cause Þou arte a mynstrell Þou shalt go quyte but I

charge the hyȝe the faste oute of my syght So Elyas the

harper departed and wente to sir Trystram and tolde hym

how he had sped Than sir Trystram let make lettyrs as

goodly as he cowde to Camelot and to sir Dynadan and so

he let conduyte the harper oute of the contrey But to

sey that kynge Marke was wondirly wrothe for he demed

that the lay that was songe a fore hym was made by sir

Trystrams counceyle where fore he thought to sle hym

and all hys well wyllers in that contrey

NOw turne we to a noÞer mater Þat felle be twene kyng

Marke and his broÞer that was called the good prynce

Bodwyne that all Þe peple of the contrey loved hym passyng

well So hit be fell on a tyme that the Myscreauntys





f. 261 (X.32)


Sareȝynes londid in the Contrey of Cornwayle sone aftir

these Sessoynes were departed // And whan Þe good prynce sir

Bodwyne was ware of them where they were londed And

than at the londynge he areysed the peple pryvayly & hasty//

ly And or hit were day he let put wylde fyre in ·iij of his

owne shyppis and suddeynly he pulled vp the sayle and wyth

Þe wynde he made thos shyppis to be drevyn amonge the navy

of the Sareȝynes And to make a short tale Þo ·iij· shyppis sett

on fyre all the shyppis Þat none were saved And at the poynte

of the day the good prynce Bodwyne with all his felyship set

on the myscreauntys with showtys & cryes and slew the numbir

of ·xl·Ml· and lefft none on lyve // whan kynge Marke

wyste this he was wondirly wrothe Þat his broÞer sholde wynne

suche worship & honour And by cause this prynce was bettir

be loved than he in all Þat contrey And also this prynce Bod//

wyne lovid well sir Trystram and there fore he thought

to sle hym And thus hastely & vppon hede as a man that

was full of treson he sente for prynce Bodwyne And An//

glydes hs wyff and bade them brynge Þer yonge sonne with

hem Þat he myght se hym and all this he ded to the entente

to sle the chylde as well as his fadir for he was Þe falsist

traytour Þat euer was borne Alas for the goodnes & for hys

good dedis this Jantyll prynce Bodwyne was slayne So

whan he cam wyth his wyff Anglydes the kynge made

them fayre semblaunte tylle they had dyned // And whan

they had dyned kynge Marke sente for his broÞer And seyde

thus brothir how sped you whan the myscreauntes a ryved

by you // Me semyth hit had bene your parte to haue sente me

worde Þat I myght haue bene at Þat Journey for hit had bene

reson that I had had Þe honoure & nat you // Sir seyde prince

Bodwyne hit was so Þat and I had sente for Þou Þo myscreauntes

f. 261v (X.32.3)


had distroyed my contrey // Thou lyeste false traytoure

seyde kynge Marke for Þou arte euer a boute to wynne wor//

ship from me & put me to dishonoure And Þou cherysht Þat I

hate and Þer with he stroke hym to the herte wyth a dagger

Þat he neuer afftir spake worde Than the lady Anglydes made

grete dole & sowned for she saw her lorde slayne a fore her

face Than was Þer no more to do but prynce Bodwyne

was dispoyled & brought to his buryellys But his lady

Anglydes pryvaly gate hir husbandis dubled and his

shurte & Þat she kepte secretly Than was Þer muche sorow

and cryynge & grete dole made be twyxt sir Trystram

sir Dynas and sir Fergus And so ded all knyghtes Þat were Þere

For that prynce was passyngly well be loved So labeall

Isode sente for Anglydes his wyff and bade her a voyde

delyuerly oÞer ellys hir yonge sonne Alysaundir le Orphelyne

sholde be slayne // whan she harde this she toke her horse

and hir chylde & rode a way with suche poore men as durste

ryde with hir Not wythstondynge // whan kynge Marke

had done this dede yet he thought to do more vengeaunce

And with his swerde in his honde he sought frome chambir

to chambir for Anglydes and hir yonge sonne And whan

she was myst he called a good knyght to hym Þat hyght sir

Sadoke and charged hym in payne of dethe to sette a gay//

ne Anglydes and hir yonge sonne So sir Sadoke departed and

rode aftir Anglydes And with in ·x· myle he ouer toke her and

bade hir turne a yen & ryde with hym to kynge Marke Alas

fayre knyght she seyde what shall ye wynne by my sunnys

deth oÞer ellys by myne for I haue ouer muche harme and to

grete a losse Madame seyde sir Sadoke for your losse is grete

dole and pite but madame seyde sir Sadoke wolde ye de//

parte oute of this contrey wyth youre sonne and kepe

f.262 (X.33-4)


hym tylle he be of ayge that he may revenge his fadyrs

deth than wolde I suffir you to departe frome me so ye pro//

myse me to revenge the deth of prynce Bodwyne // A

Jantyll knyght Jhu thanke the and yf euer my sonne Aly//

saundir le Orphelyne lyve to be a knyght he shall haue

his fadirs dublet & his shurte with the blody markes and I

sahl shall gyff hym suche a charge that he shall remem//

bir hit whylys he lyvyth And there with all departed sir Sadoke

frome her and ayther departed frome oÞer And whan Sir

Sadoke cam vnto kynge Marke he tolde hym faythfully

that he had drowned yonge Alysaundir her sonne and Þer

of kynge Marke was full glad // Now turne we vnto

Anglydes that rode bothe nyght and day by adventure

oute off Cornwayle and sylden and in feaw placis she

rested but euer she drewe southwarde to the see syde tyll by

fortune she cam to a castell Þat is called Magowns Þat now

is called Arundell in southsex And the Conestable of that

castell welcomed Anglydes and seyde she was well com

to her owne castell And so she was Þer woshypfully rescey//

ved for Þe Conestable his wyff was her ny Cousyn And

the Conestablys name was sir Bellyngere and he tolde

Anglydes that the same castell was hers by ryght In

Erytaunce Thus Anglydes endured yerys and wyntyrs

tyll Alysaundir was bygge & stronge and Þer was none

so wyghty in all Þat contrey that Þer was no man myght

do no maner of maystry a fore hym Than vppon a day

sir Bellyngere the Constable cam to Anglydes And seyde

madame hit were tyme my lorde sir Alysaundir were

made knyght for he is a stronge yonge man // Sir seyde

she I wolde he were made knyght but than muste I gyff

hym the moste charge Þat euer synfull modir gaff to hir childe

f. 262v (X.34-5)


As for that do as ye lyste & I shall gyff hym warnynge Þat

he shall be made knyght And hit woll be well done Þat

he be made knyght at oure lady day in lente // Be hit

so seyde Anglydes and I pray you make ye redy Þer fore

So cam Þe Conestable to Alysaundir and tolde hym Þat

he sholde at oure lady of lente be made a knyght Sir

I thanke god and you seyde Alysaundir for this is Þe beste

tydynges Þat euer cam to me Than the conestable ordayned

xxti· of the grettyste Jantylmennes sunnys and the beste

borne men of that contrey whyche sholde be made knyȝtes

the same day Þat Alysaundir was made knyght And so on

the same day Þat he and his ·xxti· felowys were made

knyghtes at the offerynge of the masse there cam this lady

Anglydes vnto her sonne & seyde thus A my fayre swete

sonne I charge the vppon my blyssynge and of the hyȝe

order of chevalry Þat Þou takyste here this day to take

hede what I shall sey and charge the wyth all And there

with all she pulled oute a blody dublet and a blody shurte

Þat was be beld bled with olde bloode // whan Alysaundir saw

this he sterte a bak & waxed paale and sayde fayre moder

what may this be or meane I shall tell Þe fayre son

this was thyne owne fadyrs doublet and shurte that

he ware vppon hym that same tyme Þat he was slayne

and Þer she tolde hym why & where fore and for hys

good dedis kynge Marke slew hym with his dagger a

fore myne owne yȝen And Þer fore this shall be youre

charge Þat I gyff you at thys tyme

NOw I requere the and I charge the vppon my

blyssynge and vppon the hyȝe order of knyght//

hode that Þou be revenged vppon kynge Marke for

the deth of thy fadir and there wyth all she sowned

f. 263 (X.35)


Than Alysaundir lepte to his modir & toke her vp in his

armys and sayde Fayre modir ye haue gyvyn me a grete

charge and here I promyse you I shall be a venged vppon

kynge Marke whan Þat I may & that I promyse to god and to

Þou So this feste was ended & the Conestable by Þe avyce

of Anglydes let purvey that Alysaundir were well horsed

& harneyste Than he Justed with his ·xxti· felowys Þat were

made knyghtes with hym but for to make a shorte tale he

ouer threwe all tho ·xxti· Þat none myght with stonde hym a

buffet Than one of thos knyghtes departed vnto kynge Mar//

ke and tolde all how Alysaundir was made knyght and

all the charge that his modir gaff hym as ye haue

harde a fore tyme // Alas false treson seyde kynge Mar//

ke I wente that yonge traytoure had bene dede Alas

whom may I truste And there with all kynge Marke

toke a swerde in his honde and sought sir Sadoke from

chambir to chambir to sle hym // whan sir Sadoke saw

kynge Marke com with his swerde in his honde // Syr he

seyde be ware Marke and com nat to nyȝe me for wyte

Þou well Þat I saved Alysaundir his lyff of the whyche I

neuer repente me for Þou falsely & cowardly slew his

fadir prynce Bodwyne traytourly for his good dedis

where fore I pray all myghty Jhu sende Alysaundir

myght & powere to be revenged vppon the And now be

ware kynge Marke of yonge Alysaundir for he is ma//

de a knyght Alas seyde kynge Marke that euer I sholde

hyre a traytoure sey so a fore me And Þer with ·iiij· knyghtes

of kynge Markes drew Þer swerdis to sle sir Sadoke but a

none kynge Marke his knyghtes were slayne a fore

hym And sir Sadoke paste forth in to his chambir &

toke his harneys and his horse and rode on his way

f. 263v (X.35-6)


for Þer was noÞer sir Trystram sir Dynas noÞer sir Fergus

that wolde sir Sadoke ony evyll wyll Than was

kynge Marke wood wrothe and thought to destroy sir

Alysaundir for hym he dradde & hated moste of any

man lyvynge // whan sir Trystram vndirstood that Aly//

saundir was made knyght a none furth with all he sent

hym a lettir prayynge and chargynge hym that he

draw hym to the courte of kynge Arthure and Þat he

put hym in Þe rule & in the hondis of sir Launcelot

So this lettyr was sente vnto sir Alysaundir from his

Cousyne sir Trystram And at Þat tyme he thought to do after

his commaundemente Than kynge Marke called a knyȝt

that brought hym the tydynges frome Alysaundir And bade

hym a byde stylle in Þat contrey Sir seyde Þe knyght so

muste I do for in my nowne contrey dare I nat com //

No force seyde kynge Marke for I shall gyff the here

double as muche londis as euer Þou haddyste of thyne owne

But with in shorte space sir Sadoke mette wyth that false

knyght & slew hym Than was kynge Marke wood wro//

the oute of mesure Than he sente vnto quene Morgan

le fay and to the quene of Northe Galys prayynge them

in his lettyrs that they ij· sorserers wolde sette all Þe con//

trey envyrone with ladyes that were enchauntours and by

suche Þat were daungerous knyghtes as sir Malagryne and sir

Brewnys saunȝe pyte that by no meane Alysaundir le orphe//

lyne shulde neuer ascape but oÞer he sholde be takyn or slayne

And all this ordynaunce made kynge Marke to distroy sir Alysaunder

NOw turne we vnto sir Alysaundir that at his departyng

his modir toke with hym his fadyrs blody sherte and

so he bare hit with hym tyll his deth day in tokenynge to thynke

vppon his fadyrs deth So was Alysaundir purposed to ryde 

f. 264 (X.36)


to london by the counceyle of sir Trystram to sir Launcelot and

fortune he went aftir Þe see syde and rode wronge And there

he wan at a turnemente the Ge that kynge Carads made &

there he smote downe kynge Carados And xxti· of his knyȝtes

And also sir Saffir a good knyght Þat was sir Palomydes broÞer

And all this sawe a damesell and went to Morgan le fay &

tolde hir how she saw the beste knyght Juste Þat euer she sawe

And euer as he sente downe knyghtes he made them to swere

to were none harneyse of a ·xij· monthe & a day // This is

well seyde seyde Morgan le fay for Þat is the knyght that I

wolde fayne se And so she toke her palfrey and rode a grete

whyle And than she rested her · in her pavylyon So Þer cam

iiij· knyghtes ·ij· of them were armed and ·ij· were vnarmed

and they tolde Morgan le fay there namys The fyrste was

Elyas de gourmet The secunde Carde gourmet Þo ·ij· were

armed and Þeer ·ij· were of Camylyarde Cousyns vnto

quene Gwenyuer And that one hyght sir Gye and that othir

hyght sir Garaunte Þo ·ij· were vnarmed And this ·iiij·

knyghtes tolde Morgan le fay how a yonge knyght had smyt//

tyn them downe a fore a castell for the maydyn of that

castell seyde Þat he was but late made knyght and yonge

but as we suppose but yf hit were sir Trystram othir Sir

Launcelot oÞer ellys sir Lameroke the good knyght Þat myght

sytte hym a buffette with a speare // well seyde Morgan le fay

I shall mete wyth Þat knyght or hit be longe tyme and he

dwelle in Þat contrey // So turne we to the damesell of Þe

castell that whan Alysaundir le Orphelyne had for Justed

the ·iiij· knyghtes she called hym to her and seyde thus sir knyȝt

wolte Þou for my sake Juste & fyght wyth a knyght of this

contrey that is and hath bene longe an evyll neyghboure

to me his name is sir Malagryne And he woll nat suffir me

f. 264v (X.36)


to be maryde in no maner Damesell seyde sir Alysaundir

And he com the whyle Þat I am here I woll fyght with hym

And there with all she sente for hym for he was at her

commaundemente And whan ayÞer had a syght of oÞer they

made hem redy for to Juste and so they cam to gydyr

egirly and this sir Malagryne brused his speare vppon

sir Alysaundir And he smote hym a gayne so harde ^Þat he bare

hym quyte from his horse But this Malegryne devoy//

ded & lyghtly arose & dressed his shylde & drew his swer//

de and bade hym a lyght for wyte Þou well sir knyghte

Þouȝe Þou haue the bettir on horse backe Þou shalt fynde

that I shall endure the lyke a knyght on foote // ye sey well

seyde sir Alysaundir And so he a voyded his horse & by toke

hym to his varlet And than they russhed to gydyrs lyke

ij· boorys and leyde on Þer helmys & shyldis longe tyme by

the space of ·iij· owrys that neuer man coude sey whyche

was Þe bettir knyght And in Þe meane whyle cam Morgan//

le fay to the damesell of Þe castell and they be hylde Þe batay//

le But this Sir Malagryne was an olde rooted knyght

and he was called one of the daungerous knyghtes of the

worlde to do batayle on foote but on horsebacke there was

many bettir // And euer this Malagryne a wayted to sle sir

Alysaundir and so wounded hym wondirly sore that hit

was mervayle that euer he myght stonde for he had bled so

muche for this sir Alysaundir fought euer wyldely and nat

wyttyly and that othir was a felons knyght and a wayted

hym and smote hym sore and som tyme they russhed to gy//

dyrs with Þer shyldis lyke ·ij· boorys oÞer Rammys and felle gro//

velynge bote to the erthe // Now sir knyght seyde sir Male//

gryne holde thyne honde a whyle and telle me what

Þou arte That woll I nat seyde sir Alysaundir but yf me

f. 265 (X.36-7)


lyst well But tell me thy name and why Þou kepyste thys

contrey oÞer ellys Þou shalt dye of my hondis Sir wyte Þou well

seyde sir Malagryne that for this maydyns love of this cas//

tell I haue slayne x· good knyghtes by mysse hap and by oute//

rage orgulyte of my selff I haue slayne othir ·x· knyghtes

So god helpe me seyde sir Alsaundir this is the fowlyste

conff confession that euer I harde knyght make and hit were

pite Þat Þou sholdiste lyve ony lenger and Þer fore kepe Þe for

as I am a trewe knyght oÞer Þou shalt sle me oÞer ellys I shall

sle the Than they laysshed to gydyrs fyersely And at the

laste sir Alysandir smote hym to the erthe and than he ra//

ced of his helme & smote of his hede And whan he had

done this batayle he toke his horse & wolde haue mown//

ted vppon his horse but he myght nat for faynte // And

than he seyde a Jhu succoure me So by that com Morgan//

le fay and bade hym be of good comforte And so she layde

hym this Alysaundir In an horse lettir and so led hym

in to the castell for he had no foote to stonde vppon the

erthe for he had ·xvj· grete woundis and in especiall one

of them was lyke to be his deth Than quene Morgan le

fay serched his woundis and gaff hym suche an oynement

that he sholde haue dyed And so on the morne whan she

cam to hym a gayne he complayned hym sore and than

she put a noÞer oynemente vppon hym and than he was

oute of his payne // Than cam the damesell of Þe castell

and seyde vnto Morgan le fay I pray you helpe me that

this knyght myght wedde me for he hath wonne me with

his hondis // ye shall se seyde Mogan le fay what I shall

sey Than this quene Morgan le fay wente to sir Alysaundir

and bade hym in ony wyse that he shulde refuse this lady

and she desyre to wed you for she is nat for Þou So this

f. 265v (X.37-8)


damesell cam & desired of hym maryage // Damesell seyde

sir Alysaundir I thanke you but as yet I caste me nat to

mary in this contrey // Sir she seyde sytthyn ye woll

nat mary me I pray you in so muche as ye haue wonne

me Þat ye woll gyff me to a knyght of this contrey that

hath bene my frende and loved me many yerys // wyth

all myne herte seyde sir Alysaundir I woll assente there

to // Than was the knyght sente fore and his name

was sir Geryne le grose and a none he made them

honde faste and wedded them Than cam quene Mor//

gan le fay to sir Alysaundir and bade hym a ryse and so

put hym in an horse lytter and so she gaff hym sucche

a drynke Þat of ·iij· dayes and ·iij· nyghtes he waked neuer

but slepte And so she brought hym to hir owne castell Þat

at that tyme was called la beale regarde Than Mor//

gan le fay com to sir Alysaundir and axed hym yf he wolde

fayne be hole Madame who wolde by syke & he myght

be hole // well seyde Morgan Than shall ye promyse me

by youre knyghthode that this ·xij· monthe & a day

ye shall nat passe the compace of this castell and ye

shall lyghtly be hole // I assente me seyde sir Alyaundir

And Þer he made hir a promyse and was sone hole And

whan sir Alysaundir was hole he repented hym of his

othe for he myght nat be revenged vppon kynge Mar//

ke Ryght so Þer cam a damesell that was Cousyn nyȝe

to the Erle of Pase and she was Cousyn also vnto

Morgan le fay and by ryght Þat castell of la beale regar//

de sholde haue bene hers by trew enherytaunce So

this damesell entyrd in to this castell where lay sir

Alysaundir and Þer she founde hym vppon his bedde pas//

synge hevy and all sad // Sir knyght seyde Þe damesell

f. 266 (X.38)


and ye wolde be myrry I cowde tell you good tydyngis

well were me seyde sir Alysaundir and I myght hyre of

good tydynges for now I stonde as a presonere be my pro//

myse Sir she seyde wyte you well that ye be a preso//

nere and wors than ye wene For my lady my Cousyn

quene Morgan kepyth you here for none oÞer entente

but for to do hir plesure whan hit lykyth hir // A Jhu

defende me seyde sir Alysaundir frome suche pleasure

for I had levir kut a way my hangers than I wolde do

her ony suche pleasure · As Jhu me helpe seyde Þe da//

mesell and ye wolde love me and be ruled by me I

shall make your delyueraunce with your worship Telle me now

by by what meane & ye shall haue my love Fayre knyȝt

sayde she this castell ought of ryght to be myne and I

haue an vncle is a myghty Erle And he is Erle of

the Pace And of all folkis he hatyth Morgan le fay

And I shall sende vnto hym & pray hym for my sake to

destroy this castell for the evyll customys that bene

vsed Þer in And than woll he com & sette fyre on euery parte

with wylde fyre & so shall I gete you at a prevy postren

and Þer shall ye haue your horse & youre harneis· Fayre

damesell ye sey passynge well And than may ye kepe

the rome of this castell this ·xij· monthe and a day

and than breke ye nat youre othe Truly fayre dame//

sell seyde sir Alysaundir ye say sothe And thn he kyssed hir

and ded to her plesaunce as hit pleased them bothe at

tymes and leysers · So a none she sente vnto hir vncle

and bade hym com to destroy that castell for as Þe booke

seyth he wolde haue destroyed Þat castell a fore tyme had

nat Þat damesell bene // whan Þe Erle vndirstode hir letteris

he sente her worde on suche a day he wolde com & destroy

f. 266v (X.38)


that castell So whan Þat day cam sir Alysaundir yode to a

postren where he sholde fle in to the gardyne And Þer he

sholde fynde his Armoure and his horse // So whan Þe

day cam that was sette thydir cam the Erle of Þe Pase

wyth ·iiij·C· knyghtes and sette on fyre on all the partyes of

the castell Þat or they seased they leffte nat one stone ston//

dynge And all this whyle that this fyre was in the

castell he a bode in the gardyne And whan Þe fyre

was done he let crye that he wolde kepe that pyce

of erthe Þer as the castell of la beale regarde was a

xij· monthe & a day frome all maner of knyghtes Þat wolde

com // So hit happed Þer was a Deuke Aunsyrns And he

was of Þe kynne of sir Launcelot And this knyght was a

grete pylgryme for euery thirde yere he wolde be at

Jeruslm and by cause he vsed all his lyff to go in pylgry//

mage men called hym Deuke Aunserns Þe pylgryme

And this Deuke had a doughter that hyght Alys that

was a passynge fayre woman and by cause of her

fadir she was called Alys le beall Pylgryme And a

none as she harde of this crye she wente vnto kyng

Arthurs and seyde opynly in hyrynge of many knyȝtes

that what knyght may ouer com that knyght Þat kepyth

the pyce of erthe shall haue me and all my londis whan

knyghtes of the rounde table harde hir sey thus many

of them were glad for she was passynge fayre and

ryche and of grete rentys Ryght so she lete crye in

castellys & townys as faste on her syde as sir Alysaun//

dir ded on his syde Than she dressed hir pavylion

streyte by the pyese of erthe that sir Alysaundir kepte

So she was nat so sone Þer but there cam a knyght of

kynge Arthurs courte that hyght sir Sagramour le

f. 267 (X.38-9)


desyrous And he profyrde to Juste wyth sir Alysaundir And

so they encountyrd and he bruse his speare vppon sir Aly//

saundir But sir Alysaundir smote hym so sore Þat he a voyded

his arson of his se sadyll to the erthe whan la beale Alys

sawe hym Juste so well she thought hym a passyng goodly

knyght on horse backe And than she lepe oute of hir pavylyon

and toke sir Alysaundir by Þe brydyll and thus she seyde fayre

knyght of thy knyghthode shew me thy vysayge That dare I

well seyde sir Alysaundir shew my vysayge And than he put of

his helme and whan she sawe his vysage she seyde a swete

fadir Jhu the I muste love and neuer othir Than shewe me youre

vysage seyde he And anone she vnwympeled her & whan he

sawe her he seyde a lorde Jhu here haue I founde my love and

my lady And there fore fayre lady I promyse you to be youre

knyght and none oÞer Þat beryth the lyff Now Jantyll knyghte

seyde she telle me youre name Madame my name is Sir

Alysaundir le orphelyne A sir seyde she syth ye lyst to know my

name wyte you well my name is Alys la beale pellaron And

whan we be more at oure hartys ease bothe ye & I shall telle

of what bloode we be com So there was grete love be twyxt

them and as they thus talked Þer cam a knyght that hyght sir

Harleuse le Berbuse and axed parte of sir Alysaundirs spearys

Than sir Alysaundir encountred with hym & at Þe fyrste sir Aly//

saundir smote hym ouer his horse croupe And than Þer cam a noÞer

knyght Þat hyght Hewgon and sir Alysaundir smote hym downe

as he ded that othir Than sir Hewgan profirde batayle on foote &

anone sir Alysaundir ouer threwe hym with in ·iij· strokys And Þan

he raced of his helme  Þer wolde haue slayne hym had ^he nat yel//

ded hym So than sir Alysaundir made bothe Þo knyghtes to swere

to were none armour of a xij· monthe and a day Than sir Aly//

saundir a lyght and wente to reste hym and to repose hym

f. 267v (X.39)


Than the damesell that halpe sir Alysaundir oute of Þe castell

in her play tolde Alys all to gydir how he was presonere in Þe

castell of la beall regarde and Þer she tolde her how she gate

hym oute of preson Sir seyde Alys la beall pillaron me se//

myth ye ar muche be holdynge to this mayden // That is

trouthe seyde sir Alysaundir And Þer Alys tolde of what bloode

she was com but seyde sir wyte you well Þat I am of the bloode

of kynge Ban than was fadir vnto sir Launcelot I wys fayre

lady seyde sir Alysaundir my modir tolde me my fadir was bro//

thir vnto a kynge And I am nye Cousyn vnto sir Trystram

So this meane whyle cam ·iij· knyghtes that one hyght sir

Vayns and Þater hyght Harvis le marchis and Þe thirde hyȝte

Peryne de lamountayne and with one speare sir Alysaundir

smote them downe all ·iij· and gaff them suche fallys Þat they

had no lyst to fyght vppon foote So he made them to swere

to were none armys of a ·xij· monthe So whan they were

departed Sir Alysaundir be hylde his lady Alys on horse bak as

she stoode in hir pavylion and than was he so enamered vppon

her Þat he wyst nat wheÞer he were on horse backe oÞer on foote

Ryght so cam the false knyght sir Mordred and sawe sir Alysaun//

dir was so a fonned vppon his lady And Þer with all he toke hys

horse by the brydyll and lad hym here and Þer & had caste to haue

lad hym oute of Þat place to haue shamed hym So whan the

damesell Þat halpe hym oute of Þat castell sawe how shamefully

he was lad Anone she lete arme her & sette a shylde vppon

her shuldir And Þer with she a mownted vppon his horse & gate

a naked swerde in hir honde and she threste vnto Alysaundir

with all hir myght and she gaff hym suche a buffet that hym

thought Þe fyre flowe oute of his yȝen // And whan sir Aly//

saundir felte Þat stroke he loked a boute hym and drew his

swerde And whan she sawe that she fledde & so ded sir Mordred

f. 268 (X.39-40)


in to the foreyste And the damesell fled in to the pavylyon

So whan sir Alysaundir vndirstood hym selff how the false

knyght wolde haue shamed hym had nat the damesell bene

than was he wroth with hym selff Þat sir Mordred had so ascaped

his hondis But than sir Alysaundir and his lady Alys had good

game at Þe damesell how sadly she smote hym vppon Þe helme

Than sir Alysaundir Justed thus day be day and on foote ded

many batayles with many knyghtes of kynge Arthurs courte

and with many knyghtes straungers that for to tell batayle by

batayle hit were ouer muche to reherse for euery day in that

xij· monthe he had to do wyth one knyght owÞer wyth an oÞer

And som day with ·iij· or ·iiij· And Þer was neuer knyght that put

hym to the warre And at the ·xij· monthes ende he departed

with his lady la beall pyllerowne And Þe damesell wolde neuer

go frome hym and so they wente in to Þer contrey of Benoy

& lyved Þer in grete Joy // But as the booke tellyth kynge Mar//

ke wolde neuer stynte tylle he had slayne hym by treson And by

Alis he gate a chylde that hyȝt Bellengerns le Beuse &

by good fortune he cam to the courte of kynge Arthure &

preved a good knyght and he revenged his fadirs deth for

this false kynge Marke slew bothe sir Trystram and Sir

Alysaundir falsely & felonsly And hit happed so Þat sir Alysaunder

had neuer grace ne fortune to com to kynge Arthurs courte

for and he had com to sir Launcelot all knyghtes seyde that

knew hym Þat he was one of the strengyste knyghtes that was

in his kynge Arthurs dayes and grete dole was made for

hym So lette we hym passe and turne we to a noÞer tale //

So hit be felle Þat sir Galahalte the haute prynce lorde of

Þe contrey of Surluse where of cam oute many good knyȝtes

And this noble prince was a passynge good man of Armys &

euer he hylde a noble felyship to gydirs and than he cam to

f. 268v (X.40-1)


kynge Arthurs courte & tolde hym his entente how this was

his wyll he had let cry a Justys in Þe contrey of Surluse

the whyche contrey was with in Þe bandis of kynge Arthure

and Þer he asked leve to crye a Justys I woll gyff you leve

seyde kynge Arthur But wyte you well I may not be

Þer my selff // Sir seyde quene Gwenyuer please hit you to

gyff me leve to be at that Justis wyth ryght a good wyll

seyde kynge Arthur for sir Galahalte the good prynce

shall haue ou in gouernaunce Sir as ye wyll so be hit

Than the quene seyde I woll take with me suche knyghtes

as lykyth me beste Do as ye lyste seyde kynge Arthure

So a none she commaunded sir Launcelot to make hym redy

with suche knyghtes as hym thought beste So in euery goode

towne & castell off this londe was made a crye that in

Þe contrey of Surluse Sir Galahalte shulde make a

Justis that sholde laste ·vij· dayes And how Þe hawte prince

with Þe helpe of quene Gwenyuers knyghtes sholde Juste a

gayne all maner of men that commyth whan this crye

was knowyn Kynges and prynces Deukes Erlys & Barow//

nes & noble knyghtes made them redy to be at Þat Justys

And at Þe day of Justenynge There cam in sir Dynadan

disgysed & ded many grete dedis of armys Than at Þe

requeste of quene Gwenyuer and of kynge Bagdema//

gus sir Launcelot com in to the thrange but he was

disgysed Þat was Þe cause Þat feaw folke knew hym And

there mette wyth hym sir Ector de marys his owne

broÞer & ayÞer brake Þer spearys vppon oÞer to Þer handis And Þan

aythir gate a noÞer speare And than sir Launcelot smote

downe sir Ector his owne broÞer That sawe sir Bleobe//

rys And he smote sir Launcelot vppon Þe helm suche

a buffet that he wyste nat well where he was // Þan




                         Syr Launcelot

f. 269 (X.41)


Sir Launcelot smote sir Bleoberys so sore vppon the

helme Þat his hed bowed downe bakwarde & he smote

hym efft a noÞer stroke & Þer with he a voyded his sadyll And so

he rode by & threste in a monge Þe thykkyst // whan the

kynge of North galys saw sir Ector and sir Bleoberys

ley on Þe groude han was he wrothe for they cam on

his party a gaynte gaynste them of Surluse So Þe kyng

of North galys ran vnto sir Launcelot and brake a

speare vppon hym all to pecis And Þer with sir Launcelot

ouer toke the kynge of North galys & smote hym such

a buffet on Þe helme with his swerde Þat he made hym to

a voyde Þe arson of his sadyll And a none Þe kynge

was horsed a gayne so kynge Bagdemagus and Þe kyng

of Northe galys aythir party hurled to oÞer And than be gan

a stronge medle but they of Northe galys were much

bygger than Þeer // So whan sir Launcelot saw his party

go so to the warre he thrange oute to the thyckyst with a

bygge swerde in his honde And Þer he smote downe on

the ryght honde & on the lyffte hond & pulled downe knyȝtes

and russhed of helmys that all men had wondir Þat euer

knyght myght do suche dedis of armys // whan sir Melly//

agaunce that was sonne vnto kynge Bagdemagus saw

how sir Launcelot fared And whan he vndirstood that hit

was he he wyste well that he was disgysed for his

sake Than sir Mellyagaunce prayde a knyght to sle Sir

Launcelotes horse oÞer with swerde or speare And at Þat tyme

kynge Bagdemagus mett with an oÞer knyght Þat hyght

Sanseyse a good knyght And sayde now fayre knyght sir

Sanseyse encountir with my sonne sir Mellyagaunce and

gyff hym layrge pay for I wolde that he were well

beatyn of thy hondis that he myght departe oute of this

f. 269v (X.41)


felyship And than sir Sanseyse encountyrd with sir Mellyagaunce

and aythir smote oÞer a downe And than they fought on foote

And Þer sir Sanseyse had wonne sir Mellyagaunce had there nat

com rescowys So than Þe haute prynce blewe to lodgynge

and euery knyght vnarmed hym & wente to the grete feyste

Than in Þe meane whyle Þer came a damesell to the haute

prynce and complayned Þat there was a knyght Þat hyght sir

Gonereyes that with hylde all her londis And so Þe knyght was

Þer presente and keste his glove to hir or to ony Þat wolde fyȝt

in hir name So the damesell toke vp the glove all hevyly for

Þe defaute of a champyon Than Þer cam a varlet to her & seyde

damesell woll ye do aftir me Full fayne seyde Þe damesell

Than go ye vnto suche a knyght Þat lyeth here be syde in an

Ermytage & Þat knyght folowyth Þe questynge beeste And pray

hym to take the batayle vppon hym & anone he woll graunte

you So anone she toke her palferey & with in a whyle she founde

that knyght whyche was called sir Palomydes And whan she

requyred hym he armed hym & rode with her and made her go

to Þe haute prynce & to aske leve for hir knyght to do batayle

I woll well seyde Þe haute prynce Than the knyghtes made

them redy and cam to Þe fylde to Juste on horse backe & aythir

gate a grete speare in his honde & so mette to gydirs so hard

Þat theire spearis all to shevird And a none they flange oute Þer

swerdis And sir Palomydes smote sir Gonereyse downe to the erthe

And than he raced of his helme & smote of his hede  Than they

wente to souper And this damesell loved sir Palomydes as her

paramour But Þe booke seyth she was of his kynne So than sir

Palomydes disgysed hym selff in this maner in his shylde he

bare the questynge beste and in all his trapours And whan

he was thus redy he sente to the haute prynce to gyff hym

leve to Juste with othir knyghtes but he was a douted of Syr

f. 270 (X.41-2)


Launcelot Than the haute prynce sente hym worde a gayne

Þat he sholde be well com And that sir Launcelot sholde nat Juste

wyth hym Than sirGalahalte the haute prynce lete cry Þat

what knyght som euer smote downe sir Palomydes sholde haue

his damesell to hym selff to his demaynes

HEre be gynnyth Þe secunde day And anone as sir Palo//

mydes cam in to the fylde Sir Galahalte the haute

prynce was at Þe Raunge ende & mette wyth sir Palomydes

and he with hym with ·ij· grete spearys & they cam so harde to gy//

dyrs Þat Þer spearys all to shevirde But sir Galahalte smote hym

so harde Þat he bare hym bakwarde ouer his horse but yet he loste

nat his styroppis Than they pulled oute Þer swerdis & laysshed

to gydirs many sad strokis that many worshypfull knyghtes

leffte Þer busynes to be holde them But at Þe laste sir Galahalte

smote a stroke of myght vnto sir Palomydes so sore vppon Þe

helme but Þe helme was so harde Þat Þe swerde myght nat byȝte

but slypped and smote of the hede of his horse But whan sir

Galahalte saw the good knyght sir Palomydes fall to Þe erthe

he was a shamed of Þat stroke And Þer with all he a lyght a downe of

his owne horse and prayde sir Palomydes to take that horse

of his gyffte and to for gyff hym that dede // Sir seyde sir Palo//

mydes I thanke you of youre grete goodnes for euer of a man

of worship a knyght shall neuer haue disworshyp And so he mown//

ted vppon Þat horse And Þe haute prynce had a noÞer horse a none

Now seyde Þe haute prynce I releace to you that maydyn for

I haue wonne her A sayde sir Palomydes Þe damesell & I be at

youre commaundement So they departed & sir Galahalte ded grete

dedis of armys And ryght so cam sir Dynadan and encoun//

tyrd wyth sir  Galahalte and aythir cam on oÞer so faste that Þer

spearys brake to there hondis But sir Dynadan had wente

the haute prynce had bene more weryar than he was And

f. 270v (X.42-3)


than he smote many sad strokes at Þe haute prynce But whan

sir Dynadan saw he myght nat gete hym to the erthe he

seyde my lorde I pray you leve me & take a nothir So the

haute prynce knew nat sir Dynadan but leffte hym goodly

for his fayre wordis And so they departed but a noÞer knyght Þer

cam & tolde Þe haute prynce that hit was sir Dynadan I

wys seyde Þe haute prynce Þer fore am I hevy Þat he is so asca//

ped fro me for with his mokkis & his Japys now shall I neuer

haue done with hym And than sir Galahalte rode faste aftyr

hym & bade hym a byde sir Dynadan for kynge Arthurs

sake Nay seyde sir Dynadan So god me helpe we mete no

more to gydyrs this day Than in Þat haste sir Galahalte mett

with sir Mellyagaunce and he smote hym so in Þe throte that

and he had fallyn his necke had be brokyn & with Þe same

speare he smote downe an othir knyght Than cam In

they of the Northe galys & many straungers with them &

were lyke to haue put them of Surluse to the worse for

sir Galahalte the haute prynce had ouer muche in honde

So Þer cam Þe good knyght sir Symounde the valyaunte with

xl· knyghtes & bete them all a backe Than quene Gwenyuer

and sir Launcelot let blow to lodgynge and euery knyght vnar//

med hym & dressed them to the feste // So whan sir Palomy//

des was vnarmed he axed lodgynge for hym selff and Þe

damesell And a none Þe haute prynce commaunded them to

lodgynge and he was nat so sone in his lodgynge but Þer

cam a knyght that hyȝt Archade he was brothir vnto Sir

Gomoryes that sir Palomydes slewe a fore in the dame//

sels quarell and this knyght Archede called sir Palomydes

traytoure & appeled hym for the deth of his broÞer By the

leve of the haute prynce seyde sir Palomydes I shall an//

swere the // whan sir Galahalte vndirstood there quarell


f. 271 (X.43-4)


he bade them go to the dyner And as sone as ye haue dyned

loke Þat aythir knyght be redy in Þe fylde So whan they had

dyned they were armed bothe and toke Þer horsys & Þe quene

and Þe prynce And sir Launcelot were sette to be holde them

And so they let ren Þer horsis And Þer sir Palomydes and Sir

Archade mette and he bare sir Archade on his speare ende

ouer his horse tayle And than sir Palomydes a lyȝt & drewe

his swerde but sir Archade myght nat a ryse And there sir

Palomydes raced of his helme and smote of his hede // Þan

the haute prynce and quene Gwenyuer went to souper Than

kynge Bagdemagus sente a way his sonne Mellyaga//

unce by cause sir Launcelot sholde nat mete with hym for he

hated sir Launcelot and that knewe he nat

NOw be gynnyth Þe thirde day of Justis And at that

day kynge Bagdemagus made hym redy and Þer

cam a gaynste hym kynge Marsyll that had in gyffte an

Ilonde of sir Galahalte the haute prynce And this Ilonde

was called Pomytayne Than hit be felle thus Þat kynge

Bagdemagus and kynge Marsyll of Pomytayne mett

to gydir wyth spearys And kynge Marsyll had suche a

buffet that he felle ouer his horse croupe Than cam Þer

in a knyght of kynge Marsyls to revenge his lorde

And kynge Bagdemagus smote hym downe horse and

man to the erthe So there came an erle that hyght sir

Arrowse and sir Breuse And an ·C· knyghtes wyth hem

of Pometaynes and the knyge of Northe galys was

with hem And all they were a gaynste them of Surluse

And than Þer be gan a grete batayle and many knyghtes

were caste vndir Þer horse fyete And euer kynge Bagde//

magus ded beste for he fyrste be gan and euer he was

lengyste that helde on But sir Gaherys Gawaynes

f. 271v (X.44)


broÞer smote euer at the face of kynge Bagdemagus and at

the laste he smote downe sir Gaherys horse & man And by

aventure sir Palomydes mette with sir Blamour de Ganys

broÞer vnto sir Bleoberys and ayÞer smote oÞer with grete spearis

that bothe horse and men felle to the erthe But sir Blamour

had all moste broke his necke for the blood braste oute

at Þe nose mowthe and earys Than cam in Deuke Cha//

lens of Clar^aunce and vndir his gouernaunce there cam

a knyght that hyght sir Elys la noyre and Þer encountyrd

with hym kynge Bagdemagus And he smote sir Elys that

he made hym to a voyde his arson of his sadyll So this

Deuke Chalence of Claraunce ded there grete dedis of

armys And so late as he cam In the thirde day Þer ded no

man so well excepte kynge Bagdemagus and Sir

Palomydes And Þe pryce was gyvyn that day vnto

kynge Bagdemagus and than they blew vnto lodgyng

and vnarmed them & wente to the feyste Ryght so cam

in sir Dynadan and mocked & Japed wyth kynge Bag//

demagus that all knyghtes lowȝe at hym for he was a

fyne Japer and lovynge vnto all good knyghtes So a

none as they had dyned Þer cam a varlet beerynge ·iiij·

spearys on his backe and he cam to sir Palomydes and

seyde thus here is a knyght by Þat hyght hath sente Þe choyse

of ·iiij· spearys & requyryth you for youre ladyes sake

to take that one halff of thes spearys and Juste with hym

in the fylde Telle hym seyde sir Palomydes I woll nat

fayle you So sir Galahalte seyde make you redy // So

quene Gwenyuer the haute prynce and sir Launcelot

they were sette in Scaffoldis Than sir Palomydes

and Þe straunge knyght ran to gydirs and brake there

spearys to Þer hondys And a none aythir of them toke a

f. 272 (X.44-5)


noÞer speare and shyvyrd them In pecis And than ayÞer toke

a gretter speare And than the knyght smote downe Sir

Palomydes horse and man and as he wolde haue passed

on hym the knyghtes horse stombeled & felle downe vppon

sir Palomydes Than they drewe theire swerdis & laysshed

to gydirs wondirly sore Than the haute prynce and sir

Launcelot seyde they saw neuer ·ij· knyghtes fyght bettir but euer

Þe straunge knyght doubled his strokys & put sir Palomy//

des a bak And there with all the haute prynce cryed whoo//

And than they wente to lodgynge And whan they were vn//

armed anone they knew hym for sir Lamerok And whan

Launcelot knew sir Lamerok he made muche of hym for of

all erthely men he loved hym beste excepte sir Trystram

Than quene Gwenyuer commaunded comended hym and

so did all good knyghtes made muche of hym excepte sir

Gawaynes brethirne Than quene Gwenyvir seyde

vnto sir Lameroke Sir I requyre you Þat and ye Juste ony

more that ye Juste wyth none of Þe blood of my lorde

kynge Arthure & so he promysed he wolde nat as at Þat tyme

HEre be gynnyth the ·iiij· day Than cam in to the

fylde Þe kynge with the ·C· knyghtes And all they of

Northe galys And Deuke Chalens of Claraunce And

kynge Marsyll of Pometayne And Þer cam sir Saphir

sir Palomydes broÞer and he tolde hym tydynges of hys

fadir and of his modir and his name was called an

Erle And so I appeled hym a fore Þe kynge for he made

warre vppon oure fadir and modir And there I slewe

hym in playne batayle So they ·ij· wente in to Þe fylde

And the damesell wyth hem And there cam to encounter

a gayne them Sir Bleoberys de ganys and sir Ector

de marys and sir Palomydes encountyrd wyth Sir

f. 272v (X.45)


Bleoberys and aythir smote oÞer downe in Þe same wyse

ded sir Saphir and sir Ector and tho ·ij· couplys ded batay//

le on foote Than cam in sir Lamerok and he encoun//

tyrd with the kynge of the C· knyghtes and smote hym

quyte ouer his horse tayle And in the same wyse he serued

the kynge of Northe galys And also he smote downe

kynge Marsyll And so or euer he stynte he smote downe

wyth his speare and with his swerde xxxti· knyghtys

whan Deuke Chalens saw sir Lamerok do so grete pro//

ves he wolde nat meddyll with hym for shame And than

he charged all his knyghtes In payne of deth Þat none

of you towche hym For hit were shame to all goode

knyghtes & that knyght were shamed Than Þe ·ij· kynges

gadirsd them to gydirs and all they sett vppon sir Lame//

roke and he fayled them nat but russhed here and

there and raced of many helmys that Þe haute prince

and quene Gwenyuer seyde they sawe neuer knyght do

suche dedis of armys on horse backe // Alas seyde

sir Launcelot to kynge Bagdemagus I woll arme

me and helpe sir Lamerok And I woll ryde wyth you

seyde kynge Bagdemagus And whan they ·ij were

horsed they cam to sir Lamerok that stood amonge xxxti·

knyghtes and well was hym that myght recche hym

a buffet and euer he smote a gayne myghtyly Than

cam there in to the pres sir Launcelot and he threwe

downe sir Mador de la porte And with Þe troncheon of

that speare he threwe downe many knyghtes & kynges

Bagdemagus smote on the lyffte honde and on Þe

ryght honde meruaylusly well And than tho iij· kynges

fledde a bak And Þer with all sir Galahalte lat blow to lod//

gynge And all herrowdis gaff sir Lamerok the pryce

f. 273 (X.45-6)


And all this whyle fought sir Palomydes and sir Bleoberys

And sir Safer and sir Ector on foote and neuer was Þer ·iiij· knyghtes

more evynner macched And anone they were departed and had

vnto Þer lodgynge and vnarmed and so they wente to Þe grete

feste But whan sir Lamerok was com vnto Þe courte quene

Gwenyuer enbraced hym in her armys and seyde sir well haue

ye done this day Than cam the haute prynce and he made

of hym grete Joy and so ded sir Dynadan for he wepte for

Joy But Þe Joy that sir Launcelot made of sir Lamerok Þer myght

no tonge telle Than they wente vnto reste and so on Þe morne

the haute prynce Sir Galahalte blew vnto the fylde

HEre be gynnyth the ·vth· day So hit be fell that Sir

Palomydes cam in the morne tyde and profyrde

to Juste there as kynge Arthur was in a castell Þer be sydys

Surluse & Þer encountyrd with hym a worshypfull Deuke that

hyght Adrawns and Þer sir Palomydes smote hym ouer his horse

croupyn And this Deuke was vncle vnto kynge Arthure

Than sir Elyce his sonne rode vnto sir Palomydes and so he

servid sir Elyse In the same wyse · whan sir Gawayne sawe

this he was wrothe Than he toke his horse and encountird

with sir Palomydes and sir Palomydes smote hym so harde that

he wente to the erthe horse and man and for to make a short

tale he smote downe his ·iij· breÞerne that is for to say Sir

Mordred sir Gaherys and sir Aggravayne A Jhu seyde kynge

Arthure this is a grete dispyte that suche a Saryson shall

smyte downe my blood And there with all kynge Arthure was

wrothe and thought to haue made hym redy to Juste That

aspyed sir Lamerok that kynge Arthure and his blood was

so discomfite And anone he was redy and axed sir Palomydes

if he wolde ony more Juste why sholde I nat Juste seyde Sir

Palomydes So they hurled to gydirs and brake Þer spearys &

f. 273v (X.46-7)


all to shyvird them that all the castell range of Þer dyntys // Þan

aythir gate a gretter speare and they cam so fyersly to gydir Þat

sir Palomydes speare brake & sir Lamerokes hylde and Þer wyth all

sir Palomydes loste his spurrys and so he lay vp ryght on his

horse backe But sir Palomydes recouerde a gayne and toke

his damesell and so sir Saffir and he went Þer way So whan

he was departed Þe kynge cam to sir Lamerok and thankyd hym

of his goodnes and prayde hym to tell hym his name Syr

seyde sir Lamerok wyte you well I owȝe you my seruyse but as

at this tyme I woll nat a byde here for I se off myne enemy//

es many a boute you Alas seyde kynge Arthure nowe wote

I well hit is sir Lamerok de galys // A sir Lamerok a byde wyth me

and be my crowne I shall neuer fayle the And nat so hardy in sir

Gawaynes hede nothir none of his breÞerne to do the wronge

Sir grete wronge haue they done me and you bothe That

is trouthe seyde kynge Arthur for they slew Þer owne modir

my sistir hit had bene muche fayrer and bettir that ye hadde

wedded her for ye ar a kynges sonne as well as they // A Jhu

mercy seyde sir Lamerok her deth shall I neuer for gete And if hit

were nat at Þe reuerence of youre hyȝnes I sholde be revenged

vppon sir Gawayne and his breÞerne Truly seyde kynge Arthour

I woll make you at a corde // Sir seyde sir Lamerok as at this

tyme I may nat a byde with you for I muste to the Justis where

is sir Launcelot and the haute prynce sir Galahalte So there

was a damesell Þat was doughtir vnto kynge Bandas and Þer

was a Saraȝen that hyght sir Corsabryne & he loved

the damesell And in no wye he wolde suffir her to be maryed

for euer this Corsabryne moysed her and named her Þat she was

oute of her mynde And thus he lette her that she myght nat

be maryed // So by fortune this damesell harde telle that sir

Palomydes ded muche for damesels And anone she sente hym

f. 274 (X.47)


a pensell and prayde hym to fyght with sir Corsabroyne for her

love And he sholde haue her and all her londis and of her fa//

dirs that sholde falle aftir hym Than the damesell sente vnto

sir Corsabryne and bade hym go vnto sir Palomydes Þat was

a paynym as well as he and she gaff hym warnynge Þat she

had sente hym her pensell And yf he myght ouer com sir Palo//

mydes she wolde wedde hym // whan sir Corsabryne wyste of

her dedis Than was he wood wrothe And anone he rode vn//

to Surluse where the haute prynce And Þer he founde Sir

Palomydes redy the whyche had Þe pensell And so Þer they

waged batayle aythir with othir a fore sir Galahalte well seyde

the haute prynce this day muste noble knyghtes Juste And

at aftir dyner we shall se how ye can do than they blew to

Justys and in cam sir Dynadan and mette with sir Geryne a

good knyght and he threw hym downe ouer his horse croupen

And sir Dynadan ouer threw ·iiij· knyghtes mo And Þer he dede grete

dedis of Armys for he was a good knyght but he was a grete

skoffer and a gaper and Þe meryste knyght a monge felyship

that was that tyme lyvynge And he loved euery good knyght

and euery good knyght loved hym So whan the haute prynce

saw sir Dynadan do so well he sente vnto sir Launcelot and bade

hym stryke hym a downe and so brynge hym a fore me and

quene Gwenyuer Than sir Launcelot ded as he was requyred

Than cam sir Launcelot and smote downe many knyghtes &

and raced of helmys and droff all Þe knyghtes a fore hym

And sir Launcelot smote a downe sir Dynadan and made his

men to vnarme hym And so brought hym to the quene

And ^tho to the haute prynce lowȝe at sir Dynadan that they

myght nat stonde well seyde sir Dynadan yet haue I no

shame for the olde shrew sir Launcelot smote me downe so

they wente to dyner all the courte and had grete disporte

f. 274v (X.47)


as sir Dynadan So whan Þe dyner was done they blew to Þe

fylde to be holde sir Palomydes and sir Corsabryne Syr

Palomydes pyght his pensell in myddys of Þe fylde &

than they hurled to gydirs with her spearys as hit were

thundir And they smote aythir oÞer to the erthe And than

they pulled oute there swerdis & dressed Þer shyldis and

laysshed to gydirs myghtyly as myghty knyghtes Þat well

nyȝe Þer was no pyse of harneyse wolde holde them for

this Corsabryne was a passynge felownse knyght // Than

Corsabryne seyde sir Palomydes wolt Þou release me

yondir damesell and the pensell // Than was he wrothe

oute of mesure And gaff sir Palomydes suche a buffet Þat

he kneled on his kne Than sir Palomydes arose lyghtly

and smote hym vppon the helme Þat he felle vp ryght to Þe

erthe And Þer with all he raced of his helme & seyde yelde

Þe Corsabryne or Þou shalt dye // Fye on the seyde Sir

Corsabryne and do thy warste Than he smote of his

hede and there with all cam a stynke of his body whan

the soule departed that Þer myght no body a byde the savoure

So was the corpus had a way & buryed in a wood by

cause he was a paymym Than they blew vnto lodgyng

and sir Palomydes was vnarmed Than he wente vnto

quene Gwenyuer to the haute prynce and to sir Launcelot

Sir seyde the haute prynce here haue ye seyne this day

a grete myracle by Corsabryne what savoure was the//

re whan the soule departed frome the body There fore we

all requyre you to take the baptyme vppon you And Þan

all knyghtes woll sette the more be you // Sir seyde sir

Palomydes I woll that ye all knowe that in to this londe

I cam to be crystyned and in my harte I am crystynde

f. 275 (X. 47-8)


and crystynde woll I be · But I haue made suche a vowe Þat I

may nat be crystynde tyll I haue done vij· trewe bataylis

for Jhus sake And than woll I be crystynde And I truste that

god woll take myne entente for I meane truly Than sir

Palomydes prayde quene Gwenyuer And Þe haute prynce

And so he ded bothe sir Launcelot and sir Lamerok and many

er good knyghtes So on the morne they herde Þer masse &

blewe to the And Þan many worshipfull knyȝtes made Þem redy

HEre be gynnyth the vj· day Than cam Þer in sir

Gaherys and Þer encountyrd with hym sir Ossayse of

Surluse and sir Gaherys smote hym ouer his horse croupe

And than ayÞer party encountyrd with othir and Þer were many

knyghtes caste vndir fyete So Þer cam in sir Darnarde and

sir Agglovale that were breÞerne vnto sir Lamerok and they

mette wither ij· knyghtes and aythir smote oÞer so harde that

all ·iiij· knyghtes and horsis fell to the erthe // whan sir

Lamerok saw his ij· breÞerne downe he was wrothe oute

of mesure And than he gate a grete speare in his honde

and Þer with all he smote downe ·iiiij· good knyghtes & than

his speare brake // Then he pulled oute his swerde and

smote a boute hym on the ryght honde and on the lyffte

honde and raced of helmys and pulled downe knyghtes

that all men mervayled of suche dedis of armys as he

ded for he fared so that many knyghtes fledde // Than he

horsed his breÞerne a gayne and sayde breÞerne ye ought

to be a shamed to falle so of your horsis · what is a knyght

but whan he is on horse backe · For I sette nat by a

knyght whan he is on foote for all batayles on foote

ar but pyllours in batayles for Þer sholde no knyght fyȝte

on foote but yf hit were for treson or ellys he were

dryvyn by forse to fyght on foote There fore breÞerne

f. 275v (X.48)


sytte faste in your sadyls or ellys fyght neuer more a fore me

So with that cam in Þe Deuke Chalence of Claraunce And

Þer encountyrd with hym Þe Erle of Vlbawys of Surluse and

aythir of hem smote oÞer downe Than the knyghtes of bothe party//

es horsed Þer lordis a gayne for sir Ector and sir Bleoberys

were on foote waytynge on the Deuke Chalence And Þe

kynge with the C· knyghtes was with the Erle of Vlbawes So

wyth Þat cam Sir Gaherys and laysshed to the kynge wyth

the C· knyghtes And he to hym a gayne Than cam Þe deuke

Chalence and departed them So they blew to lodgynge and Þe

knyghtes vnarmed them and drewe them to there dyner &

at the myddys of his dynar · In cam sir Dynadan and be gan

to rayle And than he be helde the haute prynce Þat hym semed

wrothe with som faute Þat he sawe for he had a condission Þat he

loved no fysshe and by cause was served with fysshe and hated

hit Þer fore he was nat myrry // And whan sir Dynadan

had a spyed Þe haute prynce he a spyed where was a fysshe

with a grete hede And anone that he gate be twyxte ·ij disshis

and serued Þe haute prynce with that fysshe And than he sayde

thus Sir Galahalte well may I lykkyn you to a wolff for he

woll neuer ete fysshe but fleysshe And a none Þe haute prynce

lowȝe at his w ordis // well well seyde sirDynadan to sir

Launcelot what devyll do ye in this contrey for here may

no mean knyghtes wynne no worship for the // I ensure

the sir Dynadan seyde sir Launcelot I shall no more mete with

the noÞer with thy grete speare for I may nat sytte in my sadyll

whan thy speare hittyth me And I be happy I shall be ware

of thy boyteous body that Þou beryst // well seyde sir Launcelot

ake good wacche // Ouer god for bode Þat euer we mete but hit

be at a dysshe of mete Than lowȝe the quene and Þe haute

prynce that they myght nat sytte at Þer table And thus they

f. 276 (X.48-9)


made grete Joy tyll on the morne And than they harde masse

and blew to the fylde And quene Gwenyuer and all astatys

were sette as Jouges armed clene with Þer shyldisto kepe Þe ryghtes

NOw be gynnyth Þe vij· batayle here cam in Þe Deuke

Cambynes and Þer encountyrd with hym sir Arystraunce

that was cownted a good knyght And they mette so harde that

aythir bare oÞer a downe horse and man Than there cam in

the Erle Lambayle and halpe the Deuke a gayne to horse

backe Than Þer cam in sir Ossayse of Surluse and he smote Þe

Erle Lambayle downe frome his horse And so they be gan grete

dedis of armys and many spearys were brokyn and many

knyghtes were caste to the erthe Than the kynge of Northe

galys and the Erle Vlbawes smote to gydyrs Þat all Þe Jouges

thought hit was mortall deth This meane whyle quene

Gwenyuer and the haute prynce and sir Launcelot made Þer sir

Dynadan to make hym redy to Juste I woll seyde sir Dyna//

dan ryde in to the fylde but than ojof one of you twayne

woll mete with me Perdens seyde the haute prynce and Sir

Launcelot ye me se how we sytte here as Jouges with oure

shyldis And all way may ye be holde where we sytte here

or nat // So sir Dynadan departed and toke his horse & mette

with many knyghtes and ded passyngly well And as he was depar//

ted Sir Launcelot disgysed hym selff and put vppon his armour

a maydyns garmente freysshely attyred // Than sir Launcelot

made sir Galyhodyn to lede hym thorow the raunge And all

men had wondir what damesell was that And so as sir Dyna//

dan cam in to the raunge sir Launcelot that was in Þe dame//

sels a ray gate sir Galyodyns speare & ran vnto sir Dyna//

dan And all wayes he loke vp there as sir Launcelot was

And than he sawe one sytte in the stede of sir launcelot Armed

But whan sir Dynadan saw a maner of a damesell he dradde


f. 276v (X.49)


perellys lest hit sholde be sir Launcelot disgysed But sir Launcelot

cam on hym so faste that he smote sir Dynadan ouer his horse

croupe And anone grete coystrons gate sir Dynadan and

in to the foreyste there be syde and there they dispoyled hym

vnto his sherte and put vppon hym a womans garmente

and so brought hym in to fylde and so the blew vnto lodgyng

And euery knyght wente and vnarmed them // And than was

sir Dynadan brought in a monge them all And whan

quene Gwenyuer sawe sir Dynadan I brought in so a mon//

ge them all than she lowȝe that she fell downe And so dede

all that Þer was // well seyde sir Dynadan sir Launcelot Þou

arte so false Þat I can neuer be ware of the // Than by all Þe

assente they gaff sir Launcelot the pryce the next was sir

Lameroke de galys And the thirde was sir Palomydes

The iiij· was kynge Bagdemagus So thes iiij· knyghtes

had Þe pryce And there was grete Joy and grete nobelay in

all the courte And on the morne quene Gwenyuer and Sir

Launcelot departed vnto kynge Arthur But In no wyse Sir

Lamerok wlode nat go wyth them // Sir I shall vndir take

seyde Sir Launcelot that and ye woll go wyth vs knyge

Arthure shall charge sir Gawayne and his breÞerne neuer to do

you hurte // As for that sayde sir Lamerok I wol nat truste to

sir Gawayne noÞer none of his breÞerne And wyte you well sir

Lamerok and hit were nat for my lorde kynge Arthurs

sake I shulde macche sir Gawayne and his breÞerne well I nowȝe

Bur for to sey that I shall truste them that shall I neuer and

Þer I pray you recommaunde me vnto kynge Arthure and all my

lordys of the rounde table And in what place that euer I com

I shall do you all seruyse to my power And Þer yet hit is but late

that I revenged them whan they were put to the by sir Palo//

mydes Tha sir Lameroke departed from sir Launcelot and all




                                        The felyship

f. 277 (X.49-50)


the felyship and aythir of them wepte at her departynge


NOw turne we fro^m this mater and speke of sir Trystram

of whom this booke is pryncipall off and leve we the

kynge and the quene and sir Launcelot and sir Lamerok // And here

be gynnyth the treson of kynge Marke that he ordayned a gayne

sir Trystram And Þer was cryed by the costys of Cornwayle a grete

turnemente and Justus and all was done by sir Galahalt Þe haute

prynce and kynge Bagdemagus to the entente to sle Syr

Launcelot oÞer ellys vttirlyto destroy hym and shame hym by cau//

se sir Launcelot had euer more the hyȝer degre // There fore this prince

and this kng kynge made this Justys a yenst sir Launcelot And thus

her counceyle was discouerde vnto kynge Marke where of he was

glad Than cam kynge Marke vn be thought hym that he wolde

haue sir Trystram vnto the turnemente disgysed that no man

sholde knowe hym to that entente that the haute prynce sholde

wene that sir Trystram were sir Launcelot And so at that Justys cam

In sir Trystram And at that tyme sir Launcelot was not there //

But whan they sawe a knyght disgysed do suche dedis of armys

they wente hit had bene sir Launcelot And in especiall kynge Mar//

ke seyde hit was sir Launcelot playnly Than the sette vppon

hym bothe kynge Bagdemagus and the haute prynce and

there knyghtes seyde that hit was wondir that euer sir Trystram

myght endure that payne Not wythstondnge for all Þe payne

that they ded hym he wan the degre at that turnemente and

there he hurte many knyghtes and brused them wondirly sore

So whan the Justys was all done they knewe well that he

was sir Trystam de lyones And all they that were on kynge

Markis party were glad that sir Trystram was hurte And all

the remenaunte were sory of his hurte // For sir Trystrams

was nat so be hated as was sir Launcelot nat wyth in Þe realme

f. 277v (X.50)


of Ingelonde Than cam kynge Marke vnto sir Trystrams

and sayde fayre nevew I am hevy of your hurtys // Gramercy

my lorde seyde sir Trystram Than kynge Marke made hym

to be put in an horse letter in grete tokenynge of love And

sayde fayre Cousyne I shall your leche my selff and so he rode

forth wyth sir Trystram and brought hym In to a castell by

day lyght And than kynge Marke made sir Trystram to ete

And aftir that he gaff hym a drynke And a none as he hadde

drunke he fell on slepe And whan hit was nyght he made

hym to be caryed to a noÞer castell and there he put hym in a

stronge preson // And a man and a woman to gyff hym his

mete and his drynke So there he was a grete whyle //

Than was sir Trystram myssed and no creature wyst where

he was be cam // And whan la beall Isode harde how he was

myste pryvayly she wente vnto sir Sadocke and prayde hym

to aspye where was sir Trystram And whan sir Sadocke knew

how sir Trystram was myste he sought and made spyes for hym

And than he aspyed that kynge Marke had put the good knyght

in preson by his owne assente and the traytoure of Magonus

Than sir Sadocke toke with hym too of his Cousyns And he layde

them and hym self anone in a bushemente faste by the castell

of Tyntagyll in armys And as by fortune there cam rydyng

kynge Marke and ·iiij· of his nevewys and a sertayne of the

traytoures of Magonus // So whan sir Sadocke aspyed them

he brake oute of bushemente and sette there vppon them // And

whan Þat kynge Marke aspyed sir Sadocke he fledde as faste as

he myght And there sir Sadocke slew all the ·iiij· nevewys of

kynge Marke his Cousyns But thes traytoures of Magonus

smote one of sir Sadockes Cousyns a grete wounde in Þe necke

But sir Sadocke smote oÞer twayne to the deth Than sir Sadocke

rode vppon his way vnto the castell that was called Lyonas &

f. 278 (X.50-1)


there he a spyde of the treson and felony of kynge Marke So off

that castell they rode wyth sir Sadoke tyll they cam to a castel·

that hyȝt Arbray And there in the towne they founde sir Dynas

the Senesciall that was a good knyght // But whan sir Sadock

had tolde sir Dynas of all the treson of kynge Marke Than he

defyed suche a kynge And seyde he wolde gyff vp all his londis

that hylde of hym And whan he seyde thes wordis all maner

knyghtes seyde as sir Sadocke Dynas sayde // Than by his ad//

vyse and of sir Sadockes he let stuff all the townys & castels

wyth in the contrey of Lyones & assemble all that they cowde


NOw turne vnto kynge Marke that was whan he was

ascaped from sir Sadocke he rode vnto the castell of

Tyntagyll and there he made a grete cry and noyse and cryed vn//

to harneyse all that myght bere armys Than they sought and

founde where was dede ·iiij· Cousyns of kynge Marke and the

traytoure of Magonus Than the kynge lette entyre them in a

chapell Than kynge Marke lette cry in all the contrey Þat hylde

of hym to go vnto armys for he vndirstood that to the warre

he muste nedis // So whan kynge Marke harde & vndirstood

how sir Dynas and sir Sadok were a rysyn in the contrey of

lyones he remendird of treson and wyeles And so thus he ded

lete make and countirfete lettirs from the Pope and dede

make a straunge clarke to brynge Þo lettyrs vnto kynge Mra//

ke The whyche lettyrs specifyed that kynge Marke sholde ma//

ke hym redy vppon payne of Cursynge wyth his oste to com

to the Pope to helpe hym to go to Jeruslm for to make warre vp//

pon the Saresyns // So whan this clarke was com by Þe meane

of the kynge Anone Þer wyth kynge Mrake sente that clarke vn//

to sir Trystram and bade hym sey thus that and he wolde go warre

vppon the myscreauntes he sholde go oute of preson and haue all

f. 278v (X.51)


his power with hym // whan sir Trystram vndirstood this lettir than

he sayde thus to the clerke // A kynge Marke euer haste Þou bene

a traytoure and euer wolt be But Þou clerke seyde sir Trystram

Sey Þou thus vnto kynge Marke Syne the Pope hath sente for

hym bid hym go thidir hym selff for telle hym traytoure kynge

as he is I woll nat go at his commaundemente gete oute of preson

as well as I may for I se I am well rewarded for my trewe

seruyse // Than the Clarke returned a gayne vnto kynge Mark

and tolde hym of the answere of sir Trystram well seyde kynge

Marke yet shall he be be gyled And anone he wente vnto hys

chambir and countirfeted lettyrs specifyed that the Pope desy//

red sir Trystram to com hym self to make warre vppon Þe mys//

screauntes // So whan the clerke cam a gayne vnto sir Trystram

and toke hym thes lettyrs he a spyed them they were of kynge

Markes countirfetynge And sayde a kynge Marke false hast Þou

euer bene and so wolt Þou ende // Than the Clarke departed frome

sir Trystram and cam vnto kynge Marke a gayne And so by Þan

there was com ·iiij· wounded knyghtes with in the castell of Tynta//

gyll and one of them his necke was nyȝe brokyn in twayne

And a noÞer had his arme nyȝe strykyn a way The thirde was

boren thorow with a speare The fourthe had his thyghe stryken

in twayne // And whan they cam a fore kynge Marke they cryed

and sayde kynge why flesyte Þou nat for all this contrey ys

clyerly arysen a yenste the Than was kynge Marke wrothe

oute of mesure And so in the meane whyle there cam in to the

contrey sir Percivale de Galys to seke aftir sir Trystram And

whan sir Percivale harde that sir Trystram was in preson he

made clerly the delyueraunce of hym by his knyghtly meanys

And whan he was so delyuerde he made grete Joy of sir Percivale

and so ded echone of oÞer // Than sir Trystram seyde vnto sir Per//

civale and ye woll a byde in this marchis I woll ryde with you

f. 279 (X.51)


Nay seyde sir Percivale In thes contreyes I may nat tary for

I muste nedis in to wales So sir Percivale departed frome Sir

Trystram and streyte he rode vnto kynge Marke and tolde hym

how he had delyueredsir Trystram And also he tolde Þe kynge that he

had done hym selff grete shame for to preson sir Trystram so for

he is now the knyght of moste reverence in the worlde lyvynge

and wyte you well that the noblyste knyghtes of the worlde lo//

vyth sir Trystram and yf he woll make warre vppon you ye may

nat a byde hit // That is trouthe seyde kynge Marke But I may

nat love sir Trystram by cause he lovyth my quene la beall Isoe

A fy for shame seyde sir Percivale sey ye neuer so more for ar nat

ye vncle vnto sir Trystram and by youre neveaw ye sholde neuer

thynke that so noble a knyght as sir Trystram is that he wolde

do hym selff so grete vylany to holde his vnclys wyff how be hit

seyde sir Percivale he may love youre quene synles be cause she is

called one of the fayryst ladyes of the worlde Than sir Percivale

departed frome kynge Marke but yet he be thought hym of more

treson Not withstondynge he graunted vnto sir Percivale neuer by no

maner of meanys to hurte sir Trystram So anone kynge Marke

sente vnto sir Dynas the senesciall that he sholde put downe

all the people that he had raysed for he sente hym an othe that

he wolde go hym seff vnto the Pope of Rome to warre vppon

the myscreauntes and I trow that is fayrer warre than thus

to a reyse people a gaynste youre kynge And anone as Sir

Dynas vndirstood ta he wolde go vppon the myscreauntys

Than sir Dynas in all the haste that myght be he putte

downe all his people And whan the people were departed

euery man to his home // Than kynge Marke aspyed where

was sir Trystram wyth la beall Isode and there by treson

kynge Marke lete take hym and put hym in preson contrary

to his promyse that he made vnto sir Perciv Percivale // whan

f. 279v (X.51-2)


quene Isode vndirstode that sir Trystram was in preson a

gayne she made grete sorow as euer made lady or Jantyll

woman Than sir Trystram sente a lettir vnto la beall Isode

^prayde                        and ^ hir to be his good lady and sayde yf hit pleased her to ma//

ke a vessell redy for her and hym and he wolde go wyth her

vnto the realme of logrys that is this londe // whan la beall

Isode vndirstod sir Trystrams and his entente she sente hym an

er and bade hym be of good comforte for she wolde do make

the vessell redy and all maner of thynge to purpose Than la

beall Isode sente vnto sir Dynas and to sir Sadok and prayde

hem in ony wyse to take kynge Marke and put hym in pres//

son vnto the tyme that she and sir Trystram were departed

vnto the Realme of Logrys // whan sir Dynas the senesciall

vndirstood the treson of kynge Marke he promysed her to do

her commaundemente and sente her worde a gayne Þat kynge

Marke sholde be put in preson And so as they devysed hit was

done And than sir Trystram was delyuerde oute of preson And

anone in all haste quene Isode and sir Trystram wente &

toke there counceyle and so they toke wyth them what

them lyste beste and so they departed

Than la beall Isode and sir Trystram toke Þer vessell and

cam by watir in to this londe and so they were nat

iiij·dayes in this londe but Þer was made a crye of a Justys

and turnement that kynge Arthure let make // whan Sir

Trystram harde tell of that turnement he disgysed hym

selff and la beall Isode and rode vnto that turnemente And

whan he cam there he sawe many knyghtes Juste & turney

And so sir Trystram dressed hym to the raunge and to make

shorte conclusyon he ouer threwe ·xiiij· knyghtes of the rounde

table // whan sir Launcelot saw thes knyghtes of the rounde

table thus ouer throwe he dressed hym to sir Trystram // And 

f. 280 (X.52)


that sawe la beall Isode how sir Launcelot was commyn in to

the fylde Than she sente vnto sir Launcelot a rynge to lat

hym wete hit was sir Trystram de lyones // whan sir Launce//

lot vndirstood that he was sir Trystram he was full glad &

wolde nat Juste And than sir Launcelot aspyed whydir Syr

Trystram yeode and aftir hym he rode And than aythir made

grete Joy of oÞer And so sir Launcelot brought sir Trystram and

Isode vnto Joyus garde that was his owne castell and he

had wonne hit with hit wi his owne hondis And there Sir

Launcelot put them in to welde hit for Þer owne // And wyte

you well that castell was garnysshed and furnysshed for a

kynge and a quene Royall there to haue suggeourned And sir

Launcelot charged all his people to honoure them and love

them as they wolde do hym selff // So sir Launcelot departed vnto

kynge Arthure And than he tolde quene Gwenyuer how he Þat

Justed so well at the laste turnemente was sir Trystram

And Þer he tolde her how that he had with hym la beall Isode ma//

gre kynge Marke and so quene Gwenyvere tolde all this to

kynge Arthure and whan kynge Arthure wyste Þat sir Trystram

was a spyed scaped and commyn from kynge Marke and had

brought  la beall Isode with hym Than was he passyng glad

So by cause of sir Trystram kynge Arthure let make a cry

that on may day shulde be a Justis by fore the castell of Lone//

ȝep and that castell was faste by Joyus garde // And thus kyng

Arthure devysed that all the knyghtes of this londe of Co^rnway//

le and of North walys shulde Juste a yenste all thes contrey//

is Irelonde & Scotlonde and the remenaunte of walys And

the contrey of Goore and Surluse and of Lystenoyse and

they of Norhumbirlonde and all those that hylde londis

of kynge Arthurs a this halff the se // So whan this crye

was made many knyghtes were glad and many were sad

f. 280v (X.52-3)


Sir seyde sir Launcelot vnto kynge Arthure by this cry that

ye haue made ye woll put vs that bene a boute you in

grete Jouparte for Þer be many knyghtes that hath envy to

vs // There fore whan we shall mete at the day of Jus//

tis there woll be harde skyffte for vs // As for Þat seyde

kynge Arthure I care nat there shall we preve whoo

shall be beste of his hondis // So whan sir Launcelot vndir//

stood where fore kynge Arthure made this Justenynge

Than he made suche purvyaunce that la beall Isode

sholde be holde the Justis in a secrete place that was ho//

neste for her astate // Now turne we vnto sir Trystram

and to la beall Isode how they made Joy to gydyrs dayly with

all maner of myrthis that they coude devyse And euery day

sir Trystram wolde go ryde an huntynge for he was called

that tyme the chyeff chacer of the worlde and the noblyst

blower of an horne of all maner of mesures For as bookis

reporte of sir Trystram cam all the good termys of venery

and of huntynge and all the syses & mesure of all blowyng

wyth an horne And of hym we had fyrst all the termys

of hawkynge And whyche were bestis of Chace & bestis

of venery and whyche were vermyns And all Þe blastis

that longed to all maner of game Fyrste to the vncoupelyn//

ge to the sekynge to the fyndynge to the rechace to the

flyght to the deth and to strake and many oÞer blastis and

termys that all maner Jantylmen hath cause to the worldes

ende to prayse sir Trystram and to pray for his soule Amen

sayde Sir Thomas Malleore // So on a day la beall Isode

seyde vnto sir Trystram I mervayle me muche Þat ye remem//

bir nat youre selff how ye be here in a straunge contrey

and here be many perelous knyghtes And well ye wote that

kynge Marke is full of treson and that ye woll ryde thus

f. 281 (X.53)


to chace and to hunte vnarmed ye myght be sone destroyed //

My fayre lady and my love mercy I woll no more do so So

than sir Trystram rode dayly an huntynge armed and his

men berynge his shylde and his speare // So on a day alytil

a fore the moneth o may sir Trystram chaced an harte pas//

synge egirly And so the harte passed by a fayre welle // And

than sir Trystram a lyght and put of his helme to drynke

of that burbely well And ryght so he harde and sawe the

questynge beste commynge towarde the welle // So whan sir

Trystram saw that beste he put on his helme for he demed

he sholde hyre of sir Palomydes for that beste was hys

queste // Ryght so sir Trystram saw where cam a knyghte

armed vppon a noble courser and so he salewed hym // So

they spake of many thynges and this knyghtes name was sir

Brewnys saunȝe pite And so anone with that Þer cam vnto Þem

sir Palomydes and aythir salewed oÞer and spake fayre to oÞer

Now fayre knyghtes seyde sir Palomydes I can tell you ty//

dynges // what is that seyde the knyghtes // Sirris wyte you

well that kynge Marke of Cornwayle is put in preson by

his owne knyghtes And all was for the love of sir Trystram

for kynge Marke had put sir Trystram twyse in preson &

onys sir Percivale delyuerde hym And at the laste tyme la beall

Isode delyuerde sir Trystram and wente clyerly a way wyth

hym in to this realme And all this whyle kynge Marke

is in preson and this be trouthe seyde sir Palomydes we

shall hyre hastely of sir Trystram And as for to say that I

love la beall Isode paramoures I dare make good that I do

and that she hath my seruyse a bovyn all oÞer ladyes & shall

haue all the terme of my lyff //And ryght so as they stoode

thus talkynge they sawe a fore them where cam a knyght

all armed on a grete horse and his one man bare hys

f. 281v (X.53)


shylde and the othir his speare And anone as that knyght aspied

hym he gate his shylde and his speare and dressed hym to Juste

Now fayre felowys seyde sir Trystram yondir ys a knyghte

woll Juste wyth vs now lette vs se whyche of vs shall encoun//

tir wyth hym for I se well he is of the courte of kynge Arthur

hit shall nat be longe ar he be m^ette wyth all seyde sir Palomydes

for I fynde neuer no knyght in my queste of this glatissynge beste

but and he wolde Juste I neuer yet refused hym Sir as well may

I seyde sir Brewnes saunȝ pite folow that beste as ye Than shall

ye do batayle wyth me seyde sir Palomydes So sir Palomydes

dressed hym vnto that othir knyght whyche hyght sir Bleoberes

that was a noble knyght and nyȝ kynne vnto sir Launcelot And so

they mette so harde That sir Palomydes felle to the erthe horse

and man Than sir Bleoberys cryed a lowde and seyde thus ma//

be redy Þou false traytoure knyght sir Brewnys saunȝe pite

for I woll haue a do wyth the to the vttraunce for the noble

knyghtes and ladyes that Þou haste be trayde // whan sir Brew//

nys harde hym sey so he toke his horse by the brydyll & fledde

his way // whan sir Bleoberys saw hym fle he felowed faste after

thorow thycke and thorow thynne And by fortune as sir Brew//

nys fled he saw evyn a fore hym ·iij· knyghtes of the table rounde

that one hyght sir Ector de marys and the othir hyght sir Percivale

de galys The thirde hyght sir Harry de fyȝe lake a good knyght

and an hardy And as for sir Percivale he was called that tyme as

of his ayge one of the beste knyghtes of the worlde and Þe beste

assured So whan sir Brewnys saw these knyghtes he rode strayte

vnto them and cryed & prayde them of rescowys // what nede

haue ye seyde sir Ector A fayre knyghtes seyde sir Brewnys here fo//

lowyth me the moste traytour knyght and the moste Coward and

moste of vylany and his name is sir Brewnys saunȝe pite and

if he may gete me he woll sle me wyth oute mercy and pyte

f. 282 (X.53)


Than a byde ye with vs seyde sir Percivale and we shall warraunte

And a none were they ware of sir Bleoberys whyche cam rydyng

all that he myght Than sir Ector put hym selff fyrste forthe to

Juste a fore them all // And whan sir Bleoberys saw that they were

iiij· knyghtes and he but hym selff he stoode in a dwere whethir he

wolde turne oÞer holde his way // Than he seyde to hym selff I am

a knyght of the table rounde and rathir than I sholde shame myne

othe and my bloode I woll holde my way what som euer falle there

off And than sir Ector dressed his speare and smote aythir oÞer passyng

sore but sir Ector felle to the erthe That saw sir Percivale and he

dressed his horse towarde hym all that he myght dryve But Syr

Percyvale had suche a stroke that horse and man felle bothe to the

erthe // whan sir Harry saw that they were bothe to the erthe // Than

he seyde to hym selff neuer was sir Brewnes of suche proves So sir

Harry dressed his horse and they mette to gydyrs so strongly Þat bothe

the horsys and the knyghtes felle to the erthe But sir Bleoberys horse

be gan to recouer a gayne // That saw sir Brewnys and cam hurte //

lynge and smote hym ouer and ouer and wolde haue slayne hym as he

lay on the grounde // Than sir Harry a rose lyghtly and toke Þe brydyll

of sir Brewnys horse and sayde Fy for shame stryke neuer a knyght

whan he is at the erthe for this knyght may be called no shamefull

knyght of his dedis for on this grounde he hath done worshypfully

and put to the warre passynge good knyghtes There fore woll I nat

let seyde sir Brewnys Thou shalt nat chose seyde sir Harry as at this

tyme So whan sir Brewnys saw that he myght nat haue hys

wylle he spake fayre Than sir Harry let hym go and than a none

he made his horse to renne ouer sir Bleoberys and rosshed hym to

the erthe lyke to haue slayne hym // whan sir Harry saw hym do so

vylaunsly he cryed and sayde traytoure knyght leve of for shame //

And as sir Harry wolde haue takyn his horse to fyght wyth Syr

Brewnys Than sir Brewnys as he was halff vppon his horse

f. 282v (X.53-4)


and smote hym downe horse and man and had slayne nere sir Harry

the good knyght // That saw sir Percyvale and than he cryde traytur

knyght what doste Þou // And whan sir Percyvale was vppon his

horse sir Brewnys toke his horse and fledde all that euer he myght

And sir Percyvale and sir Harry folowed hym faste but euer Þe lenger

they chaced the farther were they be hynde Than they turned a

gayne and cam to sir Ector de marys and to sir Bleoberys Than

sayde sir Bleoberys why haue ye so succoured that false traytoure

knyght // why sayde sir Harry what knyght is he for well I wote hit

is a false knyght seyde sir Harry and a cowarde and a feons knyȝt

Sir seyde sir Bleoberys he is the moste cowarde knyght & a devow//

rer of ladyes and also a distroyer of kynge Arthurs knyghtes as

grete as ony ys now lyvynge // Sir what is youre name seyde sir

Ector my name is he seyde sir Bleoberys de ganys Alas fayre

Cousyn seyde sir Ector for gyff me for I am Sir Ector de marys

Than sir Percyvale and sir Harry made grete Joy of sir Bleobe//

rys But all they were hevy that sir Brewnys saunȝe pite had a

scaped them where of they made grete dole // Ryght so as they

stood there cam sir Palomydes and whan he saw the shylde of

sir Bleoberys ly on the erthe Than sayde sir Palomydes he that

owyth that shylde lette hym dresse hym to me for he smote me

downe here faste by here at a fountayne And there fore I woll

fyght wyth hym on foote // Sir I am redy seyde sir Bleoberys

here to answere the for wyte Þou well sir knyght hit was I and

my name ys sir Bleoberys de Ganys well art Þou mette seyde

sir Palomydes and wyte Þou well my name ys sir Palomydes

the Saresyn and aythir of them hated oÞer to the dethe // Sir Pa//

lomydes seyde sir Ector wyte Þou well there is noÞer you nothir no

knyght that beryth the lyff that sleyth ony of oure bloode but he

shall dye for hit There fore and Þou lyst to fyght go and syke sir

Launcelot othir ellys sir Trystram and there shalt Þou fynde thy

f. 283 (X.54-5)


matche // wyth them haue I mette seyde sir Palomydes but I had

neuer no worshyp of them // was there neuer no maner of knyght sey//

de sir Ector but they too that euer matched you // yes seyde sir Palo//

mydes there was the thirde as good a knyght as ony of them &

of his ayge he was the beste for yet founde I neuer his pyere for

and he myght haue lyved tyll he had bene more of ayge an hardyer

man there lyvith nat than he wolde haue bene And his name was

sir Lamorak de Galys and as he had Justed at a turnemente there

he ouer threwe me and ·xxxti· knyghtes mo And Þer he wan the gre

And at his departynge there mette hym sir Gawayne and his bre//

Þerne and wyth grete payne they slewe hym felounsly vnto all

good knyghtes grete damage // And a none as sir Percyvale her//

de that his brothir was dede sir Lamerok he felle ouer his horse ma//

ne sownynge and Þer he made the grettyste dole and sorow that

euer made any noble knyght // And whan sir Percyvale a rose he

seyde Alas my good and noble broÞer sir Lamorak now shall we neuer

mete and I trowe in all the wyde worlde may nat a man fynde

suche a knyght as he was of his ayge and hit is to muche to suffir

the deth of oure fadir kynge Pellynor and now the deth of oure

good broÞer sir Lamorak // So in this meane whyle there cam a var//

let frome the courte of kynge Arthure and tolde hem of Þe grete

turnemente that sholde be at Loneȝep And how this londis Corn//

wayle Nothe Galys shulde Juste a yenst all Þat wolde com of oÞer cotereyes

NOw turne we vnto sir Trystram that as he rode an

huntynge he mette wyth sir Dynadan that was commyn

in to the contrey to seke sir Trystram And anone sir Dynadan

tolde sir Trystram his name But sir Trystram wolde nat tell

his name where fore sir Dynadan was wrothe for suche a

folyshe · knyght as ye ar seyde sir Dynadan I saw but late this

day lyynge by a welle and he fared as he slepte and there he

lay lyke a fole grennynge and wole nat speke and his shylde

f. 283v (X.55)


lay by hym and his horse also stood by hym and well I wote he

was a lovear A fayre sir seyde sir Trystram ar nat ye a lovear //

Mary fye on that crauffte seyde sir Dynadan Sir that is

yevell seyde sir Trystram for a knyght may neuer be of proves

but yf he be a lovear ye say well seyde sir Dynadan Now I

pray you telle me youre name syth ye be suche a lovear

othir ellys I shall do batayle with you // As for that seyde sir

Trystram hit is no reson to fyght wyth me but yf I telle

you my name And as for my name ye shall nat wyte as

at th tyme for me // Fye for shame ar ye a knyght & dare

nat telle youre name to me There fore sir I woll fyght with

you // As for that seyde sir Trystram I woll be a vysed for I woll

nat do batayle but yf me lyste And yf I do batayle wyth you

seyde sir Trystram ye ar nat able to withstonde me Fye on Þe

Cowarde seyde sir Dynadan and thus as they heved stylle they

saw a knyght com rydynge a gaynste them // lo seyde sir Trystram

se where commyth a knyght rydynge whyche woll Juste wyth

you Anone as sir dynadan be hylde hym he seyde be my fayth

that same is the doted knyght that I saw lye by the welle noÞer

slepynge noÞer wakynge // well seyde sir Trystram I know Þat

knyght well wyth the couerde shylde of Assure for he is the

kynges sonne of Northumbirlonde his name is sir Epyno//

grys and he is a^s grete a lover as I know and he lovyth the

kynges doughter of walys a full fayre lady // And now I suppose

seyde sir Trystram and ye requyre hym he woll Juste wyth

you and than shall ye preve wheÞer a lover be bettir knyght

or ye that woll nat love no lady // well seyde sir Dynadan now

shalt Þou se what I shall do And there wyth all sir Dynadan spa//

ke on hyght and sayde sir knyght make the redy to Juste wythe

me for Juste ye muste nedis for hit is the custom of knyghtes

arraunte for to make a knyght to Juste woll he othir nell he

f. 284 (X.55)


Sir seyde sir Epynogrys ys that the rule and custom of you · As

for that seyde sir Dynadan make the redy for here is for me

And Þer wyth all they spurred Þer horsys and mette to gydirs so

harde that sir Epynogrys smote downe sir Dynadan & anone

sir Trystram rode to sir Dynadan and sayde how now me se//

myth the lover hath well sped // Fye on the cowarde seyde sir

Dynadan and yf Þou be a good knyght revenge me // Nay

seyde sir Trystram I woll nat Juste as at this tyme but take

youre horse and let vs go hens // God defende me seyde Sir

Dynadan frome thy felyshyp for I neuer spedde well syns I

mette wyth the And so they departed well seyde sir Trystram

paraventure I cowde tell you tydynges of sir Trystram Godde

save me seyde sir Dynadan from thy felyshyp for sir Trystram

were mykyll the warre and he were in thy company And

they departed // Sir seyde sir Trystram yet hit may happyn

that I may mete wyth yow in othir placis // So rode Sir

Trystram vnto Joyus garde and there he harde in Þat towne

grete noyse and cry // what is this noyse seyde sir Trystram

Sir seyde they here is a knyght of this castell that hath be

longe a monge vs and ryght now he is slayne with ·ij· knyȝtes

and for none oÞer cause but that oure knyght seyde that sir

Launcelot was bettir knyght than sir Gawayne That was

a symple cause seyde sir Trystram for to sle a good knyȝt

for seyynge well by his maystir That is lytyll remedy

to vs seyde the men of the towne For and sir Launcelot had

bene hyre sone we sholde haue bene revenged vppon tho

false knyghtes // whan sir Trystram harde them sey so he sente

for his shylde and his speare and lyghtly so wyth in a whyle

he had ouer take them and made them turne and a mende Þat

they had mysse done // what a mendis woldiste Þou haue

seyde the one knyght And there wyth they toke there course

f. 284v (X.55-6)


and aythir mette oÞer so harde that sir Trystram smote downe that

knyght ouer his horse tayle Than the othir knyght dressed hym to

sir Trystram and in the same wyse he served the othir knyght And

than they gate of Þer horsis as well as they myght and dressed Þer

swerdis and Þer shyldis to do batayle to the vtteraunce // Now knyȝtes

seyde sir Trystram woll ye telle me of whens ye be and what is

youre namys for suche men ye myght be ye shulde harde a scape

my hondis And also ye myght be suche men and of suche a cuntre

that for all youre yevyll dedis ye myght passe quyte // wyte Þou

well sir knyght seyde they we feare nat muche to telle the oure namys

for my name is sir Aggravayne and my name is sir Gaherys bre//

thrne vnto the good knyght sir Gawayne And we be nevewys vn//

to kynge Arthure well seyde sir Trystram for kynge Arthurs sake

I shall lette you passe as at this tyme But hit is shame seyde sir

Trystram that sir Gawayne and ye be commyn of so grete blood Þat

ye ·iiij· breÞerne be so named as ye be fore ye be called the grettyste

distroyers and murtherars of good knyghtes that is now in the re//

alme of Ingelonde And as I haue harde say sir Gawayne and ye

his brethirne a monge you slew a bettir knyght than euer any of you

was whyche was called the noble knyght sir Lamorak de Galys

And hit had pleased god seyde sir Trystram I wolde I had bene

by hym at his deth day Than shuldist Þou haue gone the same

way seyde sir Gaherys Now fayre knyghtes than muste there haue

bene many mo good knyghtes than ye of youre bloode // And there

wyth all sir Trystram departed frome them towarde Joyus garde //

And whan he was departed they toke there horsis and the tone sey//

de to the tothir we woll ouer take hym and be revenged vppon hym

in the despyte of sir Lamerok So whan they had ouer takyn sir Trystram

sir Aggravayne bade hym turne traytoure knyght // ye sey well sey//

de Sir Trystram And there wyth all he pulled oute his swerde

and smote sir Aggrauayne suche a buffet vppon the helme that he




                                    Tumbeled downe

f. 285 (X.56)


tumbeled downe of his horse in a sowne And he had a grevous woun//

de And than he turned to sir Gaherys and sir Trystram smote hys

swerde and his helme to gydir wyth suche a myght that sir Gaherys

felle oute of his sadyll And so sir Trystram rode vnto Joyus garde and

there he a lyght and vnarmed hym So sir Trystram tolde la beall

Isode of all this adventure as ye haue harde to forne And whan she

harde hym tell of sir Dynadan Sir she seyde is nat that he Þat made

the songe by kynge Marke That same is he seyde sir Trystram for

he is the beste bourder and Japer that I know and a noble knyght of

his hondis and the beste felawe that I know and all good knyghtis

lovyth his felyship // Alas sir seyde she why brought ye hym nat wyth

you hydir //haue ye no care seyde sir Trystram for he rydyth to seke

me in this contrey And there fore he woll nat a way tylle he haue

mette wyth me And there sir Trystram tolde la beall Isode how

sir Dynadan hylde a yenste all lovers // Ryght so cam in a varlette

and tolde sir Trystram how Þer was com an arraunte knyght in to

the towne wyth suche a coloures vppon his shylde // Be my fayth

that is sir Dynadan seyde sir Trystram There fore madame wote

ye what ye shall do sende ye for hym and I woll nat be seyne and

ye shall hyre the myrryeste knyght that euer ye spake wyth all and

the maddyst talker and I pray you hertaly that ye make hym good

chere // So anone la beall Isode sente vnto the towne and prayde

sir Dynadan that he wolde com in to the castell and repose hym

there wyth a lady // wyth a good wyll seyde sir Dynadan And so

he mownted vppon his horse and rode in to the castell and there

he a lyght and was vnarmed and brought in to the halle // And

anone la beall Isode cam vnto hym and aythir salewed oÞer // Than

she asked hym of whens that he was · Madame seyde sir Dynadan

I am of the courte of kynge Arthure And a knyght of the table

rounde and my name is sir Dynadan what do ye in this con//

trey seyde la beall Isode for sothe madame I seke after sir Trystram

f. 285v (X.56)


the good knyght for hit was tolde me that he was in this contrey

hit may well be seyde la beall Isode but I am nat ware of hym

Madame seyde sir Dynadan I mervayle that sir Trystram and mo

er suche lovers // what aylyth them to be so madde and so a soted vp//

pon women // why seyde la beall Isode ar ye a knyght and ar no lo//

vear for sothe hit is grete shame to you where fore ye may nat

be called a good knyght by reson but yf ye make a quarell for a

lady God deffende me seyde sir Dynadan for the Joy of love is

to shorte and the sorow there of is duras ouer longe // A sayde

la beall Isode say ye neuer more so for hyre faste by was Þe good

knyght sir Bleoberys de Galys that fought wyth ·iiij· knyghtes

at onys for a damesell and he wan her a fore the kynge off

Northumbirlonde and that was worshypfully done seyde la be//

all Isode For sothe hit was so seyde sir Dynadan for I knowe

hym well for a good knyght and a noble and commyn he is of no//

ble bloode and all be noble knyghtes of the blood of sir Launcelot

de lake now I pray you for my love seyde la beall Isode wyll

ye fyght for me wyth ·iij· knyghtes that doth me grete wronge

And in so muche as ye bene a knyght of kynge Arthurs I re//

quyre you to do batayle for me // Than sir Dynadan seyde I

shall sey you be as fayre a lady as evir I sawe ony & much

fayrer than is my lady quene Gwenyuer But wyte you well

at one worde I woll nat fyght for you wyth iij·knyghtes Jhu

me defende Than Isode lowȝe and had good game at hym So

he had all the chyre that she myght make hym And there he

lay all that nyght and on the morne early sir Trystram ar//

med hym and la beall Isode gaff hym a good helme And than

he promysed her that he wolde mete wyth sir Dynadan and

so they ·ij· wolde ryde to gedyrs vnto Loneȝep where the tur//

nemente sholde be and there shall I make redy for you where

ye shall se all the seyght // So departed sir Trystram wyth ·ij·

f. 286 (X.56-7)


squyers that bare his shylde and his speare that were grete

and longe // So aftir that sir Dynadan departed and rode his way

a grete shake vntyll he had ouer takyn sir Trystram And whan sir

Dynadan had ouer takyn hym he knew hym a none and hated the

felyshyp of hym of all othir knyghtes // A seyde sir Dynadan arte

Þou that cowherd knyght that I mette wyth yestirday well kepe

the for Þou shalt Juste wyth me magre thyne hede // well seyde

sir Trystram and I am passynge lothe to Juste And so they lette

there horsis renne And sir Trystram myste of hym a purpose

And sir Dynadan brake his speare alto shyvyrs And there

wyth all sir Dynadan dressed hym to drawe oute his swerde

Not so sir seyde sir Trystram why ar ye so wrothe I am nat

disposid to fyght at this tyme // Fye on the cowarde seyde sir

Dynadan Þou shamyste all knyghtes // As for that seyde sir Trys//

tram I care nat for I woll wayte vppon you and be vndyr

youre proteccion for cause ye ar so good a knyght that ye

may save me // God delyuer me of the seyde sir Dynadan for Þou

arte as goodly a man of armys and of thy persone as euer I sawe

and also the moste cowarde that euer I saw // what wolt Þou do

wyth grete spearys and suche wepen as Þou caryeste with the

Sir I shall yeff them seyde sir Trystram to som good knyght

whan I com to the turnemente And yf I se that you do beste

Sir I shall gyff them to you // So thus as they rode talkynge

they saw where cam an arraunte knyght a fore them that

dressed hym to Juste // Lo seyde sir Trystram yondir is one that

woll Juste now dresse you to hym · A shame be tyde the seyde

sir Dynadan Nay nat so seyde sir Trystram for that knyght

semyth a shrewe Than shall I seyde sir Dynadan and so they

dressed there shyldis and there spearys and there they mett

to gydirs so harde that the othir knyght smote downe Sir

Dynadan frome his horse // Lo seyde sir Trystram hit had

f. 286v (X.57)


bene bettir ye had lefft Fye on the cowarde seyde sir Dynadan

and than he sterte vp and gate his swerde in his honde and

proffyrd to do batayle on foote // wheÞer in love oÞer in wrathe

seyde the oÞer knyght // Sir lat vs do batayle in love seyde sir

Dynadan // what is youre name seyde that knyght I pray you

telle me // Sir wyte you well my name is sir Dynadan

A sir Dynadan seyde that knyght and my name is sir Gareth

yongyst brothir vnto sir Gawayne Than aythir made of

er grete chere for this sir Gareth was the beste knyght of

all the brethirne and he preved a good knyght Than they

toke Þer horsys and there they spoke of sir Trystram how suche

a cowarde he was And euery worde sir Trystram harde & lowȝ

them to scorne Than were they ware where cam a knyȝt

a fore them well horsed and well armed and he made hym

redy to Juste // Now fayre knyght sayde sir Trystram loke

be twyxte you who shall Juste wyth yondir knyght for I war//

ne you I woll nat haue a do wyth hym Than shall I seyde sir

Gareth and so they encountyrd to gydyrs and there Þat knyȝt

smote downe sir Gareth ouer his horse croupe // how now seyde

sir Trystram vnto sir Dynadan now dresse you and revenge

the good knyght sir Gareth That shall I nat seyde sir Dynadan

for he hath strykyn downe a muche bygger knyght than I

am A sir Dynadan seyde sir Trystram now I se and fele that

youre harte faylyth you And Þer fore now shall ye se what

I shall do And than sir Trystram hurtelyd vnto that knyght

and smote hym quyte frome his horse // And whan sir Dyna//

dan saw that he mervayled gretly and than he demed that

hit was sir Trystram And anone this knyght that was on

foote pulled oute his swerde to do batayle // Sir what is

youre name seyde sir Trystram // wyte you well seyde that

knyght my name is sir Palomydes A sir knyght whyche

f. 287 (X.57-8)


knyght hate ye moste in the worlde seyde sir Trystram // For

sothe seyde he I hate sir Trystram moste to the deth for and

I may mete wyth hym the tone of vs shall dye // ye sey well

seyde sir Trystram And now wyte you well that my name is

sir Trystram de lyones And now do your warste // whan sir Pa//

lomydes saw hym sey so he was a stoned and than he seyde

thus I pray you sir Trystram for gyff me all my evyll wyll

and yf I lyve I shall do you servyse a fore all the knyghtes that

bene lyvynge and there as I haue owed you evyll wyll me sore

repentes I wote nat what eylyth me for me semyth that ye

ar a good knyght and that ony oÞer knyght that namyth hym

selff a good knyght sholde hate you me sore mervaylyth And

there I requyre you sir Trystram take none displaysure at

myne vnkynde wordis / Sir Palomydes seyde sir Trystram

ye sey well and well I wote ye ar a good knyght for I haue

seyne you preved and many grete entirpryses ye haue done

and well enchyeved them There fore seyde sir Trystrams

and ye haue ony yevyll wyll to me now may ye ryght hit

for I am redy at youre hande // Nat so my lorde sir Trystram

for I woll do you knyghtly servyse in all thynge as ye woll

commaunde me // Sir ryght so I woll take you seyde sir Trys//

tram and so they rode forth on Þer wayes talkynge of ma//

ny thynges // Than seyde sir Dynadan A my lorde sir Trys//

tram fowle haue ye mocked me for god knowyth I came

in to this contrey for youre sake and by the aduyce of my

lorde sir Launcelot And yet wolde he nat tell me the sertaynte

of you where I sholde fynde you // Truly seyde sir Trystram

and sir Launcelot wyste beste where I was for I a byde in

his owne castell And thus they rode vntyll they were

ware of the coste of Loneȝep And than were they ware

of foure ·C· tentes and pavelouns and mervaylous grete

f. 287v (X.58)


ordynaunce So god me helpe seyde sir Trystram yondir I se the

grettyste ordyan ordynaunce that euer I sawe sir seyde sir Palomydes

me semyth that Þer a grete ordynaunce at the castell of maydyns

vppon the Roche where ye wan the pryce for I saw my self whe//

re ye for Justed ·xxxti· knyghtes // Sir seyde sir Dynadan and In

Surluce at the turnemente that sir Galahalte of the longe Iles

made whyche there dured ·vij· dayes for there was a^s grete a

gaderynge as is hyre for there were many nacions // Syr

who was the beste there seyde sir Trystram Sir hit was Sir

Launcelot du lake And the noble knyght sir Lamerok de galys // Be

my fayth sayde sir Trystram and sir Launcelot were there I doute

nat seyde sir Trystram but he wan the worshyp So he had nat

bene ouer macched wyth many knyghtes And of the deth of sir Lamo//

rak seyde sir Trystram hit was ouer grete pite for I dare say he

was the clennyste myghted man and the beste wynded of this ay//

ge that was on lyve for I knew hym that he was one of the best

knyghtes that euer I ner mette wyth all but yf hit were sir Launcelot

Alas seyde sir Dynadan and sir Trystram that full wo is vs for

his deth And yf they were nat the Cousyns of my lorde kynge

Arthure that slew hym they sholde dye for hit all that were con//

centynge to his dethe and for suche thynges seyde sir Trystrams

I feare to drawe vnto the courte of kynge Arthure Sir I woll Þat

ye wete hit seyde sir Trystram vnto sir Gareth // As for that I blame

you nat seyde sir Gareth for well I vndirstonde the vengeaunce

of my brethirne sir Gawayne sir Aggravayne sir Gaherys and sir

Mordred But as for me seyde sir Gareth I meddyll nat of Þer

maters and there fore there is none that lovyth me of them

And for cause that I vndirstonde they be murtherars of good

knyghtes I lefte there company And wolde god I had bene be syde

sir Gawayne whan that moste noble knyght sir Lamorake was

slayne // Now as Jhu be my helpe seyde sir Trystram hit is

f. 288 (X.58-9)


passyngly well sayde of you for I had leuer sayde sir Trystrams

than all the golde be twyxte this and Rome I had bene there

I wysse seyde sir Palomydes so wolde I and yet had I neuer the gre

at no Justis nothir turnemente and that noble knyght sir Lamo//

rak had be there but oÞer on horse bak othir ellys on foote he put

me euer to the wars And that day that sir Lamorak was slayne he

ded the moste dedis of armys that euer I saw knyght do in my lyeff

And whan he was gyvyn the gre be my lorde kynge Arthure sir

Gawayne and his ·iij· breÞerne sir Aggravayne sir Gaherys and sir

Morde Mordred sette vppon sir Lamorak in a pryvy place and there

they slew his horse and so they faught with hym on foote more than

iij· owrys bothe by fore hym and be hynde hym And so sir Mordre//

de gaff hym his dethis wounde be hynde hym at his bakke and

all to hewe hym for one of his squyers tolde me that sawe hit

Now fye vppon treson seyde sir Trystram for hit sleyth myne

harte to hyre this tale // And so hit dothe myne seyde sir Gareth

breÞerne as they be myne // Now speke we of othir dedis seyde

sir Palomydes and let hym be for his lyff ye may nat gete a

gayne that is the more pite seyde sir Dynadan for sir Gawayne

and his breÞerne excepte you sir Gareth hatyth all good knyghtes

of the rounde table for the moste party for well I wote and they

myght prevayly they hate my lorde sir Launcelot and all his kyn

and grete pryvay dispyte they haue at hym and sertaynly that is

my lorde sir Launcelot well ware of and that causyth hym the

more to haue the good knyghtes of his kynne a boute hym // Now

sir seyde sir Palomydes let vs leve of this mater and let vs se

how we shall do at this turnemente And sir by myne advyce lat

vs ·iiij· holde to gydyrs a yenst all that woll com // Nat be my

counceyle seyde sir Trystram for I se by Þer pavylouns there woll

be ·iiij· C· knyghtes And doute ye nat seyde sir Trystram but there

woll be many good knyghtes and be a man neuer so valyaunte noÞer

f. 288v (X.59)


so bygge but he may be ouer matched and so haue I seyde knyghtes

done many And whan they wente beste to haue wonne wor//

shyp they loste hit · For manhode is nat worthe but yf hit be

medled with wysdome and as for me seyde sir Trystram hit may

happen I shall kepe myne owne hede as well as a noÞer so thus

they rode vntyll they cam to humbir banke where they harde

a crye and a dolefull noyse // Than were they ware in Þe wyn//

de where cam a ryche vessell heled ouer with rode sylke and the

vessell londed faste by them There with sir Trystram a lyght

and his knyghtes And so sir Trystram wente a fore and entird

in to that vessell And whan he cam In he saw a fayre bedde

rychely couerde and Þer vppon lay a semely dede knyght all ar//

med sauff the hede was all bloody wyth dedly woundys

vppon hym whych semed to be a passynge good knyght //

Jhu how may this be seyde sir Trystram that this knyght is

thus slayne And a none sir Trystram was ware of a lettir

in the dede knyghtes honde // Now maystir marynars seyde

sir Trystram what meanyth this lettir // Sir seyde they in

that lettir shall ye hyre and knowe how he was slayne and

for what cause and what was his name But sir seyde Þe

marynars wyte you well that no man shall take Þat lettir

and rede hit but yf he be a good knyght and that he woll

faythfully promyse to revenge his dethe and ellis shall there

no knyght se that lettir opyn And wyte you well seyde Sir

Trystram that som of vs may revenge his dethe as well as

a noÞer And yf hit so be as ye marynars sey that his dethe

shall be revenged // And there wyth all sir Trystram toke

the lettir oute of the knyghtes honde And than he opened

hit nd rad hit And thus hit specifyed Harmaunce kyng

and lorde of the rede cite I sende to all knyghtes arraunte

recommaundynge vnto you noble knyghtes of Arthurs

f. 289 (X.59-60)


courte that I be seche them all a monge them to fynde one knyght

that woll fyght for my sake with ·ij· breÞerne that I brought vp off

nought and felounsly and traytourly they slewe me // where fore

I be seche one good knyght to revenge my dethe And that reven//

gyth my dethe I woll that he haue my rede cite and all My castels

Sir seyde the marynars wyte you well this knyght and kynge

that hyre lyeth was a full worshypfull man and of grete pro//

ves and full he loved all maner of knyghtes arraunte // So god me

helpe seyde sir Trystram here is a pytevous case and full fayne

I wolde take this entirpryse but I haue made se suche a promyse

that nedis I muste be at this grete Justys and turnement othir

ellys I am shamed For well I wote for my sake in aspeciall my

lorde kynge Arthure made this Justis and turnemente in this

contrey And well I wote that many worshypfull people woll

be hyre at this turnemente for to se me and Þer fore I feare

to take this entirpryse vppon me that I shall nat com a gayne

be tyme to this Justys // Sir seyde sir Palomydes I pray you

gyff me this entirpryse and ye shall se me enchyeve hit wor//

shypfully oÞer ellys I shall dye in this quarell // well seyde sir

Trystram and this entirpryse I gyff hit you wyth this that

ye be with me at this turnemente whyche shall be as this day

vij· nyght // Sir seyde sir Palomydes I promyse you I shall be

wyth you by that day and I be vnslayne and vn maymed // So depar//

ted sir Trystram sir Gareth and sir Dynadan and so leffte sir Pa//

lomydes in the vessell And so sir Trystram be hylde the mary//

nars how they sayled ouer longe humbir And whan sir Palomy//

des was oute of there syght they toke Þer horsys and loked a

boute them And than were they ware of a knyght that cam

rydynge a gaynste them vn armed and no thynge but a swer//

de a boute hym And whan he cam nyȝe this knyght salewed

them and they hym a gayne // Now fayre knyghtes seyde Þat

f. 289v (X.60)


knyght I pray you in so muche as ye be knyghtes arraunte

that ye woll com and se my castall and take suche as ye

fynde Þer I pray you hertely wyth a good wyll seyde sir

Trystram and so they rode with hym vntyll his castell and

there they were brought in to the halle whyche was well

apparayled and so they were there vnarmed and sette at

a borde And whan this knyght sawe sir Trystram anone

he knew hym and wexed passynge pale and wrothe at sir

Trystram And whan sir Trystram sawe his oste make

suche chere he mervayled and sayde sir myne oste what che//

re make you // wyte Þou well sayde he I fare muche

the warre that I se the for I know the for sir Trystram

de lyones for Þou slewyste my broÞer and there fore I

gyff the warnynge that I woll sle the and euer I may

gete the at large // Sir knyght seyde sir Trysram I am

neuer advysed that euer I slew ony broÞer of yourys and

yf ye say that I ded hit I woll make a mendys vnto

my power // I woll no mendys haue seyde the knyȝt

but kepe the frome me // So whan he hadde dyned Sir

Trystram asked his armys and departed and so they rode

on there wayes And wyth in a myle way sir Dynadan

saw where cam a knyght armed and well horsed wyth a

whyȝte shylde Sir Trystram seyde sir Dynadan take

kepe to youre selff for I dare vndir take yondir commyth your

oste that woll haue a do wyth you // Lat hym com seyde

sir Trystram I shall a byde hym as I may And whan the

knyght cam nyȝe to sir Trystram he cryed and bade hym

a byde and kepe hym And anone they hurteled to gydyrs

But sir Trystram smote the oÞer knyght so sore the he bare

hym ouer his horse croupen Than the knyght arose lyghtly &

toke his horse a gayne and rode fyersly to sir Trystram

f. 290 (X.60)


and smote hym twyse oÞer thryse harde vppon the helme // sir

knyght seyde sir Trystram I pray you leve of and smyte me

no more for I wolde be lothe to deale with you and I myght cho//

se for I haue of your mete and drynke in my body And for all

that he wolde nat leve Than sir Trystram gaff hym suche

a buffette vppon the helme that he felle vp so downe from

his horse that the bloode braste oute at the ventrayles

of his helme and so he lay stylle lykly to be dede Than

sir Trystram sayde me repentys of this buffette that I

smote so sore for as I suppose he is dede and so they lefft

hym and rode on Þer wayes // So whan they had ryddyn

a whyle they sawe com rydynge a gayenst them ·ij·

full lyckely knyghtes well armed and well horsed and

goodly seruauntes a boute them and that one knyght hyȝt

sir Berraunt le apres and he was called the kynge with

the C· knyghtes and the oÞer was sir Segwarydes Þat were

renomed ·ij· noble knyghtes So as they cam aythir by

er the kynge had seyne to fore with the quene of northe

galys and that quene the kynge loved as paramour and Þat

helme the quene of northe galys gaff to la beall I//

sode and quene Isode gaff hit to sir Trystram So as

they cam aythir be oÞer the kynge loked vppon sir Trystram

and at that tyme sir Dynadan had sir Trystrams hel//

me vppon his shuldir whyche he had seyne to fore //

Sir knyght seyde sir Berraunte where had ye Þat helme

what wolde ye seyde sir Dynadan for I woll haue a

do wyth you seyde the kynge for the love of her that

ought this helme and there fore kepe you So they

cam to gydir wyth all there myghtes of Þer horsis and

Þer the kynge with the ·C· knyghtes smote downe sir Dyna//

dan and his horse And than he commaunded his seruaunte

f. 290v (X.60)


to take that helme off and kepe hit So the varlet wente to vn

buckyll his helme // what wolt Þou do seyde sir Trystrams

leve that helme // To what entente seyde the kynge wyll

ye meddyll with that helme // wyte you well seyde sir Trystram

that helme shall nat departe fro me tyll hit be derrer bought

Than make you redy seyde sir Berraunte vnto sir Trystram

So they hurteled to gydyrs And there sir Trystram smote

hym downe ouer his horse tayle and than the kynge a rose lyghtly

and gate his horse a gayne And than he strake fyersly at sir Trys//

tram many grete strokys And than he gaff sir Berraunte such

a buffette vppon the helme that he felle downe ouer his horse

sore a stonyed // Lo seyde sir Dynadan that helme is vnhappy to

vs twayne for I had a falle for hit and now sir kynge haue ye

a noÞer falle Than sir Segwarydes asked who shall Juste wyth

me I pray you seyde sir Gareth vnto sir Dynadan let me haue

this Justys Sir seyde sir Dynadan I pray you hertely take hit

as for me That is no reson seyde sir Trystram for this Jus//

tys shulde haue bene youres // At a worde seyde sir Dynadan

I woll nat Þer of // Than sir Gareth dresed hym vnt sir Segwa//

rydes and there sir Segwarydes smote sir Gareth and his horse

to the erthe // Now seyde sir Trystram vnto sir Dynadan Juste

ye with yondir knyght I woll nat Þer of seyde sir Dynadan Than

woll I seyde sir Trystram And than sir Trystram ranne vnto

hym and gaff hym a falle and so they leffte hem on foote And

sir Trystram rode vnto Joyus garde And there sir Gareth wolde

nat of his curtesy haue gone in to his castell But sir Trystram

wolde nat suffir hym to departe And so they a lyght and vnarmed

them and had grete chere But whan sir Dynadan cam a fore

la beall Isode he cursed her that euer he bare sir Trystrams hel//

me and there he tolde her how sir Trystram had mocked hym

Than Þer was lawȝynge and Japynge at sir Dynadan Þat they

f. 291 (X.60-1)


wyste nat what to do wyth hym // Now woll we leve them

myrry wyth in Joyus garde and speke we of sir Palomydes Þe

whyche sayled evyn long is humbir vntyll that he came vnto

the see costys and Þer by was a fayre castell and at that tyme

hit was erly in Þe mornynge a fore day Than the marynars

wente vnto sir Palomydes that slepte faste Sir knyght seyde

the marynars ye muste aryse for here is a castell that ye

muste go in to I assente me seyde sir Palomydes and Þer with all

he aryved And than he blew his horne that the marynars had

yevyn hym And whan they in the castell harde that horne

they put oute many knyghtes and there they stood vppon the

wallys and sayde with one voyse well com be ye to this castell

And than hit waxed clyere day And sir Palomydes entyrde in

to the castell And with in a whyle he was serued with many dyuerse

metys Than sir Palomydes harde a boute hym muche wepyng

and grete dole // what may this meane seyde sir Palomydes

for I love nat to hyre suche a sorowfull noyse And there fore

I wolde knowe what hit meaned Than Þer cam a knyght a

fore hy hym his name was sir Ebell that seyde thus wyte

you well sir knyght this dole and sorow is made here euery

day And for this cause we had a kynge that hyȝt Harmaun//

ce and he was kynge of the rede cite And this kynge that

was oure lorde was a noble knyght layrge and lyberall

of his expence And in all the worlde he loved no thynge

so muche as he ded arraunte knyghtes of kynge Arthurs

courte and all Justynge huntynge and all maner of knyghtly

gamys for so good a kynge and knyght had neuer the rewle of

poore peple and by cause of his goodnes and Jantyll demea//

nys we be moone hym and euer shall // And all kyngis and

astatys may be ware by youre lorde for he was destroyed

in his owne defaute for had he cheryshed his owne bloode

f. 291v (X.61)


he had bene a lyvis kynge and lyved with grete ryches and

reste But all astatys may be ware by owre kynge But

alas seyde sir Ebell that euer we sholde gyff all oÞer warnynge

by his dethe Telle me seyde sir Palomydes how and in

what maner was your lorde slayne and by whom Sir seyde

sir Ebell oure kynge brought vp of chyldir ·ij· men Þat now

ar perelous knyghtes and thes ·ij· knyghtes oure kynge had

them so in favour that he loved no man noÞer trusted no man

of his owne bloode noÞer none oÞer that was a boute hym

and by thes ·ij· knyghtes oure kynge was gouerned and so

they ruled hym peasably and his londys and neuer wolde

they suffir none of his bloode to haue no rule with oure

kynge // And also he was so fre and so Jeantyll & they

so false and so dysseyvable that they ruled hym peasabely

and that aspyed the lordis of oure kynges bloode& depar//

ted frome hym vnto Þer owne lyeffloode // And whan Þis

traytours vndirstood that they had dryvyn all the lordis

of his bloode frome hym than were they nat pleased wyth

suche Rewle but euer thought to haue more // And as euer hit

is an olde sawe · Gyeff a chorle rule and Þer by he woll nat

be suffysed for what som euer he be that is rewled by a vylay//

ne borne and the lorde of the soyle be a Jantylman born

that same vylayne shall destroy all the Jeauntylmen a

boute hym There fore all the astatys and lordys of what

astate ye be loke ye be ware whom ye take a boute you

And Þer fore sir and ye be a knyght of kynge Arthurs cour//

te remembir this tale for this is the ende and conclusy//

on my lorde and kynge rode vnto the foreyste here by By

the advyse of thes ·ij· traytoures and there he chaced at

the rede deare armed at all peacis full lyke a good knyȝt

and so for labour he waxed drye And than he a lyght & dranke

f. 292 (X.61-2)


at a well And whan he was a lyght by the assente of thes

ij· traytoures The tone ^whyche hyght Helyus he suddeynly smote

oure kynge thorow the body wyth a speare and so they leffte

hym there And whan they were departed than by fortune I

cam to the welle and founde my lorde and kynge wounded

to the deth // And whan I harde his complaynte I lat brynge

hym to the watirs syde and in that same shyppe I put hym

on lyve And whan my lorde kynge Harmaunce was in Þat

vessell he requyred me for the trewe feythe I owed vnto

hym for to wryte a lettir in this maner // Recommaunde

me vnto kynge Arthure and to all his noble knyghtys

arraunte be sechynge them all · That in so muche as I

kynge Harmaunce kynge of the rede cite thus I am slay//

ne by felony and treson thorow ·ij· knyghtes of myne owne

bryngynge vp and of myne owne makynge be sechynge

som worshypfull knyght to revenge my dethe In so much

as I haue bene euer to my power well wyllynge vnto kynge

Arthurs courte And who Þat woll adventure his lyff for my

sake to revenge my deth and sle thes ·ij· traytoures in one

batayle I kynge Harmaunce kynge of the rede cite frely

woll gyff hym all my londis and rentes that euer I welded in

my lyeff and this lettir seyde sir Ebell I wrote be my lordis

commaundemente And than he resceayved his creature And

whan he was dede he commaunded me or euer he were colde

to put that lettir faste in his honde and than he commaun//

ded me to sende forthe that same vessell downe by humbir

streyme And that I sholde gyeff thes marynars in commaun//

demente neuer to stynte tyll they cam vnto Loneȝep where

all the noble knyghtes shall assemble at this tyme and there

shall som good knyght haue pite of me and revenge my

deathe for Þer was neuer knyght noÞer lorde falselyar nothir

f. 292v (X.62)


traytourlyar slayne than I am hyere wounded vnto my

dethe Thus was the complaynte of oure kynge Harma//

unce Now seyde sir Ebell ye knowe all how oure lorde

was be trayed And Þer fore we requyre you for goddis

sake haue pite vppon his dethe and worshypfully Þan

may ye welde all his londis For we all wyte well and

ye may sle tho ·ij·traytours the rede cite and all that be

Þer in woll take you for Þer kyndely lorde Truly seyde sir

Palomydes hit grevyth myne harte for the hyre you tell

this dolefull tale and to say the trouthe I saw that same

lettir that ye speke of And one of the beste knyghtes of Þe

worlde rad hat same lettir to me that ye speake of And

by his commaundemente I cam hydir to reveage your kynges

deathe And Þer fore haue done and let me wyte where

I shall fynde Þo traytoures for I shall neuer be at ease

in my harte tyll I be in handis wyth them // Sir seyde

Ebell than take youre shyppe a gayne and that shyppe

muste brynge you vnto the delectable Ile faste by Þe

rede cite And we in this castell shall pray for you &

a byde youre a gayne commynge for this same castell

and ye sped well muste nedis be youres for once

kynge Harmaunce lette make this castell for the love

of tho ij· traytoures and so we kepte hit with stronge

honde and there fore full sore ar we thretened //

wote ye what ye shall do seyde Palomydes what

som evir com of me loke ye kepe well thys castell for

and hit mysse fortune me so to be slayne in this queste

I am sure there woll com one of the beste knyghtis

of the worlde for to revenge my dethe And that is

sir Trystram de lyones othir ellis sir Launcelot de la//

ke Than Sir Palomydes departed frome that castell




                         And as he

f. 293 (X.62-3)


And as he cam nyȝe Þer shyppe There cam oute of a shyppe a goodly

knyght armed a yenste hym wyth his shylde on his shuldir and

his honde vppon his swerde And anone as he cam nyȝe vnto sir

Palomydes he seyde sir knyght what seke you hyre leeve this ques//

te for hit is myne and myne hit was or hit were youres and

Þer fore I woll have hit // Sir knyght seyde sir Palomydes hit may

well be that this queste was youres or hit was myne But whan

the lettir was takyn oute of the dede knyghtes honde at Þat tyme by

lyklyhode there was no knyght had vndirtake to revenge Þe kynges

dethe And so at that tyme I promysed to avenge his dethe and so I

shall oÞer ellys I am shamed // ye say well seyde the knyght Butte

wyte you well than woll I fyght wyth you and wheÞer of vs be

bettir knyght lat hym take the batayle on honde // I assente me

seyde sir Palomydes and than they dressed Þer shyldis and pulled oute

Þer swerdis and laysshed to gydyrs many sad strokys as men of myȝt

And this fyghtynge lasted more than an owre But at the laste

sir Palomydes waxed bygge and bettir wynded And than he smote

that knyght suche a stroke Þat he kneled on his kneis Than that

knyght spake on hyght and sayde Jeauntyll knyght holde thy honde

And Þer wyth sir Palomydes wyth drewe his honde // Than thys

knyght seyde sir wyte you well ye ar bettir worthy to haue this

batayle than I and I requyre you of knyghthode telle me youre

name Sir my name is sir Palomydes a knyght of kynge Arthurs

and of the table rounde whyche am com hydir to revenge thys

same dede Sir well be ye founde seyde the knyght to sir Palo//

mydes for of all knyghtes that bene on lyve excepte ·iij· I had le//

vyste haue you ·And the fyrste is sir Launcelot du lake and the

secunde ys sir Trystram de lyones and the thyrde is my nyȝe

Cousyn the good knyght sir Lamorak de galys and I am brothir

vnto kynge Harmaunce that is dede And my name is sir Hermyn//

de ye sey well seyde sir Palomydes and ye shall se how I shall

f. 293v (X.63)


spyede And yff I be there slayne go ye vnto my lorde sir Launcelot

er ellys to my lorde sir Trystram and pray them to revenge my

dethe for as for sir Lamorak hym shall ye neuer se in this worlde

// Alas seyde sir Hermynde how may that be that he is slayne By

sir Gawayne and his breÞerne seyde sir Palomydes So god me hel//

pe seyde sir Hermynde Þer was nat one for one Þat slew hym That

is trouthe seyde sir Palomydes for they were ·iiij· daungerus

knyghtes that slew hym that was sir Gawayne sir Aggrauayne sir

Gaherys and sir Mordred but sir Gareth the v· brothir was a wey

the beste knyght of them all And so sir Palomydes tolde sir Her//

mynde all the maner and how they slew sir Lamorak all only by tre//

son So sir Palomyde toke his shyppe and drove vp to the delecta//

ble Ile And in the meane whyle sir Hermynde the kynges brothir

he aryved vp at the rede cite and Þer he tolde them how Þer was com

a knyght of kynge Arthurs to avenge kynge Harmaunce dethe

and his name ys sir Palomydes the good knyght that for the

moste party he folowyth the beste Glatyssaunte Than all the cite

made grete Joy for muche had they harde of Sir Palomydes

and of his noble provesse So they lette ordayne a messyngere and

sente vnto the ·ij· breÞerne and bade them to make them redy For

there was a knyght com that wolde fyght wyth them bothe So

the messyngere wente vnto them where they were at a castell

there be syde And Þer he tolde them how Þer was a knyght comyn

of kynge Arthurs to fyght with them bothe at onys he is well

com seyde they but is hit sir Launcelot oÞer ony of his bloode Sir

he is none of that bloode seyde the messyngere // Than we ca//

re the lesse seyde the ·ij· brethirne for none of the bloode of sir

Launcelot we kepe nat to haue a do wyth all / Sir wyte you

well seyde the messyngere his name is sir Palomydes that

yet is vncrystened a noble knyght // well seyde they and he be

now vncrystynde he shall neuer be crystynde So they appoynted

f. 294 (X.63)


to be at the cite with in ·ij dayes · And whan sir Palomydes was

comyn to the cite they made passaynge grete Joy of hym And than

they be hylde hym and thought he was well made and clenly

and bygly and vnmaymed of his lymmys and neyÞer to yonge noÞer

to olde and so all the people praysed hym and though he were

nat crystynde yet he be lyved in the beste maner and was full

faythefull and trew of his promyse and well condyssyonde And

by cause he made his a vow that he wolde neuer be crystynde vn//

to the tyme that he had enchyeved the beste glatysaunte Þe why//

che was a full wondirfull beyste and a grete sygnyfycasion

for Merlyon prophesyed muche of that beyste And also sir Palo//

mydes a vowed neuer to take full crystyndom vntyll that he had

done ·vij· batayles with in lystys So wyth in the thirde day there

cam to the cite thes ·ij· brethirne the tone hyght sir Helyus and

Helake the whyche were men of grete provesse how be hit Þat

they were false and full of treson and but poore men born

yet were they noble knyghtes of Þer handys And with them they

brought ·xl· knyghtes of theire hondis noble men to that

entente that they shulde be bygge I nowȝe for the rede cite

Thus cam the ·ij· breÞerne wyth grete bobbaunce & pryde

for they had put the rede cite in grete feare and damage

Than they were brought to the lystes And sir Palomydes

cam in to the place and seyde thus be ye the ·ij· brethirne

Helyus and Helake that slew youre kynge and lorde sir

Harmaunce by felony and treson // For whom that I am co//

myn hydir to revenge his dethe wyte you well sir seyde

Helyus and sir Helake that we ar the same knyghtes Þat slewe        

kynge Harmaunce and wyte Þou well Þou sir Palomydes                   

sareȝyn that we shall so handyll the or that Þou departe that

Þou shalt wysshe that Þou haddyst be crystynde / hit may                

well be seyde sir Palomydes But as yet I wolde nat dye                    

f. 294v (X.63-4)


or that I were full crystynde And yette so a ferde am I nat of

you bothe but that I shall dye a bettir crystyn man than ony

of you bothe And doute ye nat seyde sir Palomydes ayÞer ye

er I shall be leffte dede in this place // So they departed in grete

wreath and the ·ij· breÞerne cam a yenst sir Palomydes and

he a yenste them as faste as Þer horsis myght ren And by

fortune sir Palomydes smote sir Helake thorow his shylde

and thorow his breste more than a fadom All this whyle

sir Helyus hylde vp his speare and for pryde and orgule

he wolde nat smyte sir Palomydes wyth his speare But

whan he saw his brothir lye on the erthe and saw he myȝt

nat helpe hym selff Than he seyde vnto sir Palomydes

kepe the and Þer wyth he cam hurtelynge vnto sir Palomy//

des with his speare and smote hym quyte frome his horse

So sir Helyus rode ouer sir Palomydes twyse or thryse And

there wyth sir Palomydes was a shamed and gate the

horse of sir Helyus by the brydyll and Þer with all the horse

arered and sir Palomydes halpe aftir and so they felle to

the erthe and sir Palomydes halpe aftir and so they felle to

the erthe But a none sir Helyus starte vp lyghtly and

there he smote sir palomydes a grete stroke vppon the

helme that he kneled vppon his kne And than they lya

laysshed to gydyrs many sad sad strokis and trased and

trauersed now bakwarde now sydelynge hurtelynge to

gydyrs lyke ·ij· borys and that same tyme they felle

bothe grovelynge to the erthe // Thus fought stylle with

oute ony reposynge ·ij· owres and neuer brethid And

than sir Palomydes wexed faynte and wery and sir

Helyus waxed passynge stronge and doubeled his

strokes and drove sir Palomydes ovirtwarte and ende//

longe all the fylde Than whan they of the cite saw

sir Palomydes in tis case they wepte and cryed & made

f. 295 (X.64)


grete dole and the oÞer party made as grete Joy // Alas sey//

de the men of the cite that this noble knyght shulde

thus be slayne for oure kynges sake and as they were

thus wepynge and cryynge sir Palomydes whyche had

suffyrde an ·C· strokes and wondir hit was that he stoode

on his fyete So at the laste sir Palomydes loked a boute

as he myght weyakly vnto the comyn people how they

wepte for hym and than he seyde to hym selff A fye for

shame sir Palomydes why hange ye youre hede so lowe

And there with he bare vp his shylde and loked sir Helyus

in the vysoure and smote hym a grete stroke vppon

the helme and aftir that a nothir and a noÞer And Þan

he smote sir Heluys with suche a myght that he felde hym

to the erthe grovelynge and than he raced of hys 

helme frome his hede and so smote of his hede from

the body And than were the people of the cite the

myryest people that myght be So they brought hym

to his lodgynge with grete solempnyte And Þer all the

people be cam his men And than sir Palomydes pray//

de them all to take kepe vnto all the lordeship of kyng

Harmaunce for fayre sirrys wyte you well I may

nat as at this tyme a byde with you for I muste in all

haste be wyth my lorde kynge Arthure at Þe castel

of Loneȝep Than were people full hevy at his de//

partynge for all the cite profyrd sir Palomydes

the thirde parte of Þer goodis so that he wolde a byde

wyth hem But in no wyse as at that tyme he ne

wolde a byde And so sir Palomydes departed & cam

vnto the castell there as Sir Ebell was lyeff te//

naunte And whan they in Þe castell wyste how Sir

Palomydes has sped there was a Joyfull mayne

f. 295v (X.64-5)


And so sir Palomydes departed and cam to the castell of Loneȝep

And whan he knew that sir Trystram was nat Þer he toke hys

way ouer humbir and cam vnto Joyus garde where was sir Trys//

tram and la beall Isode So sir Trystram had commaunded that

what knyght Arraunte cam with in Joyus garde as in the towne

that they sholde warne sir Trystram So Þer cam a man of the

towne and tolde sir Trystram how Þer was a knyght in Þe towne

a passyng goodly man // what maner of man ys he seyde sir Trys//

tram and what sygne beryth he And anone he tolde hym all

the tokyns of hym Be my fayth Þat ys sir Palomydes seyde sir

Dynadan For sothe hit may well be seyde sir Trystram than

go ye sir Dynadan and fecche hym hydir Than sir Dynadan

wente vnto sir Palomydes and there aythir made othir grete

chere and so they lay to gydirs that nyght And on the morn erly

cam sir Trystram and sir Gareth and toke them in Þer beddis and

so they arose and brake Þer faste And than sir Trystram dressed sir

Palomyes vnto the fyldis and woodis And so they were ac//

corded to repose them in the foreyste And whan they had play//

ed them a grete whyle they rode vnto a fayre well & anone

they were ware of an armed knyght cam rydynge a gaynste

them and Þer ayÞer salewed oÞer Than this armed knyght spake

to sir Trystram and asked what were those knyghtes Þat were

lodged in Joyus garde // I wote nat what they ar seyde sir Trys//

tram But what knyghtes be ye for me semyth ye be no knyȝtes

arraunte be cause ye ryde vnarmed // Sir whethir we be knyȝtes

or nat we lyste nat to telle the oure name // why wolt Þou nat

tell me thy name seyde that knyght than kepe the for Þou

shalt dye of myne hondis and there with all he gate his speare

and wolde haue ronne sir Trystram That saw sir Palomy//

des and smote his horse traveyse in myddys the syde that he

smote horse and man spytevously to the erthe And there wyth

f. 296 (X.65)


sir Palomydes a lyght and pulled oute his swerde to haue slayne

hym // Lat be seyde sir Trystram sle hym nat for the knyghte

is but a foole and hit were shame to sle hym But take a way

his speare seyde sir Trystram and lat hym take his horse and

go where that he wyll So whan this knyght arose he groned

sore of the falle and so he gate his horse and whan he was vp

he turned his horse and requyred sir Trystram and sir Palomy//

des to telle hym what knyghtes they were Now wyte Þou well

seyde sir Trystram my name is sir Trystram de lyones and

this knyghtes name is sir Palomydes whan he wyste what he

hyght he toke his horse wyth the spurrys by caus they shulde

nat aske hym his name And so he rode faste a way thorow thicke

and thorow thynne Than cam Þer by them a knyght with a bended

shylde of Assure his name was sir Epynogrys and he cam a

grete walop whoÞer ar ye a way sayde sir Trystram My fayre

lordis seyde sir Epynogys I folow the falsiste knyght Þat beryth

the lyeff where fore I requyre you telle me whethyr ye sye hym

for he beryth a shylde with a case of rede ouer hit So god me helpe

seyde sir Trystram suche a knyght departed frome vs at a quarter

of an owre a gone and Þer fore we pray you to telle vs his na//

me Alas seyde sir Epynogrys why let ye hym ascape from

you and he is so grete a foo vntyll all arraunte knyghtys

whos name is sir Brewnys saunȝe piete A fy for shame seyde

sir Palomydes And alas that euer he a scapyd myne hondis for

he ys the man in the worlde whom I hate moste Than eviry

knyght made grete sorow to othir And so sir Epynogrys departed

and folowed the chace aftir hym Than sir Trystram and hys

iij· felowys rode towarde Joyus garde And there sir Trystram

talked vnto sir Palomydes of ^ the his batayle and how that he had

sped at the rede cite And as ye haue harde a fore so was hyt

ended // Truly seyde sir Trystram I am glad ye haue well sped

f. 296v (X.65)


so ye haue done worshypfully // well seyde sir Trystram we mus//

te forwarde as to morne and than he devysed how it shulde be

And Þer sir Trystram devysed to sende his ·ij· pavelons to set hem

faste by the well of Loneȝep and Þer in shall be the quene la beall

Isode ye sey well seyde sir Dynadan But whan sir Palomydes

herde of that his harte was ravysshed oute of mesure // Not

wythstondynge he seyde but lytyll So whan they cam to

Joyus garde Sir Palomydes wolde nat haue gone In to

the castell but as sir Trystram lad hym by the honde in

to Joyus garde And whan sir Palomydes saw la beall Isode

he was so ravysshed that he myght vnnethe speke So they

wente vnto mete But sir Palomydes myght nat ete

and Þer was all the chire Þat myght be had And so on the morn

they were apparayled for to ryde towarde Loneȝep So syr

Trystram had ·iij· squyars And la beall Isode had ·iij· Jan//

tyll women and bothe the quene and they were rychely appa//

rayled and oÞer people had they none with them but varlettes to

beare Þer shyldis and Þer spearys and thus they rode forthe

And as they rode they saw a fore them a route of knyghtes

And that was sir Galyhodyn with ·xxti· knyghtes with hym // Now

fayre fealowys seyde sir Galyhodyn yondir commyth ·iiij·

knyghtes and a ryche and a well fayre lady And I am in wyll

to take Þat fayre lady from them Sir that is nat beste sey//

de one of them but sende ye to them & a wyte what they

woll say And so they ded And anone Þer cam a squyer vnto sir

Trystram and asked them wheÞer they wolde Juste oÞer ellys

to lose that lady // Nat so seyde sir Trystram But telle your

lorde & bydde hym com as many as we bene & wynne her

and take her // Sir seyde sir Palomydes and hit please

you lat me haue this dede & I shall vndirtake them all ·iiij

Sir I woll Þat ye haue hit seyde sir Trystram at youre

f. 297 (X.65-6)


pleasure // Now go and telle your lorde sir Galyhodyn ^Þat this knyȝt

woll encountir with hym & his felowys So this squyer departed

& tolde sir Galyhodyn than he dressed his shylde & put forth

a speare And sir Palomydes smote sir Galyhodyn so harde

Þat horse & man bothe yode to the erthe & Þer he had an horry//

ble falle And than cam a noÞer knyght and Þe same wyse he

serued hym and so he serued Þe thirde and Þe fourthe Þat he smote

them ouer Þer horse croupes And all wayes sir Palomydes spe//

are was hole Than cam Þer vj· knyghtes mo of sir Galyhody//

nes men and wolde haue bene avenged vppon sir Palomy//

des lat be seyde sir Galyhodyn nat so hardy none of you all

meddyll with this knyght fer he is a man of grete bounte

& honoure And yf he wolde do his vttermuste ye ar nat all

able to deale wyth hym and ryght so they hylde them styll

and euer sir Palomydes was redy to Juste And whan he sawe

they wolde no more he rode vnto sir Trystram // A sir Palo//

mydes ryght well haue ye done and worshypfully as a

good knyght sholde // So this sir Galyhodyn was nyȝe kyn

vnto sir Galahalte the haute prynce And this sir Galyhodyn

was a kynge with in the Contrey of Surluse So as Sir

Trystram with his ·iij·felowys and la beall Isode rode they

saw a fore them ·iiij·knyghtes and euery knyght had his speare

in his honde The fyrst was sir Gawayne The secunde was

sir Vwayne The thirde was sir Sagramour le desyrus And the

iiijte· was sir Dodynas le saueage And whan sir Palomydes

be hylde them that Þe ·iiij· knyghtes were redy to Juste he pray//

de sir Trystram to gyff hym leve to haue a do with them also

longe as he myght holde hym on horse bak And yf that I be

smyttyn downe I pray you revenge me // well seyde syr

Trystram and ye ar nat so fayne to haue worship but I

wolde as fayne encrease youre worshyp And wyth all

f. 297v (X.66)


sir Gawayne put forthe his speare and sir Palomydes a noÞer // And

so they cam egirly to gydyrs Þat sir Palomydes smote hym so harde

that sir Gawayne felle to the erthe horse & all And in Þe same wyse

he serued sir vwayne and sir Dodynas and sir Sagramour and all thes

iiij· knyghtes sir Palomydes smote them downe with dyuerse spearys

And than sir Trystram departed towarde loneȝep And whan they

were departed than cam thydir sir Galyhoyn with his xxti· knyghtes

vnto sir Gawayne and Þer he tolde hym all how he had sped // Be

my trouthe seyde sir Gawayne I mervayle what knyghtes they ben

Þat ar so arayed all in grene And that knyght vppon Þe whyȝte

horse smote me downe seyde sir Galyhodyn and ·iij· of my felo//

wys so ded he me seyde sir Gawayne and my ·iij· felowys And

well I wote seyde sir Gawayne that oÞer he vppon the whyȝte horse

ys sir Trystram othir ellys sir Palomydes and Þat well be seyne

lady is quene Isode And as they talked thus of one thynge & of

er And in Þe meane whyle sir Trystram passed on tyll Þat he cam

to the welle where his pavylyons were sette & Þer they a lyghted

and Þer they sawe many pavylons & grete aray Than sir Trystram

leffte Þer sir Palomydes and sir Gareth with la baall Isode And sir Trys//

tram and sir Dynadan rode vnto Loneȝep to herkyn tydynges And

sir Trystram rode vppon sir Palomydes whyȝte horse And whan

he cam in to the castell sir Trystram harde a grete horne blowe

And to the horne drewe many knyghtes // Than sir Trystrams

asked a knyght what meanyth the blaste of Þat horne Sir seyde

that knyght hit is for all tho Þat shall holde a yenste kynge Ar//

thure at this turnemente // The fyrst ys the kynge of Irelon//

de And the kynge of Surluse And the kynge of lystenoyse the

kynge of northhumbirlonde And Þe kynge of the beste parte of wa//

lys with many oÞer contreys And all thes drewe them to a counceyle

to vndirstonde what gouernaunce they shall be of // But Þe kyng

of Irelonde his name was sir Marhalte that was fadir vnto

f. 298 (X.66-7)


the good knyght sir Marhalte that sir Trystram slew and he had Þe

speache that sir Trystram myght hyre Now lordis and felowis

lat vs loke to oure selff for wyte you well kynge Arthure ys

sure of many good knyghtes oÞer ellys he wolde nat with feaw knyȝtes

haue a do with vs There fore be my rede lat euery knyght haue

a standarde and a Cognyssaunce by hym selff Þat euery knyght may

draw to his naturall lorde And than may euery kynge & Captayne

helpe his knyght yf he haue nede // whan sir Trystram had har//

de all Þer counceyle he rode vnto kynge Arthure for to hyre his

counceyle // But sir Trystram was nat so sone com vnto Þe place

But sir Gawayne and sir Galyhodyn wente vnto kynge Arthure

and tolde hym that Þat same grene knyght in the grene harneyse

with the whyȝte horse smtoe vs ·ij· downe and ·vj· of oure felowys

this same day // well seyde kynge Arthure And than he called sir

Trystram to hym & asked what was his name // As for Þat seyde

sir Trystram ye shall holde me excused as at this tyme ye shall

nat know my name And Þer sir Trystram returned & rode his way

I haue mervayle seyde kynge Arthure that yondir knyght woll

tell me his name But go ye sir Gryfflet and pray hym to speke

with me be twyxt vs twayne // Than sir Gryfflet rode aftir hym

and ouer toke hym And seyde Þat kynge Arthure prayde hym to

speake with hym // Sir vppon this covenaunte seyde sir Trystram

I woll turne a gayne so Þat ye woll ensure me that Þe kynge well

nat desyre to hyre my name I shall vndirtake hit seyde Sir

Gryfflet that he woll nat gretly desyre of you So they rode

to gydirs tyll they cam to kynge Arthure Now fayre sir seyde

kynge Arthure what is Þe cause ye woll nat tell me your name

Sir seyde sir Trystram with oute a cause I wolde nat hyde my

name // well vppon what party woll ye holde seyde kynge Ar//

thure Truly my lorde seyde sir Trystram I wote nat yet on

what party I woll be on vntyll I com to the fylde And there as

f. 298v (X.67-8)


my harte gyvyth me Þer woll I holde me But to morow ye

shall se & preve on what party I shall com and Þer with all he retur//

ned and went to his pavelons And vppon Þe morne they armed

them all in grene & cam in to the fylde & Þer yonge knyghtys

be gan to Juste & ded many worshypfull dedis // Than spake

sir Gareth vnto sir Trystram and prayde hym to gyff hym

leve to breake his speare for hym thought shame to beare

his speare hole a gayne // whan sir Trystram had harde hym

sey so he lowȝe and sayde I pray you do youre beste // Than sir

Gareth gate his speare and profirde to Juste And that sawe a

knyght Þat was neveaw vnto Þe kynge with the ·C· knyghtes his

name was sir Selyses a good knyght and a good man of armys

So this selyses dressed hym vnto sir Gareth And they ·ij·mette

to gydirs so harde that ayÞer smote oÞer downe horse and man

to the erthe And so they were bothe hurte & brused & Þer they

lay tyll Þe kynge with the C· knyghtes halpe vp sir Selyses And sir

Trystram and sir Palomydes halpe vp sir Gareth a yen And

so they rode wyth hym to Þer pavylons And than they pulled

of his helme And whan la beall Isode sawe sir Gareth brused

so in Þe face she asked hym what ayled hym Madame sayde sir

Gareth I had a grete buffette and I suppose I gaff a nothir but

none of my fealowys god thanke hem wolde rescowe me pardens

seyde sir Palomydes hit longyth nat to none of vs at this day

to Juste for Þer hath nat this day Justed no preved knyghtes & whan

the oÞer party saw Þat ye profyrd your self to Juste they sente a passyng

good knyght vnto you for I know hym well his name is sir

Selyses And worshypfull ye mette with hym & neyÞer of you

ar dishonoured and Þer fore refreyshe your selff Þat ye may be redy

& hole to Juste to morne As for that seyde sir Gareth I shall

nat fayle you & I may be stryde myne horse // Now sirs vppon

what party is hyt beste seyde sir Trystram ys hit hit beste to

f. 299 (X.68)


be with all to morne // Sir seyde sir Palomydes ye shall haue my//

ne aduyse to be a yenst kynge Arthure as to morne for on his

party woll be sir Launcelot and many good knyghtes of his blood with

hym and Þe mo men of worship that they be Þe more worshyp

shall we wynne // That is full knyghtly spokyn seyde sir Trys//

tram and so shall hit be ryght as y counceyle me // In the name

of god seyde they all So Þat nyght they were reposed with Þe beste

And in the morne whan hit was day they were arayed all in

grene trapurs bothe shyldis & spearys And la beall Isode in

Þe same coloure & her iij· damesels & ryght thes ·iiij· kn^yghte

cam in to Þe fylde endlynge & thorow And so they lad la beall

Isode thidir as she sholde stande & be holde all the Justes in a

bay wyndow but all wayes she was wympled Þat no man myȝt

se her vysayge And than thes ·iiij· knyghtes rode streyte vnto

the party of the knynge of Scottis // whan kynge Arthure

had seyne hem do all this he asked sir Launcelot what were

this knyghtes and this quene // Sir seyde sir Launcelot I can

nat tell you for no sertayne But yf sir Trystram be in this

contrey or sir Palomydes // Sir wyte you well hit be they

and Þer is quene la beall Isode Than kynge Arthure called

vnto hym sir Kay and seyde go ye lyghtly and wyte how many

knyghtes Þer bene hyre lackynge of the table rounde for by the

segis ye may know So went sir Kay and saw by the wrytynge

in Þe syeges Þat Þer lacked ·x· knyghtes & thes were hir namys

Sir Trystram sir Palomydes sir Percivall sir Gareth sir Gahe//

rys sir Epynogrys sir Mordred sir Dynadan sir la cote male tayle

and sir Pelleas the noble knyght // well seyde kynge Arthur

som of thes I dare vndirtake that ar here this day a yenste

vs // Than cam Þer in ·ij· breÞerne cousyns vnto sir Gawayne Þat

one hyght sir Edwarde And that oÞer hyght sir Sadok the whyche

were ·ij· good knyghtes And they asked of kynge Arthure Þat they

f. 299v (X.68)


myght haue the fyrste Justis for they were of Orkeney I am

pleased seyde kynge Arthure Than sir Edwarde encountirde

with the kynge of Scottis in whos party was sir Trystram and sir

Palomydes and this sir Edwarde of Orkeney smote Þe kynge of

Scottis quyte frome his horse a grete falle And sir Sadoke

smote the kynge of Northe walys downe and gaff hym a won//

dir grete falle Þat there was a grete cry on kynge Arthurs

party And that made sir Palomydes passyngly wrothe And so sir

Palomydes dressed his shylde & his speare and wyth all hys

myght he mette with sir Edwarde of Orkeney & smote hym so har//

de Þat his horse had no myght to stonde on his fyete And so he hur//

led downe to the erthe And than with Þe same speare sir Palomy//

des smote downe Sadok ouer his horse croupe A Jhu seyde kyng

Arthure what knyght ys Þat arayed so all in grene for he Justyth

myghtyly // wyte you well seyde sir Gawayne he ys good knyght

and yet shall ye se hym Juste bettir or he departe And yet shall ye

se a more bygger knyght in the same colour than he is for that

same knyght seyde sir Gawayne that smote downe ryght now

my ·ij· cousyns he smote me downe with in thes ·ij· dayes and ·vij·

felowys mo // This meane whyle as they stood thus talkynge

Þer cam in to the place sir Trystram vppon a blacke horse and or

euer he stynte he smote downe with one speare ·iiij· good knyghtes

of Orkeney Þat were of the kynne of sir Gawayne And sir Gareth

and sir Dynadan eueryche of them smote downe a good knyght A Jhu

seyde Arthure yondir knyght vppon the blcke horse dothe mygh//

tyly and mervaylously // well a byde you seyde sir Gawayne that

knyght on Þe blak horse be gan nat yet Than sir Trystrams

made to horse the ·ij· knyghtes a gayne Þat sir Edwarde and Sir

Sadok had vnhorsed at Þe be gynnynge And than sir Trystram

drew his swerde & rode vnto the thyckyst prease a yenste them

of Orkeney and Þer he son smote downe knyghtes and raced off

f. 300 (X.68-9)


helmys and pulled a way Þer shyldis and hurteled downe many of

Þer knyghtes And so he fared that kynge Arthure and all knyghtes

had grete mervayle to se ony o knyght do so muche dedis of armys

And sir Palomydes fayled nat vppon the oÞer syde Þat he so mervay//

lously ded and well Þat all men had wondir for kynge Arthure

lykened sir Trystram that was on Þe blak horse vnto a wood lyon

And he lykened sir Palomydes vppon the whyght horse vnto a

wood lybarde And sir Gareth and sir Dynadan vnto egir wolvis

But the custom was suche a monge them Þat none of Þe kyngys

wolde help oÞer but all the felyshyp of euery standarde to helpe oÞer

as they myght But euer sir Trystram ded so muche dedis of armys

Þat they of Orkeney wexed wery of hym And so with drew them vnto

Loneȝep Than was Þe cry of herowdys & all maner of comyn

people Þe grene knyght hathe done mervaylously and beatyn

all them of Orkeney And Þer herowdis numbird Þat sir Trystram

Þat was vppon Þe blacke horse had smytten downe with spearys &

swerdis ·xxxti· knyghtes And sir Palomydes had smyttyn downe

xxti·knyghtes & Þe moste party of thes ·l· knyghtes were of Þe house 

of kynge Arthure and preved knyghtes // So god me helpe seyde

kynge Arthur vnto sir Launcelot this is a grete shame to se ·iiij·

knyghtes beat so many knyghtes of myne And Þer fore make you

redy for we woll haue a do with them // Sir seyde sir Launcelot

wyte you well Þat Þer ar ·ij· passynge good knyghtes & grete worship

were hit nat to vs now to haue a do with them for they ar gretly

travayled As for Þat seyde kynge Arthure I woll be a venged ·

And Þer fore take with you sir Bleoberys and sir Ector de marys and

I woll be the fourÞe seyde kynge Arthure // well sir seyde sir Launce//

lot ye shall fynde me redy And my broÞer sir Ector and my cousyn

sir Bleoberys And so whan they were redy and on horse backe

Now chose seyde kynge Arthure vnto sir Launcelot whom Þat

ye woll encountir wyth all // Sir seyde sir Launcelot I woll counter

 f. 300v (X.69)


wyth the grene knyght vppon the blacke horse That was sir

Trystam And my Cousyn sir Bleoberys shall macche Þe grene

knyght vppon Þe whyght horse Þat was sir Palomydes And my

broÞer sir Ector shall macche wyth Þe grene knyght vppon the

dunne horse Þat was sir Gareth Than muste I seyde kynge Arthur

haue a do with Þe grene knyght vppon the Gresylde horse And

Þat was sir Dynadan Now euery man take kepe to his felow sey//

de sir Launcelot and so they trotted on to gydyrs And Þer encountir//

de sir Launcelot a yenst sir Trystram and they smote ayÞer othir

so sore that horse and man yeode to the erthe But sir Launce//

lot wente that hit had be sir Palomydes and so they passed

vtter And than sir Bleoberys encountyrd wyth sir Palomydes

and he smote hym so harde vppon the shylde that sir Palo//

mydes and his whyȝt horse rosteled to the erthe // Than sir

Ector smote sir Gareth so harde that downe he felle frome

his horse And than noble kynge Arthure he encountyrd

wyth sir Dynadan And kynge Arthure smote hym quyte

frome his horse And than the noyse turned a whyle & sey//

de the grene knyghtes were felde downe // whan Þe kyng

of no^rthe galys saw Þat sir Trystram was on foote & than

he remembyrd hym how grete dedis of armys they had

done Than he made redy many knyghtes for the custom

and the cry was suche that what knyght were smytten

downe and myght nat be horsed a gayne by his felowys

othir by his owne strengthe that as that day he sholde be

presonere vnto the party that smote hym downe // So Þer

cam in the kynge of no^rthe galys and he rode streyte

vnto sir Trystram and whan he cam nyȝe hym he a lyȝt

delyvirly and toke sir Trystram hys horse and seyde thus

noble knyght I know Þe nat nothir of what contrey ye be

But for the noble dedis that ye haue done this day take




                                    There my

f. 301 (X.69-70)


there my horse and let me do as well as I may For as Jhu be my

helpe ye ar bettir worthy to haue myne horse than my selff // Gra//

unte mercy seyde sir Trystram and yf I may I shall quyte you and

loke Þat ye go nat far frome vs and as I suppose I shall wynne you

sone a noÞer horse And there wyth all sir Trystram mounte vppon

his horse And a none he mette wyth kynge Arthure and he

gaff hym such a buffet that kynge Arthure had no power to ke//

pe his sadyll And than sir Trystram gaff the kynge of northe

galys kynge Arthurs horse Than was there grete prease

a boute kynge Arthure for to horse hym a gayne But euer sir

Palomydes smote on the ryght honde and on the lyffte honde

and raced of helmys myghtyly as a noble knyght And this meane

whyle sir Trystram rode thorow the thyckyste prece and smote

downe knyghtes on the ryght honde and on the lyffte honde and

raced of helmys and so passed forthe vn to his pavelouns and

leffte sir Palomydes on foote And than sir Trystram chonged

his horse and disgysed hym selff all in rede horse and harnes

And whan quene Isode saw sir Trystram vnhorsed And she wyst

nat where he was be com than she wepte hartely // But sir

Trystram whan he was redy cam daysshynge lyghtly in to the

fylde // And than la beall Isode aspyed hym and so he ded grete

dedis of armys wyth one speare that was grete For sir Trystram

smote downe ·v· knyghtes or euer he stynted Than sir Launcelot aspy//

ed hym redyly that hit was sir Trystram and than he repented

hym of that he had smyttyn hym downe And so sir Launcelot wente

oute of the prees to repose hym and lyghtly he cam a gayne // And

So whan sir Trystram was com in to the prees thorow his grete

forse he put sir Palomydes vppon his horse and sir Gareth and sir

Dynadan and than they be gan to do mervaylously // But sir Pa//

lomydes nothir none of his ·ij·felowys knew nat who had holpen

them to horse bak But euer sir Trystram was nyȝe them and knew

f. 301v (X.70)


them and they nat hym be cause he had chonged in to rede armour

And all this whyle sir Launcelot was a way // So whan la beall

Isode aspyed sir Trystram a gayne vppon his horse bak she was

passynge glad and than she lowȝe and made good chere And as

hit happened sir Palomydes loked vp toward her she was in the

wyndow And sir Palomydes aspyed how she lawȝed and there

wyth he toke suche a rey reioysynge that he smote downe what

wyth his speare and wyth hys swerde all that euer he mette for

thorow the syght of her he was so enamered in her love that

he semed at that tyme that and bothe sir Trystram and sir Laun//

celot had bene both a yenste hym they sholde haue wonne no

worshyp of hym And in his harte as the booke saythe sir Palo//

mydes wysshed that wyth his worshyp he myght haue a do

wyth sir Trystram be fore all men by cause of la beall Isode //

Than sir Palomydes be gan to double his strengthe and he ded

so mervaylously all men had wondir and euer he kaste vp his yee

vnto la beall Isode // And whan he saw her make suche chere

he fared lyke a lyon that there myght no man wyth stonde

hym And than sir Trystram be hylde hym how he styrred a

boute And seyde vnto sir Dynadan so god me helpe sir Palomy//

des ys a passynge well endurynge but suche dedis sawe I

hym neuer do noÞer erste herde I tell that euer he ded so muche

in one day Sir hit is his day seyde sir Dynadan and he wolde

sey no more vnto sir Trystram but to hym self he seyde thus

and sir Trystram knew for whos love he doth all this dedys of

armys sone he wolde a bate his corrage Alas seyde sir Trystram

that sir Palomydes were nat crystynde So seyde kynge Arthur

And so seyde all that be hylde them Than all people gaff hym

the pryse as for the beste knyght that day and he passed sir Laun//

celot othir ellys sir Trystram well seyde sir Dynadan to hym

selff all this worshyp that sir Palomydes hath here thys day

f. 302 (X.70-1)


he may thanke the quene Isode for had she bene a way this day

had nat sir Palomydes gotyn the pryse Ryght so cam in to the

fylde sir Launcelot du lake and sawe and harde the grete noyse

and the grete worshyp that sir Palomydes had he dressed hym

a yenst sir Palomydes wyth a grete speare and a longe and

thought to haue smyttyn hym downe And whan sir Palomydes

saw sir Launcelot com vppon hym so faste he toke his horse wyth

the spurrys and ran vppon hym as faste wyth his swerde And

as sir Launcelot sholde haue strykyn hym he smote the speare

on syde and smote hit a too wyth his swerde And there wyth

sir Palomydes russhed vnto sir Launcelot and thought to haue put

hym to shame And wyth his swerde he smote of his horse nek

that sir Launcelot rode vppon And than sir Launcelot felle to Þe erthe

Than was the cry huge and grete how sir Palomydes the Sa//

resyn hath smyttyn downe sir Launcelotes horse Ryght so there we//

re many knyghtes wrothe wyth w sir Palomydes by cause he

had done that dede and helde there a yenste hit and seyde hyt

was vnknyghtly done in a turnemente to kylle an horse wyl//

fully othir ellys that hit had bene done in playne batayle lyff

for lyff // whan sir Ector de marys saw sir Launcelot his brothir

haue suche a dispyte and so sette on foote Than he gate a spe//

are egirly and ran a yenst sir Palomydes and he smote hym so

harde that he bare sir Palomydes quyte frome his horse · That

sawe sir Trystram and he smote downe sir Ector de marys quyte

frome his horse · Than sir Launcelot dressed his shylde vppon

his shuldir and wyth his swerde naked in his honde and so

he cam streyte vppon sir Palomydes wyte Þou well Þou haste

done me this day the grettyste dispyte that euer ony worship//

full knyght ded me in turnemente othir in Justys and there

fore I woll be avenged vppon the and there fore take kepe

to youre selff A mercy noble knyght seyde sir Palomydes of

f. 302v (X.71)


my dedis and Jantyll knyght for gyff me myne vn knyghtly de//

dis for I haue no power nothir myght to wythstonde you // And

I haue done so muche this day that well I wote I ded neuer so mu//

che nothir neuer shall do so muche in my dayes // And there fore

moste noble knyght of the worlde I requyre the spare me as

this day and I promyse you I shall euer be youre knyght whyle

I lyve For and yf ye put me from my worshyp now ye put

me from the grettyst worship that euer I had or euer shall haue

well seyde sir Launcelot I se for to say the sothe ye haue done

mervaylously well this day and I vndirstonde a parte for whos

love ye do hit and wel I wote that love is a grete masystry//

And yf my lady were here as she is nat // wyte you well sir

Palomydes ye shulde nat beare a way the worshyp But be

ware youre love be nat discouerde for and sir Trystram may

know hit ye woll repente hit and sytthyn my quarell is nat

here ye shall haue this day the worshyp as for me consyde//

rynge the grete travayle and payne that ye haue had this

day hit were no worship for me to put you frome hit // And

there wyth all sir Launcelot suffyrd sir Palomydes to departe

Than sir Launcelot by grete forse and myght gate ^his horse a gay//

e magre ·xxti knyghtes // So whan sir Launcelot was horsed

he ded many mervaylouse dedis of armys And so ded sir Trys//

tram and sir Palomydes in lyke wyse Than sir Launcelot smo//

te a downe wyth a speare sir Dynadan and the kynge off

Scotlonde And the kynge of northe walys And the kynge

of northumbirlonde And the kynge fo lystenoyse // So than

sir Launcelot and his felowys smote downe well nye a fourty

knyghtes Than cam the kynge of Irelonde And the kynge of

the streyte marchis to rescowe sir Trystram and sir Palomy//

des and there be gan a grete medle and many knyghtys

were smyttyn downe on bothe partyes And all wayes sir

f. 303 (X.71)


Launcelo spared sir Trystram and he spared hym And sir Palo//

mydes wolde nat meddyll wyth sir Launcelot and so there was

hurlynge here and there And than kynge Arthure sente oute

many knyghtes of the table rounde And sir Palomydes was euer 

in the formyste frunte And sir Trystram ded so strongly that

the kynge and all othir had mervayle And than the kynge

let blowe to lodgynge And by cause sir Palomydes be ganne

fyrste and neuer he wente nor rode oute of the fylde to repose

hym but euer he was doynge on horse bak othir on foote and

lengyst durynge kynge Arthure and all the kny kynges gaff

sir Palomydes the honoure and the gre As for that day Than

sir Trystram commaunded sir Dynadan to fecche the quene la

beall Isode and brynge her to his ·ij· pavelons by the well //

And so sir Dynadan ded as he was commaunded But whan sir

Palomydes vndirstoode and knew that sir Trystram was he that

was in the rede armour and on the rede horse wyte you well

that he was glad And so was sir Gareth and sir Dynadan for all

they wente that sir Trystram had be takyn presonere And Þan

euery knyght drew to his Inne And than kynge Arthure and

euery kynge spake of the knyghtes but of all men they gaff sir

Paloydes the pryce And all knyghtes that knew sir Palo//

mydes had wondir of his dedis Sir seyde sir Launcelot vnto

kynge Arthure as for sir Palomydes and he be the grene

knyght I dare say as for this day he is beste worthy to haue

the gre for he reposed hym neuer nor euer chaunged hys

wedis and he be gan fyrste and lengyste hylde on And yet

well I wote seyde sir Launcelot that there was a better knyȝt

than he and that ye shall preve or we departe from them of

my lyff Thus they talkd on aythir party And so sir Dynadan

rayled wyth sir Trystram and sayde what the devyll ys

vppon the this day for sir Palomydes strengthe fyeblede




                                                sir ectors neuer

f. 303v (71-2)


neuer this day but euer he doubled And sir Trystram fared all

this day as he had bene on slepe And there fore I calle

hym a coward // well sir Dynadan seyde sir Trystram I

was neuer called cowarde or now of earthely knyght in

my lyff And wyte Þou well sir Dynadan though sir

Launcelot gaff me a falle for I oute cepte hym of all

knyghtes And doute ye nat sir Dynadan and sir Launcelot haue

a quarell good he is to ouer good for ony knyght that now ys

lyvynge And yet of his sufferaunce larges bounte and curtesy

I calle hym a knyght pyerles And so sir Trystram was in ma//

ner wrothe wyth sir Dynadan But all this langayge sir

Dynadan sayde be cause he wolde angur sir Trystram for

to cause hym to wake hys spretes for well knew sir Dynadan

that and sir Trystram were thorowly wrothe sir Palomydes

shulde wynne no worship vppon the morne And for thys

entente sir Dynadan seyde all this raylynge langage

a yenste sir Trystram Truly seyde sir Palomydes as for sir

Launcelot of noble knyghthode and of his curtesy proves

and Jantylnes I know nat his piere for this day seyde sir

Palomyde I ded full vncurteysly vnto sir Launcelot and full

vnknyghtly // And full knyghtly and curteysly he ded to

me a gayne for and he had bene ^so of vn Jantyll to me as

I was to hym this day had I wonne no worshyp And there

fore seyde sir Palomydes I shall be sir Launcelottis knyght

whyles that I lyve And all this was talkynge off in all

the howsis of the kynges And all kynges and lordis and

knyghtes seyde of clyere knyghthode and of pure strengthe

and of bounte and of curtesy Sir Launcelot and sir Trys//

tram bare the pryce of all knyghtes that euer were in kyng

Arthurs dayes And there were no knyghtes in kynge Ar//

thurs dayes that ded halff so many dedis of armys as they

f. 304 (X.72-3)


ij· ded as the booke seyth no ·x· knyghtes ded nat halff the

dedis that they ded And there was neuer knyght in there

dayes that requyred sir Launcelot othir ellys sir Trystram of

ony queste so hit were nat to there shame but they parfor//

med there desyre // So on the morne Sir Launcelot departed

and Sir Trystram was redy and la beall Isode wyth sir

Palomydes and Sir Gareth and so they rode all in grene

full freysshely be sayne vnto the foreyste And Sir Trys//

tram laffte Sir Dynadan slepynge in his bedde And so as

they rode hit happened the kynge and sir Launcelot stode in

a wyndow and saw Sir Trystram ryde and la beall Isode

Sir seyde sir Launcelot yondir rydyth the fayreste lady of

the worlde excepte youre quene dame Gwenyuer who ys

that seyde kynge Arthure Sir seyde he hit is quene Isode

that oute take my lady youre quene she ys makeles Take

youre horse seyde kygne Arthure and aray you at all ryȝtes

as I woll do And I promyse you seyde the kynge I woll se

her And anone they were armed and horsed and aythir toke

a speare and rode vnto the foreyste // Sir seyde sir Launce//

lot hit is nat good that ye go to nyȝe them for wyte you

well there ar ·ij·as good knyghtes as ony now ar lyvynge

And there fore sir I pray you be nat to hasty // For paradven//

ture there woll be som knyghtes that woll be displeased

and we com suddeynly vppon them As for that seyde kyng

Arthure I woll se her for I take no forse whom I gryeve

Sir seyde sir Launcelot ye put youre selff in grete Juparde

As for that seyde the kynge we woll take the adventure

Ryght so anone the kynge rode evyn to her and seyde

god you save // Sir she seyde ye are well com Than the

kynge be hylde her and lyked her wondirly well // So wyth

that cam sir Palomydes vnto kynge Arthure and seyde Þou

f. 304v (X.73)


vncurteyse knyght what sekyst Þou here for Þou art vncurteyse

to com vppon a lady thus suddeynly there fore wth drawe

the // But kynge Arthure toke none hede of Sir Palomydes

wordys but euer he loked stylle vppon quene Isode Than was sir

Palomydes wrothe And there wyth he toke a speare and cam

hurtelynge vppon kynge Arthure and smote hym downe with

a speare a grete fe falle // whan Sir Launcelot saw that des//

pyte of Sir Palomydes he seyde to hym selff I am lothe to haue

a do wyth yondir knyght and nat for his owne sake but for sir

Trystrams And of one thynge I am sure of hym yf I smyte

downe Sir Palomydes I muste haue a do wyth Sir Trystram

and that were to muche to macche them bothe for me a lone for

they ar ·ij· noble knyghtes nat wythstondynge whethir I lyve or

dye nedys muste I revenge my lorde Arthure And so I woll

what som euer be falle me And there wyth all Sir Launcelot &

Sir Palomydes russhed to gydyrs wyth ·ij· spearys strongly

But Sir Palomydes so harde that he wente quyte oute of his

sadyll and had a grete falle // whan Sir Trystram saw sir Palo//

mydes haue that falle he seyde to Sir Launcelot sir knyght kepe

the for I muste Juste the As for to Juste wyth me seyde sir Launce

lot I woll nat fayle you for no drede that I haue of you but

I am lothe to haue a do wyth you and I myght chose for I woll Þat

ye wyte that I muste revenge my speciall lorde and my moste

be drad frynde that was vnhorsed vnwarely and vknyghtly

And there fore sir thouȝe I revenge that falle take ye no disple//

sure for he is to me suche a frynde that I may nat se hym sha//

med // anone Sir Trystram vndirstood by his persone and by his

knyghtly wordis hit was Sir Launcelot du lake And truly sir

Trystram demed that hit was kynge Arthure tha Sir Palo

mydes had smyttyn downe And than Sir Trystram put hys

speare frome hym And gate Sir Palomydes a gayne on his

f. 305 (X.73)


horse backe And Sir Launcelot gate kynge Arthure a gayne

to horse backe and so departed So god me helpe seyde Sir Trys//

tram vnto Sir Palomydes ye ded nat worshypfully whan

ye smote downe that knyght so suddeynly as ye ded And wyte

you well ye ded youre selff grete shame for the knyghtes came

hyddir of there Jantylnes to se a fayre lady and that ys euery good

knyghtes parte to be holde a fayre lady and ye had nat a do to

play suche maystryes for my lady wyte Þou well hit woll tur//

ne to angir for he that ye smote downe was kynge Arthure

and that othir was the good knyght Sir Launcelot But I shall

nat for gete seyde Sir Tystram the wordys of Sir Launce//

lot whan that he called hym a man of grete worshyp And there

by I wyste that hit was kynge Arthure And as for Sir Launce//

lot and there had bene an ·C· knyghtes in the medow he wolde

nat a refused hem and yet he seyde he wolde refuse me And by

that a gayne I knew that hit was Sir Launcelot for euer he for

beryth me in euery place and shewyth me grete kyndenes And of

all knyghtes I oute take none say what men wyll say he bearyth

the floure assay hym who som euer wyll and he be well angred

and that hym lyst to do his vtteraunce wyth oute ony favoure

I know hym nat on lyve but Sir Launcelot ys ouer harde ouer hym

take hym bothe on horse backe and on foote // Sir I may neuer be

lyeve seyde Sir Palomydes that kynge Arthure woll ryde so

pryvaly as a poure arraunte knyght A sayd Sir Trystrams

ye know nat my lorde kynge Arthure for all knyghtes may lerne

to be a knyght of hym And there fore ye may be sory seyde Sir

Trystram of youre vn knyghtly dedys done to so noble a knyght

And a thynge sir be done hit can nat be vndone seyde Sir Palo//

mydes Than Sir Trystram sente quene Isode vnto her lodgyng

in to the pryory there to be holde all the turnemente




¶ here begynneth the second book of sire Tristram / how syre Tristram smote doune kyng Arthur & sir Vwayne / by cause he wold not telle hem wherfor that shelde was made / But to say the sothe sire Tristram coude not telle the cause / for he knewe it not

¶ The tenth book

¶ Capitulum primum

ANd yf so be ye can descryue what ye bere / ye ar worthy to bere the armes / As for that said syr Tristram I wille ansuere you / this sheld was yeuen me / not desyred / of quene Morgan le fay And as for me I can not descryue these armes for it is no poynt of my charge / and yet I truste to god to bere hem with worship / Truly sayd kynge Arthur ye oughte not to bere none armes / but yf ye wist what ye bare / But I pray you telle me youre name / to what entente said syre Tristram / for I wold wete said Arthur / Syre ye shalle not wete as at this tyme / thenne shalle ye and I doo bataille to gyders sayd Kyng Arthur / why said syre Tristram wylle ye doo bataille with me but yf I telle you my name / and that lytyl nedeth you and ye were a man of worshyp / for ye haue sene me thys day haue had grete traueylle / And therfore ye are a vylaynous knyght to aske bataille of me consyderynge my grete traueylle / how be hit I wyl not fayle you / and haue ye no doubte that I feare not you / though ye thynke ye haue me atte a grete auauntage / yet shalle I ryght wel endure you / And there with all kynge Arthur dressid his shelde and his spere and syre Tristram ageynst hym / and they came soo egerly to gyders / And there kynge Arthur brake his spere all to pyeces vpon syr Tristrams shelde / But sir Tristram hitte Arthur ageyne that hors and man felle to the erthe / And there was kynge Arthur wounded on the lyfte syde a grete wounde and a peryllous / Thenne whanne sir Vwayne sawe his lord Arthur lye on the ground sore wounded he was passynge heuy / And thenne he dressid his shelde and his spere / and cryed Page  413 [leaf 207r] alowde vnto syr Tristram and said knyght defende the / So they came to gyder as thonder / and syr Vwayne brysed his spere / alle to pyeces vpon syre Tristrams shelde / and syre Tristram smote hym harder and sorer with suche a myȝt that he bare hym clene oute of his sadel to the erthe / with that syr Tristram torned aboute and said Fair knyghtes / I had no nede to Iuste with you / for I haue had ynough to doo this daye / Thenne arose Arthur / and wente to syr Vwayn and said to sire Tristram we haue as we haue deserued / For thurgh our orgulyte we demaunded bataille of you / and yet we knewe not youre name / Neuertheles by seynt crosse said syre Vwayne he is a stronge knyght at myn aduyse as ony is now lyuyng / Thenne sir Tristram departed / and in euery place he asked & demaunded after sir Launcelot / but in no place he coude not here of hym whether he were dede or on lyue / wherfor sir tristram made grete dole and sorowe / Soo syr Tristram rode by a forest and then̄e was he ware of a fayre toure by a mareyse on that one syde / and on that other syde a fayr medowe / And there he sawe ten knyghtes fyghtynge to gyder / And euer the nere he came / he sawe how ther was but one knyght dyd bataille ageynst nyne knyghtes / and that one dyd soo merueyllously that syre Tristram had grete wonder that euer one knyȝt myght doo soo grete dedes of armes / and thenne within a lytell whyle he had slayne half their horfes / and vnhorsed them / and their horses ranne in the feldes and foreste / Thenne syre Tristram had soo grete pyte of that one knyght that endured soo grete payne / and euer he thought hit shold be syr palomydes by his shelde / and soo he rode vnto the knyghtes and cryed vnto them / and bad them seace of their bataille / for they did them self grete shame soo many knyghtes to fyghte with one / Thenne ansuerd the maister of tho knyghtes / his name was called Breuse saunce pyte that was atte that tyme the mooste meschyeuoust knyght lyuynge / and said thus / syr knyȝt what haue ye ado with vs to medle / And therfor and ye be wyse/ departe on your way as ye cam / for this knyghte shalle not escape vs / that were pyte said syr Tristram that soo good a knyght as he is shold be slayne soo cowardly / And therfore I warne you I will socoure hym with all my puyssaunce Page  414 [leaf 207v]

¶ Capitulum secūdum

SO syre Tristram alyghte of his hors by cause they were on foote that they shold not slee his hors / And thēne dressid his sheld with his swerd in his hand / and he smote on the ryght hand and on the lyfte hand passyng sore that wel nygh at euery stroke he strake doun a knyght / And when they aspyed his strokes / they fled all with Breuse saūce pyte vnto the toure / & sir Tristram folowed fast after with his suerd in his hand / but they escaped in to the toure / and shytte sire Tristram withoute the gate /

¶ And whanne sire Tristram sawe this / he retorned abak vnto syr Palomydes / and fond hym syttyng vnder a tree sore wounded / A faire knyght saide syre Tristram wel be ye fonde / Gramercy said sir palomydes of your grete goodenes / for ye haue rescowed me of my lyf and saued me from my dethe / what is your name said sir Tristram / he said my name is syr Palomydes / O Ihesu said syr Tristrā thou hast a fayre grace of me this daye / that I shold rescowe the / and thou arte the man in the world that I mooste hate / but now make the redy / for I will doo bataille with the / what is your name sayd palomydes / my name is sir Tristram your mortal enemy / hit may be soo said sir palomydes / But ye haue done ouer moche for me this day that I shold fyghte with you / for in as moche as ye haue saued my lyf / hit wille be no worship for you to haue adoo with me / for ye are fressh and I am wounded sore / And therfor and ye wille nedes haue ado with me / Assigne me a day and thenne I shal mete with you withoute fayle / ye saye wel said sir Tristram / Now I assigne you to mete me in the medowe by the ryuer of Camelot / where Merlyon sette the peron / soo they were agreed / Thenne sir Tristram asked syr Palomydes why the ten knyghtes dyd bataill with hym / for this cause said sir palomydes / as I rode vp myn aduentures in a forest here besyde / I aspyed where laye a dede Knyght / and a lady wepynge besyde hym / And whanne I sawe her makynge suche dole / I asked her who slewe her lorde

¶ Syre she said the falsest knyght of the world now lyuyng and he is the moost vylayne that euer man herd speke of / Page  415 [leaf 208r] and his name is sir Breuse saunce pyte / thenne for pyte I made the damoysel to lepe on her palfroy / and I promysed her to be her waraunt / and to helpe her to entyere her lord / And soo sodenly as I came rydynge by this toure / there came oute syr Breuse saunce pyte / and sodenly he strake me from my hors / And thenne or I myghte recouer my hors / this sir Breuse slewe the damoysel / and soo I took my hors ageyne / and I was sore ashamed / and so beganne the medle betwixe vs / and this is is the cause wherfore we dyd this bataille / Well said sir tristram now I vnderstande the maner of your bataiylle / but in ony wyse haue remembraunce of your promyse that ye haue made with me to doo bataille with me this day fourtenyght / I shal not fayle you said sir Palomydes / wel said sir Tristram as at this tyme I wille not fayle you tyl that ye be oute of the daūger of your enemyes / So they mounted vpon theyr horses / & rode to gyders vnto that foreste / and there they fond a fayre welle / with clere water burbelynge / fayr sir said sir Tristram to drynke of that water haue I courage / and thenne they alyght of their horses / And thenne were they ware by them where stood a grete hors teyed to a tree / and euer he neyhed And thenne were they ware of a fayr knyght armed vnder a tree lackyng no pyece of harneis saue his helme lay vnder his heede / By the good lord said sir Tristram yonder lyeth a wel farynge knyght / what is best to doo / Awake hym said sir palomydes / so sir Tristram awaked hym with the but of his spere / And soo the knyght arose vp hastely and putte his helme vpon his hede / and gat a grete spere in his hand / and without ony moo wordes he hurled vnto sir Tristram / and smote hym clene from his sadel to the erthe / and hurte hym on the lyfte syde that sir Tristram lay in grete perylle / Thenne he wallopped ferther / and sette his cours / and came hurlynge vpon sir palomydes / and there he strake hym a parte thorou the body that he fylle from his hors to the erthe /

¶ And thenne this straunge knyght lefte them there / and took his way thurgh the foreste / With this sir Palomydes and sire Tristram were on foote and gat their horses ageyn / and eyther asked counceylle of other / what was best to done / By my hede said sir Tristram I wyll folowe this strong knyght that thus hath shamed vs /

¶ Well Page  416 [leaf 208v] said sir Palomydes / & I wylle repose me here by with a frend of myn / Beware said sire Tristram vnto Palomydes that ye fayle not that day ye haue set with me to do bataill / for as I deme ye wille not hold your day / for I am moche bygger than ye / As for that said sir Palomydes / be hit as hit be maye for I feare you not / For and I be not seke nor prysoner I wil not fayle you /But I haue cause to haue moche more doubte of you that ye wille not mete with me/ for ye ryde after yonder strong knyght / And yf ye mete with hym / hit is an hard aduenture and euer ye escape his handes / Ryght soo sir Tristram and sir Palomydes departed / and eyther took their wayes dyuerse

¶ Capitulum iij

ANd so syre Tristram rode longe after this stronge knyght / And at the laste he sawe where lay a lady ouerthwarte a dede knyght / Faire lady said sir Tristram who hath slayne your lord / Syr she said here came a knyght rydyng as my lord and I rested vs here / and asked hym of whens he was / and my lord said of Arthurs courte / therfore said the stronge knyght I wille Iuste with the / for I hate alle these that ben of Arthurs Courte / And my lord that lyeth here dede amounted vpon his hors / and the stronge knyght and my lord encountred to gyder / and there he smote my lord thorugh oute with his spere / and thus he hath broughte me in grete woo and dammage / That me repenteth said sire Tristram of your grete anger / and hit please you / telle me your husbandes name / syr said she his name was Galardoun that wold haue preued a good knyghte / Soo departed sir Tristram from that dolorous lady and hadde moche euylle lodgyng / Thenne on the thyrdde day syr Tristram mette with syr Gawayne and with sir Bleoberys in a forest at a lodge and eyther were sore wounded / Thenne syre Tristram asked syr Gawayne and syr Bleoberys yf they met with suche a Knyghte with suche a cognoyssaunce with a keuerd shelde / Faire syr said these knyghtes suche a knyght met with vs to oure grete dommage / & fyrst he smote doune my felawe syre Bleoberys & sore woūded Page  417 [leaf 209r] hym / by cause he badde me I shold not haue ado with hym For why he was ouer stronge for me / That strong knyght toke his wordes at scorne and said he said it for mockery / And thenne they rode to gyders / and soo he hurte my felawe / And whan he had done so / I myght not for shame / but I must Iuste with hym / And at the fyrst course he smote me doune / and my hors to the erthe / And there he had al moost slayne me / and from vs he took his hors / and departed / and in an euyll tyme we mette with hym / Faire knyghtes said sir Tristram soo he mette with me / and with another knyght that hyght Palomydes / and he smote vs bothe doune with one spere / and hurt vs ryght sore / By my feythe said sir Gawayne by my counceil ye shalle lete hym passe / and seke hym no ferther / for at the nexte feest of the round table vpon payne of my hede ye shalle fynde hym there / By my feythe said sir Tristram I shall neuer reste tyl that I fynde hym / And thenne sir Gawayne asked hym his name / thenne he said my name is sir Tristram / and so eyther told other their names / and thenne departed syr Tristram / and rode his way / And by fortune in a medowe sire Tristram mette with sir Kay the seneschal and sir Dynadan / What tydynges with you said sir Tristram with you Knyghtes / Not good said these knyghtes / why soo said sir Tristram I praye you telle me / for I ryde to seke a knyght / what cognoyssaunce bereth he said sir Kay / He bereth said sir Tristram a couerd sheld close with clothe / By my hede said sir Kay that is the same Knyght that mette with vs / for this nyght we were lodged within a wydowes hous / and there was that knyght lodged / And whanne he wyst we were of Arthurs court / he spak grete vylonye by the kynge / and specially by the Quene Gueneuer /

¶ And thenne on the morne was waged bataille with hym for the cause / And at the fyrst recoūtre said sir kay he smote me doune from my hors / and hurte me passynge fore / And whanne my felawe syr Dynadan sawe me smyten doune and hurte / he wold not reuenge me / but fledde from me / And thus is he departed / And thenne sir Tristram asked them theyr names / and soo eyther told other their names / And soo syre Tristram departed from syr kay / and from sir Dynodan / and so he past thurgh a grete forest in to a playne tyl he was ware Page  418 [leaf 209v] of a pryory / and there he reposed hym with a good man fyxe dayes

¶ Capitulum quartum

ANd thenne he sente his man that hyght Gouernaile / & commaunded hym to goo to a Cyte there by to fetche hym newe harneis / for hit was long tyme afore that / that syre Tristram had ben refresshed / his harneis was brysed & broken And whanne Gouernaile his seruaunt was come with his apparail / he toke his leue at the wydowe / and mounted vpon his hors / and rode his way erly on the morne / And by sodeyn aduenture syr Tristram mette with sir Sagramore le desyrus / & with syre Dodynas le saueage / And these two knyghtes mette with syre Tristram and questyoned with hym / and asked hym yf he wold Iuste with hem / Faire knyghtes said sir Tristram with a good wylle I wold Iuste with you / But I haue promysed at a day sette nere hand to do bataille with a strong knyght / And therfore I am lothe to haue adoo with you / for and hit mysfortuned me here to be hurte I shold not be able to doo my bataille / whiche I promysed / As for that said Sagramor maulgre your hede ye shalle Iuste with vs / or ye passe from vs / well said syr Tristram / yf ye enforce me therto I must doo what I may / And thenne they dressid their sheldes / and came rennynge to gyder with grete yre / But thurgh syr Tristrams grete force he strake syr Sagramor from his hors / Thenne he hurled his hors ferther / and said to sir Dodynas / knyȝte make the redy / and soo thorou fyne force syre Tristram strake Dodynas from his hors / And whanne he sawe hem lye on the erthe / he took his brydel / and rode forth on his way and his man Gouernaile with hym / Anone as sir Tristram was paste syr Sagramore and sir Dodynas gate ageyne their horses / & mounted vp lyghtely and folowed after sir Tristram / And whan syre Tristram sawe them come soo fast after hym / he retorned with his hors to them / and asked them what they wold Hit is not longe ago sythen I smote you to the erthe at your owne request / and desyre / I wold haue ryden by you / but ye wold not suffre me / and now me semeth ye wold doo more bataille with me / That is trouthe said sire Sagramore and syre Page  419 [leaf 210r] Dodynas / for we wille be reuengyd of the despyte ye haue done to vs / Faire knyghtes said sir Tristram that shall lytyl nede you / for all that I dyd to you / ye caused hit / wherfore I requyre you of your knygthode leue me as at this tyme / for I am sure and I doo bataille with you I shalle not escape with oute grete hurtes / and as I suppose ye shalle not escape alle lotles / And this is the cause why I am soo loth to haue ado with you / For I must fyghte within these thre dayes with a good knyght and as valyaunt as ony is now lyuynge / and yf I be hurte I shalle not be able to doo bataille with hym / What Knyght is that said sir Sagramor that ye shalle fyghte with alle / Syrs said he it is a good knyght called sir Palomydes / By my hede said sir Sagramor and sire Dodynas ye haue cause to drede hym / for ye shall fynde hym a passyng good knyght / and a valyaunt / And by cause ye shalle haue ado with hym / we wille forbere you as at this tyme / and els ye shold not escape vs lyghtely / But fayr knyght said sir Sagramour telle vs your name / Syr said he my name is sir Tristram de lyones / A said Sagramor and sir Dodynas well be ye fonde / for moche worship haue we herd of you / And thenne eyther took leue of other / and departed on their way /

¶ Capitulum v

THenne departed sire Tristram and rode streyghte vnto Camelot to the Peron that Merlyn had made to fore where sire Lancyor that was the Kynges sone of Irland was slayne by the handes of Balyn / and in that same place was a fayr lady Columbe slayn that was loue vnto sir Lanceor for after he was dede she took his suerd and threst hit thorou her body / And by the crafte of Merlyn he made to entiere this knyght Lanceor and his lady Columbe vnder one stone / And at that tyme Merlyon profecyed / that in that same place shold fyghte two the best knyghtes that euer were in Arthurs dayes / and the best louers /

¶ Soo whanne syre Tristram came to the tombe where lancyor and his lady were buryed / he Page  420 [leaf 210v] loked aboute hym after sir Palomydes / Thenne was he ware of a semely knyght came rydyng ageynst hym all in whyte / with a couerd shelde / Whanne he came nyghe sir Tristram he said on hyghe ye be welcome syr Knyght / and wel and truly haue ye hold your promyse / And thenne they dressid their sheldes and speres / and came to gyders with alle their myghtes of their horses / and they met so fyersly that bothe their horses and Knyghtes fylle to the erthe / And as fast as they myȝte auoyded theyre horses / and putte their sheldes afore them / and they strake to gyders with bryght swerdes as men that were of myght / and eyther woūded other wonderly sore that the blood ranne out vpon the grasse / And thus they fought the space of four houres / that neuer one wold speke to other one word / & of their harneis they had hewen of many pecys / O lord Ihesu said Gouernaile I merueyle gretely of the strokes my maister hath yeuen to your mayster / By my hede said sir Laūcelots seruaunt your maister hath not yeuen so many but your maister hath receyued as many or more / O Ihesu saide Gouernaile it is to moche for sir palomydes to suffre or sir Launcelot / And yet pyte it were that eyther of these good knyghtes shold destroye others blood / Soo they stode and wepte bothe / and made grete dole / whan they sawe the bryghte swerdes ouer couerd with blood of their bodyes / Thenne at the last spake syr launcelot and said knyght thou fyghtest wonderly wel / as euer I sawe knyght / therfor and hit please you telle me your name / Syr saide syre Tristram that is me lothe to telle ony man my name / Truly said sir launcelot and I were requyred I was neuer loth to telle my name / Hit is wel said said sir Tristram thenne I requyre you to telle me your name / fayr knyghte he said my name is sir launcelot du lake / Allas said sire Tristram what haue I done / for ye are the man in the world that I loue best / Faire knyght said sir Launcelot telle me your name Truly said he my name is sir Tristram de lyones / O Ihesu said sir launcelot what aduenture is befalle me / And there with syr launcelot kneled doune and yelded hym vp his suerd And there with alle sir Tristram kneled adoune / and yelded hym vp his suerd / And soo eyther gaf other the degree / And thenne they bothe forth with all went to the stone / and set them Page  421 [leaf 211r] doune vpon hit / and toke of their helmes to kele them / and eyther kyst other an honderd tymes / And thenne anone after they took of their helmes and rode to Camelot / and there they mette with sir Gawayne and with sir Gaherys that had made promyse to Arthur neuer to come ageyne to the court tyl they had brought syr Tristram with them

¶ Capitulum sextum

REtorne ageyne said sir launcelot for your quest is done / for I haue mette with sir Tristram / loo here is his owne persone / Thenne was syr Gawayne gladde / and said to sire Tristram ye are welcome / for now haue ye easyd me gretely of my labour / For what cause said sir Gawayne came ye in to this courte / Fair sir said sir Tristram I came in to thys countrey / by cause of syr Palomydes / for he and I had assygned at this day to haue done bataille to gyders at the Peroun And I merueyle I here not of hym / And thus by aduentur my lord syre Laūcelot and I mette to gyders / With this came Kynge Arthur / And whan he wyst that there was sir Tristram / thenne he ranne vnto hym and toke hym by the hand / And saide sire Tristram ye are as welcome as ony Knyghte / that euer came to this Courte / And whanne the Kynge had herd how sire Launcelot and he had foughten / and eyther had wounded other wonderly sore / thenne the Kynge maade grete dole / Thenne sir Tristram told the Kynge how he came thydder for to haue had adoo with sire Palomydes / And thenne he told the kynge how he had rescowed hym from the nyne knyghtes and Breuse saunce pyte / And how he fond a Knyght lyeng by a well / and that Knyght smote doune sir Palomydes and me / but his sheld was couerd with a clothe / Soo sir Palomydes lefte me / and I folowed after that Knyghte / and in many places I fonde where he had slayne Knyghtes / and foriusted many / By my hede said sir Gawayne that same Knyghte smote me doun and sire Bleoberys and hurte vs sore both / he with the couerd shelde / A sayd sir Kay that Knyght smote me adoune & hurte me passynge sore / & fayne wolde I haue knowen hym but I myȝt not / Ihesu mercy said Arthur what Page  422 [leaf 211v] knyghte was that with the couerd shelde / I knowe not saide sir Tristram / and so said they all / now said kyng Arthur thenne wote I for it is sir laūcelot / theēne they al loked vpon sir laūcelot & said ye haue begyled vs with your couerd shelde / Hit is not the fyrst tyme said Arthur he hath done soo / My lord sayd sir Launcelot truly wete ye wel I was the same knyght that bare the couerd shelde / And by cause I wold not be knowen that I was of your Courte I said no worship of your hows That is trouthe said sir Gawayne / sir kay / and sir Bleoberys Thenne kynge Arthur took sir Tristram by the hand / & wente to the table round / Thenne came Quene Gueneuer and many ladyes with her / and alle tho ladyes sayden at one voyce / welcome sir Tristram / welcome said the damoysels / welcome sayd knyghtes / welcome said Arthur for one of the best knyghtes / and the gentylst of the world / and the man of mooste worship / for of alle maner of huntynge thou berest the pryce / and of alle mesures of blowynge thou arte the begynnynge / and of alle the termes of huntyng and haukyng ye are the begynner / of all Instrumentest of musyke ye ar the best / therfor gentyl knyght said Arthur ye are welcome to this courte / And also I pray you said Arthur graunte me a bone / it shall be at your commaundement said Tristram / wel said Arthur I will desyre of you that ye wille abyde in my courte / Syr saide syre Tristram therto is me lothe / for I haue adoo in many countreyes / Not soo said Arthur / ye haue promysed hit me / ye maye not say nay / Syr said sir Tristram I wille as ye wille / Thenne wente Arthur vnto the seges about the round table / and loked in euery syege / the whiche were voyde that lacked knyghtes / And thenne the kynge sawe in the siege of Marhaus letters that saiden / this is the syege of the noble knyght sir Tristram / And thenne Arthur made sir Tristram knyght of the table round with grete nobley and grete feest as myghte be thought / for sir marhaus was slayne by the handes of sire Tristram in an yland / and that was wel knowen at that tyme in the courte of Arthur / for this marhaus was a worthy knyght / And for euylle dedes that he dyd vnto the countrey of Cornewaile / sire Tristram and he foughte / And they foughte soo longe tracynge and trauercynge tylle they fylle bledynge Page  423 [leaf 212r] to the erthe / for they were so sore wounded that they myght not stande for bledynge / and sir Tristram by fortune recouerd and syre Marhaus dyed thurgh the stroke on the hede / Soo leue we of sir Tristram and speke we of Kyng Marke /

¶ Capitulum vij

THenne Kynge Marke had grete despyte of the renoume of sir Tristram / and Thanne he chaced hym oute of Cornewaile / yet was he neuewe vnto Kynge Marke / but he had grete suspecyon vnto sire Tristram by cause of his Quene la Beale Isoud / for hym semed that there was to moche loue bitwene them bothe / Soo whan sir Tristram departed oute of Cornewaile in to Englond / kynge marke herd of the grete prowesse that sir Tristram dyd there / the whiche greued hym sore / Soo he sente on his party men to aspye what dedes he dyd / And the Quene sente pryuely on her party spyes to knowe what dedes he had done / for grete loue was bitwene them tweyn Soo whan the messagers were come home / they told the trouth as they had herd that he passed alle other knyghtes / but yf it were sir launcelot / Thenne kynge Marke was ryght heuy of these tydynges / and as glad was la Beale Isoud / Thenne in grete despyte he took with hym two good Knyȝtes / and two squyers / and desguysed hym self / and took his way to Englond to the entente for to slee sir Tristram / and one of these ij Knyghtes hyght Bersules / and the other Knyȝt was called Amant / Soo as they rode Kynge marke asked a knyght that he met where he shold fynde Kynge Arthur / he said at Camelot / Also he asked that Knyghte after sire Tristram whether he herd of hym in the courte of Kynge Arthur / wete you wel said that Knyȝt ye shall fynde sir Tristram ther for a man of as grete worship as is now lyuyng for thurȝ his prowesse he wā the turnement of the castel of maydens / that standeth by the hard roche / And sythen he hath wonne with his owne handes thyrtty Knyghtes that were men of grete honour /

¶ And the laste batail that euer he dyde / he foughte with syre Page  424 [leaf 212v] Launcelot / and that was a merueilous bataille / And not by force syr launcelot brought sir Tristram to the Courte / and of hym kynge Arthur made passynge grete ioye / and soo maade hym knyght of the table round / and his seate was where the good Knyghtes sir Marhaus seate was / Thenne was Kyng Marke passynge sory whanne he herd of the honour of sir Tristram / and soo they departed / Thenne said Kyng Marke vnto his two Knyghtes / Now wille I telle you my counceylle ye are the men that I trust moost to on lyue / and I wille that ye wete my comynge hyder is to this entente / for to destroye sir Tristram by wyles or by treason / and hit shalle be hard yf euer he escape our handes / Allas said sir Bersules what mene you / for ye be sette in suche a waye / ye are disposed shamefully For sir Tristram is the Knyȝt of moost worship that we knowe lyuynge / And therfor I warne you playnly I wyll neuer consente to doo hym to the dethe / and therfor I wyll yelde my seruyse / and forsake you whan kynge Mark herd hym say so / Sodenly he drewe his swerd and said A traitour / & smote syr Bersules on the hede that the suerd wente to his teeth / Whanne Amant the knyghte sawe hym doo that vylaynous dede / and his squyers / they said hit was foul done / and meschyeuously / wherfore we wille doo the no more seruyse / and wete ye wel / we wil appeche the of treason afore Arthur / Thenne was Kynge Marke wonderly wrothe / and wold haue slayne Amant / but he and the two squyers held them to gyders / and sette nought by his malyce / whanne Kynge marke sawe he myght not be reuenged on them / he said thus vnto the Knyght Amant / wete thou wel / and thou apoeche me of treason / I shalle therof defende me afore Kynge Arthur / but I requyre the that thou telle not my name that I am Kyng mark what someuer come of me / As for that said sir Amant I wil not discouer your name / and soo they departed / and Amant and his felawes took the body of Bersules and buryed hit

Page  425 [leaf 213r]

¶ Capitulum Octauum

THenne kynge Mark rode tyl he came to a fontayne / and there he rested hym / and stode in a doubte whether he wold ryde to Arthurs courte or none / or retorne ageyne to his countrey / And as he thus rested hym by that fontayne / ther came by hym a knyght wel armed on horsbak / and he alyghte and teyed his hors vntyl a tree / and sette hym doune by the brynke of the fontayne / and there he made grete lāgour and dole / and made the dolefullest complaynte of loue / that euer man herd / and al this whyle was he not ware of kynge Marke / And this was a grete parte of his complaynte / he cryed and wepte sayenge O fayre Quene of Orkeney kynge Lots wyf and moder of sir Gawayne and to sire Gaheris and moder to many other / for thy loue I am in grete paynes / Thenne Kynge Marke arose and wente nere hym / and sayd / Fayr knyght ye haue made pyteous complaynte / Truly said the knyght / hit is an honderd parte more reufullyr than my herte can vtter / I requyre you said Kyng Marke telle me your name / Sir said he as for my name I wil not hyde it from no knyght that bereth a shelde / and my name is sire Lamorak de galys / But whan sire Lamorak herd Kynge Mark speke thenne wist he wel by his speche that he was a Cornysshe knyght / Syr said sir Lamorak / I vnderstande by your tonge ye be of Cornewaile wherin there duelleth the shamefullest kynge that is now lyuynge / for he is a grete enemy to alle good knyghtes / and that preueth wel / for he hath chaced oute of that Countrey syr Tristram that is the worshipfullest knyght that now is lyuynge / and alle knyghtes speken of hym worship / And for Ialousnes of his quene he hath chaced hym oute of his countrey / Hit is pyte said sir Lamorak that euer ony suche fals knyght coward as kynge Marke is shold be matched with suche a fayre lady and good as la Beale Isoud is / for alle the world of hym speketh shame / and of her worshyp that ony Quene maye haue

¶ I haue not adoo in this matere said kynge marke / neyther noughte wille I speke therof wel said syre Lamorak syre can ye Page  426 [leaf 213v] telle me ony tydynges / I can telle you said syr Lamorak / that there shalle be a grete turnement in hast besyde Camelot at the castel of Iagent / and the kynge with the C knyȝtes & the kyng of Irland as I suppose make that turnement

¶ Thenne there came a knyght that was callid sire Dynadan / and salewed them bothe / And whan he wyst that kynge Marke was a knyght of Cornewaile / he repreued hym for the loue of kynge Marke a thousand fold more / than dyd sir lamorak / thenne he profered to Iuste with kynge Mark / and he was ful lothe therto / But sir Dynadan edgyd hym soo / that he Iusted with sir lamorak / & sir lamorak smote kyng marke so sore that he bare hym on his spere ende ouer his hors tayle / And thenne kynge Marke arose ageyne / and folowed after sir lamorak / but sir Dynadan wold not Iuste with sire Lamorak / But he told kynge Marke that sire Lamorak was syre kay the seneschall / that is not soo said kynge Mark / for he is moche byggar than sir kay / and soo he folowed and ouertoke hym / and badde hym abyde / what wille ye doo said sir Lamorak / Syr he said / I will fyghte with a swerd / for ye haue shamed me with a spere / and there with they dasshed to gyders with swerdes / and sir Lamorak suffred hym / and forbare hym And kynge Marke was passyng hasty / and smote thycke strokes / Syr Lamorak sawe he wold not stynte and waxyd somwhat wrothe / and doubled his strokes / for he was one of the noblest knyghtes of the world / and he bete hym soo on the helme that his hede henge nyȝ vn the sadel bowe Whan sir lamorak sawe hym fare soo / he said / syr knyght what chere me semeth ye haue nyghe your fylle of fyghtynge / hit were pyte to doo yow ony more harme / for ye are but a meane knyght / therfore I gyue you leue to goo where ye lyst / Gramercy said kyng Mark For ye & I be not matches / Thenne sir dynadan mocked kyng Marke and said ye are not able to matche a good knyght / as for that said Kyng Mark at the first tyme that I Iusted with this Knyȝt ye refused hym / Thynke ye that it is a shame to me said syr Dynadan / Nay syr it is euer worship to a Knyȝt to refuse that thyng that he may not atteyne / therfor your worship had ben moche more to haue refused hym as I dyd / for I warne you playnly he is able to bete suche fyue as ye / and Page  427 [leaf 214r] I be / for ye Knyghtes of Cornewaile are no men of worship / as other Knyghtes are / And by cause ye are no men of worship / ye hate alle men of worship / for neuer was bredde in your countrey suche a Knyght as is sir Tristram /

¶ Capitulum ix

THenne they rode forth alle to gyders Kynge Mark / sir Lamorak & sir Dynadan tyl that they came to a brydge / And at the ende therof stode a fayre Toure / Thenne sawe they a Knyght on horsbak wel armed braundysshyng a spere cryenge and proferynge hym self to Iuste / Now said sir Dynadan vnto Kyng Mark / yonder ar two bretheren that one hyght Aleyn / and the other hyghte Tryan that will Iuste with ony that passeth this passage / Now profer your self said Dynadan to Kynge Mark / for euer ye be leide to the erthe / Thenne Kynge Marke was ashamed / and there with he feutryd hys spere / and hurtlid to sir Tryan / and eyther brake their speres / all to pyeces / and passid thurgh anone / Thenne syr Trian sent Kynge Mark another spere to Iuste more / But in no wyse he wold not Iuste no more / Thenne they came to the castel al thre Knyghtes / and praid the lord of the castel of herburgh / ye are ryght welcome said the Knyghtes of the castel / for the loue of the lord of this castel / the whiche hyght sir Tor le fyse aries / & thenne they came in to a fayr courte wel repayred / and they had passynge good chere tyl the lieutenaunt of this castel that hyght Berluse / aspyed Kyng Marke of Cornewaile / Thenne said Berluse / syr Knyght I knowe you better than ye wene / for ye are Kynge Marke that slewe my fader afore myne owne eyen / and me hadde ye slayne hadde I not escaped in to a wood / but wete ye wel for the loue of my lord of this castel I will neyther hurte you ne harme you nor none of your felauship / But wete ye wel whan ye are past this lodgynge / I shalle hurte you and I may / for ye slewe my fader traitourly / But fyrst for the loue of my lord sir Tor / and for the loue of sir Lamorak the honourable Knyght that here is lodged ye shal haue none ylle lodgynge / For hit is pyte that euer ye shold be in the company of good Knyghtes / for ye ar the moost Page  428 [leaf 214v] vylaynous knyght or kynge that is now knowen on lyue / for ye are a destroyer of good knyghtes and alle that ye doo is but treason /

¶ Capitulum x

THenne was Kynge Marke sore ashamed / and sayd but lytyl ageyne / But whanne sir Lamorak and sir Dynadan wyst that he was kynge Marke / they were sory of his felauship / Soo after souper they wente to lodgynge / Soo on the morne they arose erly / and kynge Marke and sir Dynadan rode to gyders / and thre myle fro their lodgynge there met with hem thre knyghtes / and sir Berluse was one / and that other his two cosyns / Syr Berluse sawe kynge Marke / and thenne he cryed on hyghe traytour kepe the from me / for wete thou wel that I am Berluse / Syr knyght said sir Dynadan / I counceylle you to leue of at this tyme / for he is rydynge to Kynge Arthur / And by cause I haue promysed to conduyte hym to my lord kynge Arthur / nedes must I take a part with hym / how be hit I loue not his condycyon / and fayne I wold be from hym / Wel dynadan said sir Berluse me repenteth that ye wille take party with hym / but now doo your best / And thēne he hurtled to Kynge Marke and smote hym sore vpon the shelde / that he bare hym clene out of his sadel to the erthe / That sawe sir Dynadan / and he feutryd his spere / and ranne to one of Berluses felawes / and smote hym doune of his sadel / Thenne Dynadan torned his hors / and smote the thyrdde knyght in the same wyse to the erthe / for sire Dynadan was a good knyght on horsbak / and there byganne a grete batail for Berluse and his felawes helde them to gyders strongly on fote And soo thurgh the grete force of sir Dynadan / kyng Marke had Berluse to the erthe / and his two felawes fledde / and had not ben syre Dynadan kynge Marke wold haue slayne hym / And soo syre Dynadan rescowed hym of his lyf / for kynge Marke was but a murtherer / And thenne they took their horses / and departed / and lefte sir Berluse there sore woūded Thenne kynge Mark and sir Dynadan rode forth a four leges englysshe tyl that they came to a brydge where houed a knyght on horsbak armed and redy to Iuste /

¶ Loo sayd Page  429 [leaf 215r] syr Dynadan vnto Kynge Marke / yonder houeth a Knyghte that wille Iuste / for there shalle none passe this brydge / but he must Iuste with that Knyght / Hit is wel said kynge marke for this Iustes falleth with the / Syr Danadan knewe the knyght wel / that he was a noble Knyght / and fayne he wold haue Iusted / but he had had leuer Kyng Mark had Iusted with hym / but by no meane kynge Marke wold not Iuste / Thenne syr Dynadan myght not refuse hym in no maner / And thenne eyther dressid their speres and their sheldes / and smote to gyders soo that thorou fyne force syr Dynadan was smyten to the erthe / and lyghtely he arose vp / and gat his hors / and requyred that Knyght to doo bataille with suerdes / And he ansuerd and said Fair Knyght as at this tyme I may not haue adoo with you nomore / for the customme of this passage is suche / Thenne was sir Dynadan passynge wrothe / that he myȝt not be reuenged of that Knyghte / and soo he departed / and in no wyse wold that Knyght telle his name / But euer sir Dynadan thought he shold knowe hym by his shelde that it shold be sir Tor

¶ Capitulum xj

SOo as they rode by the way / Kynge Mark thenne beganne to mocke sir Dynadan and said I wend yow Knyghtes of the table round myȝt not in no wyse fynde their matches / ye say well said sir Dynadan / as for you on my lyfe I calle you none of the best knyghtes / But sythe ye haue such a despyte at me / I requyre you to Iuste with me / to preue my strengthe / Not soo said Kynge Mark / for I wille not haue ado with you in no maner / But I requyre you of one thyng that whanne ye come to Arthurs courte discouer not my name / for I am there soo hated / It is shame to you said sir Dynadan / that ye gouerne you soo shamefully / for I see by you ye ar ful of cowardyse and ye are a murtherer / and that is the grettest shame that a Knyght may haue / for neuer a Knyght beynge a murtherer hath worship / nor neuer shalle haue / for I sawe but late thurȝ my force ye wold haue slayn sir Berluse a better Knyghte than ye / or euer ye shal be / & more of prowesse Page  430 [leaf 215v]

¶ Thus they rode forth talkynge tyl they came to a fayre place where stood a knyght and prayd them to take their lodgynge with hym / Soo at the request of that knyght / they reposed them there and made them wel at ease / and had grete chere / For al arraunt knyghtes were welcome to hym / and specially alle tho of Arthurs courte / Thenne sire Dynadan demaunded his hoost what was the Knyghtes name that kepte the brydge For what cause aske you it said his hoost / for hit is not long ago said syr Dynadan sythen he gaf me a falle / A fayr knyght said his hoost / therof haue ye no meruaylle for he is a passynge good knyght / and his name is sir Tor the sone of aries le vayshere / A said sir Dynadan was that sir Tor / for truly soo euer me thought / Ryght as they stode thus talkyng to gyders / they sawe come rydynge to them ouer a playne vj knyghtes of the courte of kynge Arthur wel armed at al poyntes / And there by theire sheldes sire Dynadan knewe them wel / The fyrst was the good knyght sir Vwayne the sone of Kynge Vryens / the second was the noble knyght sir Brandyles / the thyrd was Ozana le cure hardy / the fourthe was Vwayne les auenturous / The fyfthe was syr Agrauayne / The vj sir Mordred broder to sir Gawayne / Whanne sir Dynadan had sene these vj knyghtes / he thought in hym self he wold brynge kynge Marke by some wyle to Iuste with one of them And anone they toke their horses & ranne after these knyghtes wel a thre myle englysshe / Thenne was kynge Marke ware / where they sat al syxe aboute a welle / and ete and drank suche metes as they had / and their horses walkyng and somme teyed / and their sheldes henge in dyuerse places aboute them Loo said sir Dynadan yonder ar Knyghtes arraunt that wyl Iuste with vs / God forbede said Kynge Mark / for they be syx and we but two / As for that said sire Dynadan lete vs not spare / for I wille assaye the formest / and there with he maade hym redy / whanne kynge Marke sawe hym doo soo as fast as sir Dynadan rode toward them Kynge marke rode froward them with alle his mayneal meyny / Soo whan sire Dynadan sawe Kynge Marke was gone / he sette the spere oute of the reest / and threwe his sheld vpon his bak / and came rydynge to the felauship of the table round / And anone sire Vwayne Page  431 [leaf 216r] knewe sir Dynadan / and welcomed hym / and soo dyd al his felauship /

¶ Capitulum xij /

ANd thenne they asked hym of his aduentures / & whether he had sene syr Tristram or sir launcelot / So god me helpe said sir Dynadan I sawe none of them sythen I departed from Camelot / what Knyght is that said sir Brandyles that soo sodenly departed from you / and rode ouer yonder felde / Syr said he / hit was a Knyghte of Cornewaile / and the moost horryble coward that euer bestrode hors / what is his name said alle these knyghtes / I wote not said sir Dynadan / Soo whan they had reposed them / and spoken to gyders / they took their horses / and rode to a castel where duellid an old knyght that made alle Knyghtes erraunt good chere / Thenne in the meane whyle that they were talkynge came in to the castel syr Gryflet le fyse de dieu / and there was he welcome / and they alle asked hym whether he had sene sire Launcelot or syre Tristram / Syrs he ansuerd I sawe hym not sythen he departed from Camelot / Soo as sir Dynadan walked and beheld the castel / there by in a chamber he aspyed Kynge Marke / and thenne he rebuked hym / and asked hym why he departed soo / Syr said he for I durst not abyde by cause they were so many But how escaped ye said Kyng Mark / syr said sir Dynadan they were better frendes than I wend they had ben / who is Capytayn of that felauship said the Kynge / thenne for to fere hym sir Dynadan sayd that it was sir Launcelot / O Ihesu said the Kyng myghte I knowe sir Launcelot by his shelde / ye said Dynadan / for he bereth a shelde of syluer and black bendys / Alle this he said to fere the kyng / for sire launcelot was not in his felauship / Now I pray you said kyng Mark that ye wille ryde in my felauship / that is me lothe to doo said syre Dynadan by cause ye forsoke my felauship / Ryght soo sir Dynadan went from kyng Mark & wente to his own felauship and soo they mounted vpon their horses / & rode on their wayes / and talked of the Cornyssh knyghte / for Dynadan told them that he was in the castel where they were lodged / hit is Page  432 [leaf 216v] wel said said sir Gryflet / for here haue I brought sir Dagonet kynge Arthurs foole that is the best felawe and the meryest / in the world /

¶ Wille ye doo wel said sir Dynadan I haue told the Cornysshe Knyght that here is sir Launcelot / and the Cornysshe Knyght asked me what shelde he bare / Truly I told hym that he bereth the same shelde that sir Mordred bereth / wyl ye doo wel said sir Mordred I am hurte and maye not wel bere my shelde nor harneis / And therfore put my shelde and my harneis vpon sir Dagonet / and lete hym sette vpon the Cornysshe Knyght / that shalle be done said sir Dagonet by my feythe / Thenne anone was Dagonet armed hym in Mordreds harneis and his shelde / & he was sette on a grete hors & a spere in his hand / Now said Dagonet shewe me the Knyght / & I trowe I shalle bere hym doune / Soo alle these Knyghtes rode to a woode syde / and abode tyl Kynge Marke came by the way / Thenne they putte forth sir Dagonet / and he came on al the whyle his hors myght renne streyght vpon Kynge Mark And whanne he came nyghe Kynge Marke / he cryed as he were wood / and said kepe the Knyghte of Cornewaile / for I wille slee the / Anone as Kynge Mark beheld his shelde / he said to hym self / yonder is sir launcelot Allas now am I destroyed / and there with all he made his hors to renne as fast as it myghte thorugh thycke and thynne / And euer sire Dagonet folowed after Kynge Mark cryenge and rateynge hym as a wood man thurgh a grete forest / whanne sir Vwayne and sire Brandyles sawe dagonet soo chace Kynge Marke / they laughed all as they were wood / And thenne they toke theire horses / and rode after to see how sir Dagonet spedde / for they wold not for no good that sire Dagonet were shente / for Kyng Arthur loued hym passynge wel / and made hym Knyght his owne handes / And att euery turnement he beganne to make Kynge Arthur to laughe / Thenne the knyghtes rode here and there cryenge and chacyng after kynge Marke that alle the forest range of the noyse /

¶ Capitulum xiij

SOo kyng Mark rode by fortune by a welle in the way where stood a Knyght erraunte on horsbak armed att al poyntes with a grete spere in his hand Page  433 [leaf 217r] And whanne he sawe Kynge Marke comynge fleynge / he said Knyght retorne ageyne for shame and stand with me / & I shalle be thy waraunt / A fayr Knyght said Kyng Marke lete me passe / for yonder cometh after me the best knyght of the world with the blak bended shelde / Fy for shame said the knyght he is none of the worthy Knyghtes / and yf he were syre launcelot or sir Tristram I shold not doubte to mete the better of them bothe / Whanne Kynge Marke herd hym saye that word / he torned his hors and abode by hym / And thenne that stronge Knyght bare a spere to Dagonet / and smote hym so sore that he bare hym ouer his hors tayle / and nyghe he had broken his neck / And anone after hym came sir Brandyles / and whanne he sawe Dagonet haue that falle / he was passynge wrothe / and cryed Kepe the Knyght / and soo they hurtled to gyders wonder sore / But the Knyght smote sir Brandyles so sore that he wente to the erthe hors and man / Syre Vwayne came after and sawe alle this / Ihesu said he / yonder is a stronge Knyght / And thenne they feutryd theyr speres / and this Knyght came soo egerly that he smote doune sir Vwayne / Thenne came Ozana with the hardy hert / and he was smyten doune / Now said sire Gryflet by my counceyl lete vs sende to yonder arraunt Knyght / and wete whether he be of Arthurs Courte / for as I deme hit is sir Lamorak de galys / Soo they sente vnto hym / and prayd the straunge Knyghte to telle his name / and whether he were of Arthurs courte or not / As for my name they shalle not wete / but telle hem I am a Knyȝt arraunt as they ar / and lete them wete that I am no Knyghte of Kynge Arthurs Courte / and soo the squyer rode ageyne vnto them and told them his ansuer of hym / By my hede said sir Agrauayne he is one of the strongest Knyghtes that euer I sawe / for he hath ouerthrowen thre noble Knyghtes / and nedes we must encountre with hym for shame / So syr Agrauayne feutryd hid spere / and that other was redy / & smote hym doune ouer his hors to the erthe / And in the same wyse he smote sir Vwayne les auoultres and also sir Gryflet / thenne had he serued hem alle / but sir Dynadan / for he was behynde / and sir Mordred was vnarmed and Dagonet had his harneis /

¶ Soo whan this was done this stronge Knyght rode on his Page  434 [leaf 217v] his way a softe paas / and kynge Marke rode after hym / praysynge hym mykel / but he wold ansuer no wordes / but syghed wonderly sore / hangynge doune his hede / takyng no hede to his wordes / Thus they rode wel a thre myle Englysshe / and thenne this Knyght called to hym a varlette / and badde hym ryde vntyl younder fayr manoyre / and recommaunde me to the lady of that castel and place / and praye her to sende me refresshynge of good metes / and drynkes / And yf she aske the what I am / Telle her that I am the knyght that foloweth the Glatysaunt beest / that is in Englysshe to saye the questynge beeste for that beest where someuer he yede / he quested in the bely with suche a noyse / as hit hadde ben a thyrtty couple of houndes

¶ Thenne the varlet wente his way and came to the manoyr and salewed the lady / and told her from whens he came / And whan she vnderstode that he came from the knyghte that folowed the questynge beeste / O swete lord Ihesu the sayd whan shalle I see that noble Knyghte my dere sone Palomydes / Allas wille he not abyde with me / and there with she swouned and wepte / and made passynge grete dole / and thenne also soone as she myghte she gaf the varlet alle that he axyd / And the varlet retorned vnto sir Palomydes / for he was a varlet of kynge Marke / And as soone as he came / he told the knyghtes name was sir Palomydes / I am wel pleasyd said kynge Marke but holde the styll and seye no thynge /

¶ Thenne they alyghte and sette them doune and reposed them a whyle / Anone with alle kynge Marke felle on slepe / whanne syre Palomydes sawe hym sound a slepe / he took his hors and rode his way and said to them I wille not be in the companye of a slepynge Knyghte / And soo he rode forthe a grete paas

¶ Capitulum xiiij

NOw torne we vnto sire Dynadan that fonde these seuen knyghtes passynge heuy / And whanne he wyste how that they sped/ as heuy was he / My lord Vwayne said Dynadan / I dare ley my hede it is sir Lamorak de galys / I promyse you alle / I shalle fynde hym / and he may be founde inPage  435 [leaf 218r] this countrey / and soo syre Dynadan rode after this knyghte / And so dyd kyng Marke that sought hym thurgh the forest Soo as Kyng Mark rode after sir Palomydes / he herd a noyse of a man / that made grete dole / Thenne kyng Mark rode as nyghe that noyse as he myght and as he durst / Thenne was he ware of a knyght that was descended of his hors / and hadde putte of his helme / and there he made a pyteous complaynte / and a dolorous of loue

¶ Now leue we that / and talke we of sire Dynadan that rode to seke syr Palomydes / And as he came within a foreste / he mette with a Knyght a chacer of a dere / Syr said sire Dynadan mette ye with a Knyghte with a shelde of syluer / and lyons hedes / ye fayr knyghte sayd the other / with suche a knyght mette I with but a whyle agone / and strayte yonder waye he yede / Gramercy said sir Dynadan/ for myght I fynde the trak of his hors I shold not fayle to fynde that Knyghte / Ryghte so as sir Dynadan rode in the euen late / he herd a doleful noyse as it were of a man /

¶ Thenne sir Dynadan rode toward that noyse / And whanne he came nyghe that noyse / he alyghte of his hors / and wente nere hym on foote / Thenne was he ware of a knyght that stood vnder a tree and his hors teyed by hym / and the helme of his hede / and euer that knyght made a doleful complaynte as euer made knyghte / And alweyes he made his complaynte of la Beale Isoud the Quene of Cornewaile / and said A fayr lady why loue I the / for thou art fayrest of alle other / and yet shewest thou neuer loue to me / nor bounte / Allas yet must I loue the / And I may not blame the fayre lady / for myn eyen ben cause of this sorowe / And yet to loue the I am but a foole / for the best knyghte of the world loueth the / and ye hym ageyne / that is sir Tristram de Lyones And the falsest kynge and Knyghte is youre husband / and the moost coward and ful of treason is your lord kyng marke

¶ Allas that euer so fayre a lady and pyerles of alle other shold be matched with the moost vylaynous knyght of the world / Alle this langage herd Kynge Marke / what sir Palomydes said by hym / wherfore he was adradde / whanne he sawe sire Dynadan lest and he aspyed hym / that he wold telle syre Palomydes that he was Kynge Marke / and Page  436 [leaf 218v] therefor he withdrewe hym and took his hors and rode to his men where he commaunded hem to abyde / And soo he rode as fast as he myght vnto Camelot / & the same day he fonde there Amant the knyght redy that afore Arthur had appeled hym of treason / and soo lyghtely the Kynge commaunded them to do bataile / And by mysauenture kynge Marke smote Amant thorugh the body / And yet was Amant in the ryghtuous quarel And ryghte soo he took his hors and departed from the court for drede of sir Dynadan that he wold telle syr Tristram and sir Palomydes what he was /

¶ Thenne were ther maydens / that la Beale Isoud hadde sente to sire Tristram that knewe sir Amant wel

¶ Capitulum xv

THenne by the lycence of Kynge Arthur / they went to hym and spak with hym / for whyle the troncheon of the spere stake in his body he spak / A fayr damoysels said Amant / ye recommaūde me vnto la Beale Isoud / and telle her that I am slayn for the loue of her and of sir Tristram / And there he told the damoysels how cowardly Kyng Mark had slayne hym and sire Bersyles his felawe /

¶ And for that dede I appeled hym of treason / and here am I slayne in a ryghtuous quare